ՙՙՙՙԲՈՐԻՍԸª ԳԵՏՆԻՆ ՊԱՌԿԱԾ, ԹՊՐՏՈՒՄ ԷՐ...՚

ՙԲՈՐԻՍԸª ԳԵՏՆԻՆ ՊԱՌԿԱԾ, ԹՊՐՏՈՒՄ ԷՐ...՚

Հունիսի 27-ին Տավուշի մարզի Բերդի տարածաշրջանի Նավուր գյուղում` կենցաղային հարցերի շուրջ վեճն ավարտվել է նռնակի պայթյունով: Ամուսիններ` Վալենտին Սարգսյանը եւ Լիանետա Պետրոսյանը կենցաղային հարցերի շուրջ տարաձայնություններ են ունեցել, ինչից հետո  կինը գնացել է հայրական տուն, որտեղ բնակվում էին եղբայրն ու նրա կինը: Զայրացած ամուսինը գնացել էր կնոջ հետեւից, հայհոյանքներ տվել, ու սպառնացել, որ կպայթեցնի իր մոտ եղած նռնակը: Սպառնալիքը իրեն երկար սպասեցնել չտվեց` րոպեներ անց նռնակը նետել է աներորդու տան մեջ: Պայթյունի արդյունքում մահացել են ինքը` Վալենտին Սարգսյանը, կինը`  51-ամյա Լիանետա Պետրոսյանը, աներորդու կինը` 60-ամյա Թամարա Հարությունյանը, իսկ աներորդին` 62-ամյա Բորիս Պետրոսյանը, մարմնական ծանր վնասվածքներով անմիջապես տեղափոխվել էր Բերդի բժշկական կենտրոն: Նշենք նաեւ, որ նռնակ պայթեցնողը`Վալենտին Սարգսյանը 1996-1997թթ. դատվել է թմրանյութերի օգտագործման համար:
Տեղի գյուղապետի` ԱՐԱՄ ՆԻԳՈՅԱՆԻ խոսքերով.
- Նորմալ ընտանիք էին, երեխեքը Ռուսաստանում աշխատում էին, փող ուղարկում, իրանք էլ հանգիստ ապրում էին իրենց համար: Իրար հետ կռվել են, կնիկը թողել-գնացել է հոր տուն, մարդն էլ մի քիչ տաքարյուն մարդ էր, ըստ երեւույթին, ինքն էլ չի գիտակցել իր քայլի հետեւանքները:
Իսկ գյուղապետի տեղակալ ՄՀԵՐ ՆԻԳՈՅԱՆԸ նշեց.
- Անասնապահությամբ զբաղվող, տան հոգսերով ապրող ընտանիք է եղել: Մենք բոլորս էլ շատ  զարմացած ենք, որ էսպիսի բան էղավ, ինքը կռված տղա էր, ուներ 2 որդի, ապրում էին սոցիալապես նորմալ պայմաններում, կինը տնային տնտեսուհի էր, գյուղատնտեսական աշխատանքներում օգնում էր ամուսնուն:
Արտակարգ միջադեպի հետ կապված փորձեցինք որոշ տեղեկություններ պարզել տեղի գյուղացիներից.
- Դեպքի մասին իմացել եմ պայթյունի ձայնից, հարեւաններով բարձրացանք վերեւ ու սարսափելի տեսարանի ականատես եղանք` Բորիսըª գետնին պառկած, թպրտում էր, արագ շտապօգնութուն կանչեցինք, հետո եկավ Ոստիկանությունը:
- Վերջերս նրանց ընտանիքում վեճ էր առաջացել, կինը` Լիանետան,  գնացել էր եղբոր տուն, որը իրենց տնից մի փոքր էր հեռու,Վալենտինն էլ երեւի չհանդուրժելով Լիանետի նման արարքըª գնացել էր նման քայլի: Ուրիշ բացատրություն չեմ կարող գտնել, հավասարակշռված, ոչ մեկի ոչ խերին, ոչ շառին էին խառնվում: Կարում էինª լավություն էին անում, չէ` չէ:
- Հնարավոր է կատարվածի պատճառը լինի ամուսնու խանդը, քանի որ կնոջը նա շատ է սիրել:
Իսկ մեկ ուրիշ հարեւան էլ, թեª
- Բացառում են, որ կինը երբեւէ խանդի առիթ տված լինի:
Ողբերգական միջադեպից ՙտուժած՚, հետո հիվանդանոց տեղափոխված Բորիս Պետրոսյանի վիճակը ոչ մի ծանր էլ չի եղել, նա պարզապես խմած քնած է եղել:
Իսկ ինչպե±ս է ստացվել, որ խմած մարդու վիճակը գնահատվել է ծանր, նույնիսկ ասում էիք, որ գուցե հարկ լինի տեղափոխել Երեւան: Այս հարցին Բերդի հիվանդանոցի վիրաբուժական բաժանմունքի վարիչ ՀԱՄԼԵՏ ՊԵՏՐՈՍՅԱՆԸ պատասխանեց.
- Նրա մոտ խոր խմածություն է հայտնաբերվել, որի պատճառով ընկել է տրանսի մեջ: Բժշկության մեջ դա կոչվում է խոր մրափ: Առավոտյան վեր է կացել, կռիվ սարքել բուժանձնակազմի հետ, հիմա էլ առողջ տուն է գնացել:
Ապա ավելացրեց.
- 53-ամյա Բորիս Պետրոսյանը մեծ սեր է ունեցել ալկոհոլի նկատմամբ եւ հաճախակի է նման վիճակում հայտնվում:  
Ոստիկանության լրատվության եւ հասարակայնության հետ կապերի վարչությունից տեղեկացանք, որ դեպքի առթիվ  հարուցվել է քրեական գործ Հայաստանի Քրեական օրենսգրքի 104 հոդվածի 2-րդ մասի 1-ին կետի (սպանություն` երկու կամ ավելի անձանց) եւ 235 հոդվածի 1-ին մասի (ապօրինի կերպով զենք-զինամթերք պահել, կրել եւ օգտագործել) հատկանիշներով:

ԻԼՈՆԱ ԱԶԱՐՅԱՆ