ՀԵՐԹԱԿԱՆ ԻՆՔՆԱՍՊԱՆՈՒԹՅԱՆ ՀԵՏՔԵՐՈՎ. ՀԱՅՐԸ ՊԵՏՔ Է ԳԱՐª ՈՐԴՈՒՆ ՏԱՆԵՐ ՌՈՒՍԱՍՏԱՆ...

ՀԵՐԹԱԿԱՆ ԻՆՔՆԱՍՊԱՆՈՒԹՅԱՆ ՀԵՏՔԵՐՈՎ.
ՀԱՅՐԸ ՊԵՏՔ Է ԳԱՐª ՈՐԴՈՒՆ ՏԱՆԵՐ ՌՈՒՍԱՍՏԱՆ...

Հունիսի 17-ինª առավոտյան ժամը 7:30-ի սահմաններում, Սպիտակի բժշկական կենտրոնից շտապ օգնության բրիգադը կանչով մեկնել է Լեռնանցք գյուղ, որտեղ հայտնաբերվել է, որ տան նկուղում կախվելու միջոցով ինքնասպան է եղել 14-ամյա Արտյոմ Վարդանյանը: 14-ամյա անչափահասը կախվել է մետաղյա էլէկտրալարի միջոցով: Դեպքի վայր է մեկնել Ոստիկանության Սպիտակի բաժնի օպերատիվ խումբը` Ոստիկանության Լոռու մարզային վարչության պետի օպերգծով տեղակալ Արամ Ղազարյանի, Ոստիկանության Սպիտակի բաժնի պետ Արթուր Շահվերդյանի գլխավորությամբ...
14-ամյա Արտյոմը կատարվածի հետ կապված որեւէ գրություն չի թողել, սակայն հարեւաններիª մեզ  տված տեղեկության համաձայն` Արտյոմ Վարդանյանը ինքնասպանության նմանատիպ մի փորձ էլ կատարել էր 15-20 օր առաջ: Այն ժամանակ իր այդ քայլը տղան պատճառաբանել էր համակարգիչ ունենալու ցանկությամբ: Մայրը գնել էր համակարգիչը...
Իսկ թե ինչ է ցանկացել ունենալ տղան այս անգամ, դեռեւս պարզ չէ: Համագյուղացիները  պատմում են նաեւ, որ երեխայի հայրը` Արսենը, արտագնա աշխատանքներ կատարելու նպատակով գտնվում է ՌԴ-ում, իսկ մայրը` Ժաննա Մաթոսյանը, տնային տնտեսուհի է: Նրանք ունեն նաեւ մանկահասակ աղջիկ երեխա: Ինքնասպան եղած անչափահասը այս տարի տեղափոխվել է տեղի միջնակարգ դպրոցի 9-րդ դասարան: Դասարանի տղաներից էլ պատմում են, որ դեպքից մեկ օր առաջ Արտյոմն իրենց ուրախ-ուրախ պատմել է, որ մի քանի օրից հայրը գալու է Ռուսաստանից եւ իր համար  մեքենա է գնելու:
Հարեւանները Արտյոմին նկարագրում են որպես դյուրագրգիռ, շուտ նեղացկոտ երեխայի:
14-ամյա Արտյոմի ընտանիքի մասին եղած տեղեկությունները ճշտելու ակնկալիքով դիմեցինք Լեռնանցքի գյուղապետ ԼԵՎԻԿ ԱԲԳԱՐՅԱՆԻՆ.
- Կարելի է ասելª սոցիալապես ապահովված են: Մի քիչ սովորական, մի քիչ արտասովոր ընտանիք են:
- Ինչո±վ են արտասովոր:
- Դե, ամուսինը տարին 12 ամիս խոպան ա, էրեխեքն էլ մոր հույսին են...
Զրուցեցինք նաեւ տեղի միջնակարգ դպրոցի տնօրեն ԱՎԱԳՅԱՆԻ հետ, որն էլ նշեց հետեւյալը.
- Արտյոմը նորմալ երեխա էր: Ճիշտ էª առաջադիմությամբ չէր փայլում, բայց, համենայնդեպս, իրա դրականը ապահովում էր: Կարգապահ էր, կարելի ասել, անկարգ բաներ չէր անում, նրա վատ արարքը ես չեմ տեսել դպրոցում: Համոզված եմ` ընկերները եւս չեն ասի, որ նա վատ բնավորության տեր տղա էր: Մի բան կարող եմ ասել` երեւի օրվա իր ամենալավ ժամանակները ինքը դպրոցում էր անցկացնում:
