ԲԱԳՐԱՏՅԱՆԸ ՀԱԿ-Ի ՀԱՆՐԱՀԱՎԱՔԻՑ ԱՎԵԼԻ ԿԱՐԵՎՈՐ ԳՈՐԾԵՐ ՈՒՆԻ

ԲԱԳՐԱՏՅԱՆԸ
ՀԱԿ-Ի ՀԱՆՐԱՀԱՎԱՔԻՑ ԱՎԵԼԻ ԿԱՐԵՎՈՐ ԳՈՐԾԵՐ ՈՒՆԻ

Քչերը ներկա լինելով եւ շատերը հետեւելով հունիսի 26-ին կայացած ՀԱԿ ՙդարակազմիկ՚ հանրահավաքինª նկատեցին, որ ՀԱԿ կարկառուն ներկայացուցիչ Հրանտ Բագրատյանը ներկա չէր: Իսկ թե ինչո±ւ այս անգամ պարոն Բագրատյանը լքեց Օպերայի բեմահարթակի ՙանդավաճան՚ բանախոսների բանակը, շատերի մոտ բազմաթիվ հարցականներ առաջացրեց:
Չկարողանալով կապ հաստատել Հ. Բագրատյանի հետ` իր կուսակից եւ ԱԺ պատգամավոր ԼՅՈՒԴՄԻԼԱ ՍԱՐԳՍՅԱՆԻՑ պարզեցինք հետեւյալը. ՙՄարդն ուղղակի բացակայում էր քաղաքից, գործերով տեղ էր գնացել, այդքան բան՚:
Դե իհարկե, որ մարդ է եւ կարող է բացակայել` հասկանալի է, բայց դժվար է հավատալ, որ հենց այդ օրը պարոն Բագրատյանը անհետաձգելի գործեր ուներ, չէ± որ ազգի հարցը ՀԱԿ-ը հանրահավաքի ժամանակ է լուծում:

ՀՐԱՆՏ ՍԱՐԱՖՅԱՆ


ԲՆԱԿԻՉՆԵՐՆ ԸՆԴԴԵՄ ԳՐԱՆՏԱԿԵՐ ԲՆԱՊԱՀՊԱՆՆԵՐԻ

Ինչպես հայտնի է` ճղճղան բնապահպան ակտիվիստ Մարիամ Սուխուդյանը փորձել է ակցիաներ կազմակերպել` ընդդեմ Նոր Նորք վարչական շրջանում Նանսենի փողոցին հարող պուրակում Նանսենի թանգարանի կառուցման: Սակայն այդ կեղծ բնապահպանությունը հարուցել է տեղի բնակիչների վրդովմունքը, եւ երեկ անգամ Նոր Նորքի ուսանողները պուրակում կազմակերպել էին ցույց` ի պաշտպանություն թանգարանի շինարարության: Հիշեցնենք, որ Հայոց ցեղասպանությունից հետո Նանսենի ջանքերով փրկվել էին շուրջ 320 հազար հայեր:

ՍԵՓ. ԼՐԱՏՎՈՒԹՅՈՒՆ


ԻՆՉ ԳՈՐԾ ՈՒՆԵԻՆ ԹԻԿՆԱՊԱՀՆԵՐԸ ՙՀԱՐՍՆԱՔԱՐՈՒՄ՚

Երեւանի ոստիկանապետ Ներսես Նազարյանը հայտարարել է, որ ՙՀարսնաքար՚ ռեստորանի ողբերգական գործով կալանավորվածների թվում կան նաեւ ԱԺ պատգամավոր Ռուբեն Հայրապետյանի թիկնապահներից: Այս հայտարարությունից հետո անմիջապես հարց է ծագում` արդյոք նախաքննությունը պարզե±լ է, թե ինչ անելիք ունեին դեպքի վայրում պարոն Հայրապետյանի թիկնապահները եւ եթե թիկնապահները ներկա էին, ապա դեպքի վայրում ներկա± էր հենց ինքըª Ռ.Հայրապետյանը:
Սակայն, վերոնշյալ հարցերի վերաբերյալ ոստիկանությունը դեռ լռում է: Որոշ հարցերի վերաբերյալ ոստիկանության համառ լռությունը ՙԻրավունք՚-ի հետ զրույցում ոստիկանության հասարակայնության հետ կապերի եւ լրատվության վարչության պետ ԱՇՈՏ ԱՀԱՐՈՆՅԱՆԸ բացատրեց այսպես. ՙԴեռ նախաքննություն է գնում: Դրա շահերից ելնելով` այն տեղեկատվությունը, ինչը չի խանգարի նախաքննությանը, պարբերաբար կտրամադրենք եւ դուք հնարավորություն կունենաք հարցերն ուղղել հենց նախաքննող մարմնին՚:

ՀՐԱՆՏ ՍԱՐԱՖՅԱՆ