16 ՀԱԶԱՐ ԴՐԱՄՈՎ 20 ՐՈՊԵՈՒՄ ՀԱՍՆԵԼՈՒ ԵՆՔ ՍՏԵՓԱՆԱԿԵՐՏ

16 ՀԱԶԱՐ ԴՐԱՄՈՎ 20 ՐՈՊԵՈՒՄ
ՀԱՍՆԵԼՈՒ ԵՆՔ ՍՏԵՓԱՆԱԿԵՐՏ

Արդեն նույնիսկ վրացական լրատվամիջոցներն են հայտնում, որ Ստեփանակերտի օդանավակայանը պատրաստ է շահագործման եւ ցանկացած պահի կարող է չվերթներ ընդունել: Նույնիսկ նշվում է, որ տոմսի գինը լինելու է 16 հազար դրամ: Գաղտնիք չէ, որ սպասված առաջին հանդիսավոր թռիչքը ինչ-ինչ պատճառներով դեռ չի իրականանում, թեպետ ԼՂՀ նախագահի աշխատակազմի հասարակայնության հետ կապերի գլխավոր վարչության պետ ԴԱՎԻԹ ԲԱԲԱՅԱՆԸ հավատացնում է, որ ոչ մի քաղաքական դրդապատճառ չկա.
-Ո±վ է ասել, որ թռիչքը ձգձգվում է, ամեն ինչ գնում է ըստ նախատեսված ծրագրի: Նախեւառաջ ամբողջովին օդանավակայանը պատրաստ է, շուտով ինքնաթիռը նույնպես կսկսի աշխատել: Սկզբնական փուլում կլինեն փորձնական, տեխնիկական թռիչքներ եւ միայն դրանց ավարտից հետո մեր հայրենակիցները կօգտվեն օդային տրանսպորտից: Մոտ ապագայում օդանավակայանը կսկսի ամբողջությամբ աշխատել:
- Ըստ Ձեզ, ինչպե±ս է ապահովվելու թռիչքների անվտանգությունը, քանի որ Ադրբեջանը մշտապես սպառնալիքներ է հնչեցրել օդանավակայանի շահագործման հետ կապված:
- Մենք ունենք բոլոր հնարավորությունները անվտանգության բարձր մակարդակով եւ թռիչքները դյուրին կերպով կազմակերպելու համար: Եթե Ադրբեջանը փորձի վնասել, ապա այն անկանխատեսելի հետեւանքներ կարող է ունենալ: Եվ, եթե Ադրբեջանը իրոք մտադիր է պատերազմ սկսել, ուրեմն` ինքնաթիռի վրա հարձակումները կլինեն ոչ թե պատճառ, այլ առիթ: Բայց առիթը կարելի է փնտրել ոչ միայն ինքնաթիռի, այլ ցանկացած երեւույթի մեջ` մեքենայի, մրջյունի եւ այլն: Հետեւաբար անհոգ եղեք, այս տեսանկյունից ամեն ինչ նորմալ է:

ՀՐԱՆՏ ՍԱՐԱՖՅԱՆ