ԹՈՂ ՆԱԽ ԻՐ ՓԼՎԱԾ ՀԱԿ-Ը ՓՈՐՁԻ ՓՐԿԵԼ

ԹՈՂ ՆԱԽ ԻՐ ՓԼՎԱԾ ՀԱԿ-Ը ՓՈՐՁԻ ՓՐԿԵԼ

Գուցե ապրիլմեկյան կատակ թվա, բայց հուլիսի 2-ին կայացած ասուլիսի ժամանակ ՀԱԿ անդամ, ՀՀՇ վարչության նախագահ Արամ Մանուկյանը բավական լուրջ հայտարարել է. ՙՄեր խնդիրն է ՀՀԿ-ից մարդիկ բերել ընդդիմադիր թեւ: Ինչպես, օրինակ, 2008-ի փետրվարին մեզ միացան գեներալներ...՚:
Աբսուրդի թատրոն հիշեցնող այս հայտարարության վերաբերյալ սեփական մեկնաբանություններից զերծ մնալով` ՙԻրավունք՚-ը դիմեց ՀՀԿ անդամ, ԱԺ պատգամավոր ՀՈՎՀԱՆՆԵՍ ՍԱՀԱԿՅԱՆԻՆ.
-Նախ այն մարդիկ, ում հիշատակում է Արամ Մանուկյանը, թե 2008 թվականին անցել են իրենց շարքերը, կարծում եմ անձամբ Արամ Մանուկյանին կամ իրենք իրենց պատասխանը դեռ կտան: Իսկ ինչ վերաբերում է ՀՀԿ խմբակցությունից մարդ տանելուն, Արամ Մանուկյանին խորհուրդ կտանք նախ իրենց ՙԱզգային կոնգրեսը՚ պահեն, որը փլուզվել է ու մնացել են մի քանի հոգի, հետո նոր խնդիր դնեն այլ քաղաքական թիմից մարդ տանելու: Պարզ է, թե իրենց մոտ որտեղից է այս խուճապը: Նաեւ Ազգային ժողովի աշխատանքների հետ է կապված դա, միգուցե իրենք նման պատկերացում չունեին եւ, փաստորեն, Արամ Մանուկյանն ինքն էլ խոստովանում է, որ այս Ազգային ժողովը այսօրվա իշխանության բարձր քաղաքական դրսեւորումն է:
- Բայց, այնուամենայնիվ, մի±թե պարոն Մանուկյանը օբյեկտիվ հիմքեր ունի այսպիսի հույսեր փայփայելու համար:
- Ընդամենը մեր քաղաքական թիմի անունից պետք է նշեմ, որ Հանրապետական կուսակցությունը այսօր միահամուռ է: Իսկ Հայ ազգային կոնգրեսը խնդիրներ ունեցող խմբակցություն է եւ պետք է նմանատիպ հայտարարություններ անի, որպեսզի այն շղարշային մշուշը, որը ձեւավորվել կամ պատել է այդ քաղաքական թիմին, ցրի կամ ուղղությունը շեղի: Միգուցե Արամ Մանուկյանը փորձի± իրենց քաղաքական թիմը լքող քաղաքական ուժերին եւ քաղաքական գործիչներին պահել, այնուհետեւ սկսի այլ քաղաքական թիմերից իրենց դաշտ մարդ կամ քաղաքական ուժ տանելու վերաբերյալ  հույսեր փայփայել:
- Այս ամենի հետ մեկտեղ պարոն Մանուկյանը նշում է, որ այս Ազգային ժողովը ամենակայացածն ու ամենաուժեղն է:
- Դա փաստում է նրա մասին, որ այսօր իշխանություններն ունեն քաղաքական կամք եւ կարողացան անցկացնել նորմալ, թափանցիկ ընտրություններ, ինչի արդյունքում ձեւավորվեց իրենց իսկ ձեւակերպմամբ այս ուժեղ, կայացած կամ ամուր Ազգային ժողովը: Եվ այս կայացած Ազգային ժողովի հիմնական դերակատարը լինելով Հանրապետական կուսակցությունըª ի զորու է իր առջեւ դրված խնդիրները լուծել: Պետք է փաստենք, որ Ազգային ժողովի ընտրություններին մեր ժողովուրդը ապացուցեց, որ գնում է ուժեղի հետեւից եւ սիրում ու ընդունում է ուժեղներին, թույլերին չեն սիրում: Եվ դա նաեւ քվեներով ապացուցվեց, եւ հիմա չեմ կարծում, որ Ազգային ժողովում թույլերի հետեւից որեւէ մեկը պետք է գնա կամ անդամագրվի:

ՀՐԱՆՏ ՍԱՐԱՖՅԱՆ