Երեկ, բոլորս սպասում էինք Փարիզում կայանալիք ՀՀ արտգործնախարար Էդվարդ Նալբանդյանի եւ Ադրբեջանի արտգործնախարար Էլմար Մամեդյարովի հանդիպմանը, որտեղ պետք է քննարկվեին արցախյան հակամարտության կարգավորման հետ կապված հարցեր:
Մինչդեռ որեւէ լուծումների եւ ակնկալիքների մասին խոսելը, ըստ ԼՂՀ նախագահի աշխատակազմի հասարակայնության հետ կապերի գլխավոր վարչության պետ ԴԱՎԻԹ ԲԱԲԱՅԱՆԻ, դեռ վաղ է. ՙՑանկացած հանդիպում ինքնին կարեւոր է, որովհետեւ այդպիսի հանդիպումները պահպանում են խաղաղությունն ու կայունությունը: Բայց ակնկալել, որ մի նոր բանաձեւ կհայտնաբերվի, ինչ-որ քայլեր կարվեն հակամարտության կարգավորման հետ կապված շատ ու շատ վաղաժամ է հավատալ: Այս հակամարտությունն այնքան դժվար է, որ պետք է սպասենք տարիներ, եթե ոչ տասնամյակներ՚: Իսկ մինչ այդ, Դ.Բաբայանը գտնում է, որ արտգործնախարարների հանդիպման ամենակարեւոր հարցը պետք է լինի շփման գծում, եւ ընդհանրապես, սահմանային գոտում կարգուկանոնի հաստատումն ու պահպանումը. ՙԱդրբեջանը վերջերս, իրոք, արդեն շատ ավելի բացահայտորեն եւ, այսպես ասած, առանց որեւէ զղջանքի, կոպտորեն խախտում է զինադադարի ռեժիմը: Եվ դա անում է մի պետություն, որը հանդիսանում է ՄԱԿ-ի անվտանգության խորհրդի անդամ: Այդպիսի պահվածքը ուղիղ հարված է ՄԱԿ-ին, նաեւ միջազգային հանրությանը, միջազգային իրավունքին: Կարծում եմ, որ սրա վրա պետք է դրվի հիմնական շեշտը՚: Իհարկե, ինչ ակնկալիք պետք է ունենանք արնախում գազանի հետ մի սեղանի շուրջ զրույցից, չէ± որ գազանի հետ ջունգլիների օրենքով պետք է խոսել:
1
10074 դիտում
2
7749 դիտում
3
2258 դիտում
4
2235 դիտում
5
2109 դիտում
