ՙՙՙՙԿԸՆԴՈՒՆՎԵՆ ՆՐԱՆՔ, ՈՎՔԵՐ ԴՐԱԿԱՆ ԳՆԱՀԱՏԱԿԱՆՆԵՐ ԿՍՏԱՆԱՆ՚

ՙԿԸՆԴՈՒՆՎԵՆ ՆՐԱՆՔ, ՈՎՔԵՐ ԴՐԱԿԱՆ ԳՆԱՀԱՏԱԿԱՆՆԵՐ ԿՍՏԱՆԱՆ՚

Երեկ, ՍԻՄ ՙԱզդակ՚ ակումբի հյուրն էր ԵՊՃՀ ռեկտոր ԱՐԱ ԱՎԵՏԻՍՅԱՆԸ, ով լրագրողներին փոխանցեց, թե ինչպես է Պոլիտեխնիկական համալսարանը նախապատրաստվում 2012 թվականի ընդունելության քննություններին:
-Մեր նախապատրաստական աշխատանքները սկսել ենք նախորդ տարվա նոյեմբեր ամսից, երբ կառավարությունը նիստով հաստատեց 2012-13 ուս. տարվա ընդունելությամբ նախատեսվող մասնագիտությունները եւ դրանց ուղղված քննությունները: Պատրաստեցինք գովազդային բուկլետներ եւ 30 րոպեանոց ֆիլմª այն մասին, թե որտեղ են սովորում պոլիտեխնիկցիները եւ որտեղ են աշխատում տնտեսության մեջ: Սա շատ կարեւոր էր հասարակությանը եւ դիմորդին, որպեսզի հստակ պատկերացնեն, թե ուր են գնում եւ ինչի համար:

