ՙՙՙՙՙՙՙՙՙՁԵՐ ՙԵՎՐԱԱՐԺԵՔԱՎՈՐ՚ ՋԱՆԻՆ ՄԵՌՆԵՄ...

ՁԵՐ ՙԵՎՐԱԱՐԺԵՔԱՎՈՐ՚ ՋԱՆԻՆ ՄԵՌՆԵՄ...

ՀՀ նախկին արտգործնախարար եւ նորաթուխ ԲՀԿ-ական Վարդան Օսկանյանն, իր աջակից արտասահմանյան կառույցներն ու ՙՍիվիլիթաս՚-ի հաշվին մեծ գումարներ յուրացնելու թեման շարունակում են քաղաքական դաշտում մնալ արդիական: Հիշեցնենք, որ օրերս Վ. Օսկանյանը մի շարք պետական կառույցների կողքին տվել էր նաեւ Գերմանիայի արտաքին գործերի նախարարության անունը, որը ֆինանսավորում է ՙՍիվիլիթաս՚ հիմնադրամն ու համատեղ ծրագրեր իրականացնում: Իսկ թե ի±նչ նպատակներ է հետապնդում Գերմանիայի արտաքին գործերի նախարարության ֆինանսական աջակցությունն ու Գերմանիայի ո±ր շահի համար, պարզեցինք ՀՀ-ում Գերմանիայի Դաշնային Հանրապետության դեսպանությունից: Դեսպանության պատասխանը ներկայացնում ենք ամբողջությամբ. ՙՙՍիվիլիթաս՚ հիմնադրամն իր ծրագրերով խրախուսում է քաղաքացիական հասարակության ակտիվությունը եւ քաղաքացիների անձնական պատասխանատվությունը: Հիմնադրամն իր ջանքերն ուղղում է գործուն ժողովրդավարության զարգացմանը, իրավական պետության կայացմանը եւ փոխադարձ հարգանքի հիման վրա գործող հասարակության ձեւավորմանը: Քաղաքական, տնտեսական եւ հասարակական արդի թեմաների շուրջ կազմակերպվող հանրային քննարկումներով, որոնց մասնակցում էին հասարակական եւ քաղաքական բոլոր կարեւոր խմբավորումների ներկայացուցիչները, հիմնադրամը խթանել է հասարակական դիսկուրսի ծավալումը:
ՙՍիվիլնեթ՚ լրատվամիջոցով հիմնադրամն իր նպաստն է բերում լրատվական բազմազանությանը: Ազատությունը, ժողովրդավարությունը, մարդու իրավունքները, իրավական պետությունը եւ կայուն զարգացումն այն սկզբունքներն են, որոնցից Գերմանիայի Դաշնային կառավարությունն արտածում է իր նպատակները: Դրանք այն համաեվրոպական արժեքներն են, որոնք համակեցության հիմքն են կազմում Եվրամիության ներսում: Այս արժեքներն է դավանում նաեւ Հայաստանը: Նրանք նաեւ Եվրամիության` Հայաստանի Հանրապետության հետ բանակցային փուլում գտնվող ասոցիացման համաձայնագրի, ինչպես նաեւ համապարփակ ազատ առեւտրի եւ վիզաների ընթացակարգի դյուրացման մասին համաձայնագրերի հիմքն են կազմում: Գերմանիայի Դաշնային Հանրապետությունը` որպես ԵՄ կարեւոր անդամ պետություն, աջակցություն է ցուցաբերում Հայաստանում ընթացող բարեփոխումներին եւ եվրոպական ինտեգրացիային: Այդ առումով տարբեր գերմանական հաստատություններ համագործակցում են ինչպես Հայաստանի կառավարության, այնպես էլ ոչ կառավարական կազմակերպությունների եւ Հայաստանի քաղաքացիական հասարակության հետ: ՙՍիվիլիթաս՚ հիմնադրամը քաղաքացիական հասարակության մեր կարեւոր գործընկերներից մեկն է՚:
Հետաքրքիր է, այնուամենայնիվ, հարգարժան դեսպանատներըª տեսնելով մի շարք փաստեր ու մեղադրանքներ, ի±նչ են մտածում իրականում: Ի դեպ, նշենք, որ ՙԻրավունք՚-ը հետեւողական է լինելու եւ շարունակելու է համբերատար սպասել օսկանյանական փողերի լվացման գործում կամա թե ակամա ներքաշված մյուս արտասահմանյան պետական ու ոչ պետական կառույցների վերոնշյալ հարցի մասին իրենց պաշտոնական պատասխաններին (ԱՄՆ դեսպանատան ականջն էլ կանչի, որին հղած մեր հարցն այսօր դարձավ 7 օրական):

ՀՐԱՆՏ ՍԱՐԱՖՅԱՆ