ՙՙՙՄԵՆՔ ՑԱՆԿՈՒԹՅՈՒՆ ՉՈՒՆԵՆՔ ՇԱՐՈՒՆԱԿԵԼՈՒ ԵՎ ՊԱՏԱՍԽԱՆԱՏՎՈՒԹՅՈՒՆ ԿՐԵԼՈՒ ՚

ՙՄԵՆՔ ՑԱՆԿՈՒԹՅՈՒՆ ՉՈՒՆԵՆՔ ՇԱՐՈՒՆԱԿԵԼՈՒ ԵՎ ՊԱՏԱՍԽԱՆԱՏՎՈՒԹՅՈՒՆ ԿՐԵԼՈՒ ՚

Հունիսի 20-ին ԱԺ-ում ներկայացվելիք կառավարության նոր ծրագրի մասին զրուցեցինք ԱԺ ԲՀԿ խմբակցության անդամ եւ ԲՀԿ հասարակայնության հետ կապերի պատասխանատու ՏԻԳՐԱՆ ՈՒՐԻԽԱՆՅԱՆԻ հետ:
-Այսօր տեղի կունենա մեր խմբակցության նիստը, որտեղ կգանք վերջնական եզրակացության կառավարության ծրագրի հետ կապված, քանի որ մեր օրակարգային առաջին հարցը դա է: Մեր վերապահումները մնացել են ուժի մեջ եւ արդիական են առավել, քան երբեւէ, որովհետեւ մենք չենք համարում, որ ներկայիս կաբինետը, կառավարության ղեկավարի գլխավորությանբ, ունակ է իրականացնելու այն ամենը, որը արտաբերված է կառավարության կողմից ներկայացված նոր ծրագրում: Դեռ չեմ խոսում թերությունների մասին, որոնք այս ծրագրում անշուշտ կան:
- Կարո±ղ եք ասել, որ արդեն որոշակիություն ունեք նոր ծրագրի հետ կապված:
- Այսօր կունենանք վերջնական եզրակացությունը, բայց թերեւս հիմնականում այո, ունենք կարծիք եւ ես անձամբ, որպես ԱԺ պատգամավոր, այլ ոչ թե խոսնակ, մտահոգություններով կիսվեցի արդեն Ձեզ հետ: Կան լուրջ թերություններ կան շարադրված մտքեր, որոնք որ առաջացնում են շատ տարրական հարցեր: Հիմնականում հարցը հետեւյալն է, թե ինչո±ւ այն չի իրականացվել մինչ օրս, ի±նչն է խանգարել իրականացնելուն եւ կան կետեր, որոնք ոչ մի կերպ կապ չունեն ֆինանսների, ոչ վարչարարական խնդիրների հետ, այլ պարզապես ցանկությամբ պետք է պատճառաբանված լինեն: Բայց ամենակարեւորը դա կառավարության նշանակումից հետո մենք վստահ ենք, որ որեւէ էական փոփոխություն այս դեպքում չի լինելու:
- Ինչո±վ կբացատրեք այն, որ ԲՀԿ-ն 5 տարի շարունակ, խաղաղ ձեւով աշխատել է այս կառավարության հետ եւ ավելին, ՙԻրավունք՚-ը զրուցելով ԲՀԿ նախարարների հետ ստացել է այն պատասխանը, որ իրենք գոհ են թե° իրենց աշխատանքից, եւ թե° կառավարության կազմից: Ի±նչու գլխիվայր փոխվեց կուսակցության դիրքորոշումը:
- Գլխիվայր հիմա չի փոխվել դիրքորոշումը, այն փոխվել է նույնիսկ համատեղ աշխատանքի ընթացքում, սկսվեցին հակասություններ, որի պատճառով ՙԲարգավաճ Հայաստան՚ կուսակցությունը մշակեց առանձին ընտրական ծրագիր, չգնաց միասնական ճանապարհով, այլ հանդես եկավ այլընտրանքային տարբերակով, ներկայացնելով իր նախընտրական ծրագիրը եւ հիմա էլ հանդես է գալիս այլընտրանքային դիրքերից, այդ թվում կառավարության կողմից ներկայացված ծրագրին: Բացի այդ, հիմնվելով Ձեր այն խոսքին, որ ԲՀԿ նախարարները գոհ են եղել թե° իրենց, եւ թե° կառավարության աշխատանքներից, այսօրվա դրությամբ ԲՀԿ-ի եւ իմ դիրքորոշումն այն է, որ անցած տարիներին, համատեղ կառավարման ընթացքում կրել է մասնակի, շատ նվազ պատասխանատվություն, եւ մեր տեսակետն այն է, որ մենք կրել ենք այդ պատասխանատվությունը, պատվով հասցրել ելակետին եւ տրանսֆորմացիոն փուլի ժամանակ հայտարարեցինք մեր ցանկության բացակայության մասին նույն ձեւով շարունակելու առումով: Մեզ համար իրավիճակը բավարար չէ, եւ դրա համար մենք չշարունակեցինք համագործակցությունը: Սա միայն կուսակցության ցանկությունը չէ, այլ նաեւ այն ընտրողների, որոնք սպասում էին իրենց կյանքի որակական փոփոխություններին, ըստ որի` մենք ցանկություն չունենք շարունակելու, եւ այս պարագայում նաեւ պատասխանատվություն կրելու:
Իսկ վերջում մեր այն հարցին, թե շրջանառվում է ցեմենտի գործարանի փակվելու փաստը, ԲՀԿ երիտասարդ պատգամավորը նշեց, որ եթե այն փակվելու լիներ, ապա վերջերս չէր ցուցադրվի գործարանի գովազդը տարբեր ԶԼՄ-ներով եւ այդ թվում նաեւ ՙԿենտրոն՚ հեռուստաընկերությամբ: Որեւէ պրոցես գործարանի հետ կապված տեղի չի ունենում:

ԱՐՄԵՆՈՒՀԻ ՀԱԿՈԲՅԱՆ