- Իսկ ինչպիսի± ընտանիք ուներ Արտյոմը:
- Նորմալ ընտանիք չուներ էդ էրեխեն: Նորմալ ընտանիքը այն է, որ հեր կա, մեր կա, ծնող կա, երեխա-ծնող հարաբերություն գոյություն ունի: Իսկ Արտյոմի հերը Ռուսաստանում ա լինում համարյա միշտ: Կարողա տարին մի անգամ գարª տունը վերանորոգելու համար ու նորից գնար:
- Իսկ մայրը ինչպիսի±ն է:
- Մոր վարքի մասին մի° հարցրեք էլի, եկեք ուրիշ բանից խոսենք:
- Իսկ այնուամենայնի±վ:
- Ինչքան բացասական բան գիտեք կնոջը վերաբերող, վերագրեք իրեն: Վատ վարքի տեր, դրան գումարեք ամենագերադրական աստիճանի բացասական արարքները: Չեմ էլ ուզում նույնիսկ պատկերացնեք: Երեխան մենակ ավելի լավ էր իրեն զգում, քան մոր հետ: Ահագին ժամանակ մերը հոր տունն էր գնացել աղջիկ երեխու հետ, մի քանի ժամանակ ա, որ էլի եկել ա: Երեւի մենակ իրան ավելի լավ էր զգում էդ երեխան:
Իսկ Արտյոմի դասղեկը` ՀԱՍՄԻԿ ԴԻԼԲԱՐՅԱՆԸ, այսպես նկարագրեց իր աշակերտին.
- Արտյոմին կարող եմ նկարագրել որպես դրական կերպար` ընկերասեր, հոգատար, կենսուրախ, աշխույժ երեխայի: Չի ունեցել որեւէ բարդույթ, որ շրջապատից առանձնանա, մենակ մնա: Սովորել է միջակ, ինքը իր ունակություններով ավելի կարող ուժեր, քան իր դրսեւորած առաջադիմությամբ: Ավելի շատ սիրում էր հումանիտար առարկաները` հայոց լեզու, գրականություն... Շատ գեղեցիկ ասմունքում էր, ուներ շատ գեղեցիկ խոսք: Եթե կարծիք արտահայտելու լիներ, ինքը ուներ իր ինքնուրույն խոսքը, դիրքորոշումը: Վերջին անգամ մենք բաժանվել ենք շատ նորմալ տրամադրությամբ, ասում էր, որ հայրը շուտով պետք է գա, իրեն տանի Ռուսաստան:
Տիկին Դիլբարյանը զերծ մնաց ընտանիքը նկարագրելուց` հավելելով.
- Ընտանիքի հետ անմիջական շփում չեմ ունեցել: Ծնողական ժողովներին էլ մայրը հիմնականում չի հաճախել: Շփումը` որպես դասղեկ ու ծնող, չի եղել:
Կատարված դեպքի փաստով Ոստիկանության Լոռիի մարզային վարչության Սպիտակի բաժնում նախապատրաստվում են նյութեր: Հուսով ենք, որ գոնե այս անգամ պատկան մարմինները կբացատրեն, թե ինչի±ց դրդված 14-ամյա դեռահասը վերջ տվեց սեփական կյանքին: Առավել եւս, որ դեռ միայն վեջերս էր նման փորձ արել: Եվ, վերջապես, թե դեռահասների մոտ ինչո±ւ են այսքան շատացել ինքնասպանություններն ու դրա փորձերը, ինչպե±ս պետք է լուծել օր-օրի ավելի մտահոգիչ դարձող այդ խնդիրը:

Պատրաստեց ԻԼՈՆԱ ԱԶԱՐՅԱՆԸ