Պոլիտեխնիկը, իրականացնելով ինժեներական, տեխնիկական կրթություն, բազմահերթ, ծավալային, կարեւոր տեղ ունի հենց տնտեսության զարգացման մեջ, որը պետք է լինի տեխնիկա-տեխնոլոգիական, ժամանակակից եւ առաջադեմ մտքերի ու նախագծերի հաշվին: Այն պատրաստելուց հետո` սկսեցինք աշխատանքները ՙՊոլիտեխնիկի շրջանավարտներ՚ հ/կ-ի հետ: Այստեղ ներգրավված են մեր բուհի գործնականում բոլոր շրջանավարտ-գործարարները,եւ նրանք եւս համաձայնեցին, որ շատ կարեւոր է միասնական ձեւով բացատրական աշխատանքներ կատարելու նախաձեռնությունը:
Նշեմ նաեւ, որ այս տարի, մի շարք կազմակերպություններ, արտադրություններ ինչպիսիք են` ՙԳրանտ քենդին՚, ՙՍինոփսիսը՚, հանքարդյունաբերության երեք տարբեր կազմակերպություններ եւ այլն, մեզ մասնագետներ պատրաստելու պատվերներ են տվել: Այս առումով մեկ կարեւոր բան կազմակերպվեց. հանձնաժողովի անդամները, ովքեր արտադրությունից են, քննությունների ավարտից հետո կներկայացնեն ուսուցման բովանդակություն, դիպլոմային աշխատանքի ցանկեր, քննական առաջադրանքների բովանդակություն եւ այլն: Սա կարեւոր է այն իմաստով, որ բովանդակային պատվերը պետք է տնտեսությունը ձեւակերպի, թե ի±նչ գիտելիքով, ունակությամբ մասնագետ է նրանց հարկավոր: Իսկ ՕԳԳ-ի տեսակետից ավելի վատ կլինի, քանի որ այն առաջադեմ երկրների առաջավոր բուհերի մոտ նման գործընթացը հաշվարկված է իրենց տնտեսության զարգացման մակարդակին համապատասխան: Մենք հիմա գտնվում ենք այդ զարգացման փուլում:
Եթե երկու տարի առաջ բակալավրիատ ընդունվում էին 1221 դիմորդ, ապա  այս տարի հայտով ներկայացրել ենք մոտ 1460 տեղ: Տեղերի թիվը ընդհանուր առմամբ մնացել է 1286: Երբ հայտերը ներկայացնելուց հետո մենք ԳԹԿ-ից ընդհանուր պատկերը ստացանք, պարզվեց, որ պոլիտեխնիկ հայտագրել են, տարբեր բուհեր դիմած 4243 դիմորդ, որից 1302-ը առաջին հայտով` մեզ մոտ են:
- Ի±նչ մասնագիտություններ են ավելացել այս տարի ձեր բուհում:
- Ատոմային էլէկտրակայաններ, ատոմային անվտանգություն, ատոմային էներգետիկայում էներգետիկ անվտանգության եւ ավտոմատացման համակարգեր: Բացի այդ, ունենք երկու մասնագիտացում տեղեկատվական տեխնոլոգիաների ոլորտում` տեղեկատվության անվտանգություն եւ չիպերի արտադրություն: Նոր մասնագիտություններից է նաեւ մեքենաշինական ոլորտում` մեխատրոնիկան:
- Այս մասնագիտությունները ավելացել են շուկայի պահանջարկո±վ:
- Սրանք ավելի շատ էներգետիկայի ոլորտում էներգետիկայի առավել ծավալուն եւ առաջնահերթ անվտանգության հետ կապված խնդիրներն են, որոնց նկատմամբ հետաքրքրությունը գնալով մեծանում է:
- Կար մշակված ռազմավարություն նախարարության կողմից, որ պետք է բուհ ընդունվելը դարձներ հեշտ, իսկ ավարտելը` դժվար: Կա±ն արդյոք նման նախադեպեր արդեն:
- Մեր բուհում, անցյալ տարի ազատումներն ու հեռացումները համեմատաբար ավելի քիչ են եղել, քան նախորդող երկու տարիներին: Առաջին կիսամյակում հեռացումներ ավելի շատ եղել են բացակայությունների, դասաձախողումների հետ կապված: Եթե ունեն 120 ժամ բացակայություն` անխտիր հեռացնում ենք բուհից, իսկ 60-80 ժամի դեպքում զգուշացնում ենք: Չնայած պետք է նշեմ, որ ուսանողի գնահատականը, լավ կամ վատ, հասցեագրված չէ միայն իրեն, այլ դասախոսներին եւ ամբիոնին եւս վերաբերվում է: Այս տարի պետական քննություններից 17 հոգի եւ մի այդքան էլ դիպլոմային աշխատանքների պաշտպանությունից` կտրվել են: Իսկ հեռակայի ամփոփները դեռ չկան:
- Կա± առաջընթաց Բոլոնյան համակարգի գործածումից:
- Անշուշտ կա եւ այս առումով Պոլիտեխնիկն ունի կատարած մեծ աշխատանք: Տվյալ պահին մենք գտնվում ենք միջազգային երկու ծրագրային հավատարմագրման փուլում: Մեկը տեղեկատվական անվտանգության մասով է, իսկ մյուսը` էլեկտրաէներգետիկան:
- Ինչպե±ս եք վերաբերվում 12-ամյա կրթությանը, քանի որ խոսակցություններ կան, որ աշակերտները դեռ չեն ադապտացվում  այդ վիճակին եւ հնարավոր է, որ այն փոխվի:
- Խոսակցությունները բազմազան եւ բազմաբնույթ են, եւ ես դրանց ուշադրություն չեմ դարձնում: Իմ մոտեցումն այն է, որ դա ճիշտ համակարգ է: Պարզապես հարկավոր է ճիշտ աշխատացնել: Մեր հանրությունը կարող է եւ պատրաստ չլինել: Մասնագիտական հիմնավորումներն ու պարզաբանումները պետք է հասարակությանը հասցնել, իսկ որ դա անհրաժեշտ էª միանշանակ է:
- Պարոն Ավետիսյան, արդյոք այս տարի Պոլիտեխնիկում կա±ն փոփոխություններ վճարովի եւ անվճար համակարգում:
- Նշեմ, որ չկա փոփոխություն. նախանցած տարվա հետ համեմատ անվճար տեղերը չեն փոխվել, իսկ վճարովիները կրճատվել են: Բայց միեւնույն է ընդունվելու են նրանք, ովքեր կստանան դրական գնահատականներ:
- Երկու տարի առաջ, ԵՊՃՀ պրոռեկտոր Լաերտ Հովհաննիսյանը ասում էր, որ Պոլիտեխնիկը բանվորագյուղացիական բուհ է: Դուք եւ±ս այդպես եք կարծում:
- Պոլիտեխնիկը տեխնիկական, ստեղծագործ մտքի ծիլերով օժտված հասարակության բուհ է: Բոլոր այն մարդիկ են ինժեներիայի ձգտում, որոնց մեջ հիմքից կա այդ պրպտումը: Չեմ կարող չասել, որ պատահական մարդիկ եւս հայտնվում են բուհում:
- Պարոն Հովհաննիսյանը բանվորագյուղացիական ասելով նկատի ունի աղքա±տ լինելու փաստը:
- Ինչ բառապաշար կօգտագործի կամ կանվանի փող չունեցողին պարոն Հովհաննիսյանը, աղքա±տ, թե± բանվորագյուղացիական, դա իր խնդիրն է, եւ ես այդ կածիքին չեմ: Ես ծնվել եմ գյուղում, ծառայողի ընտանիքում, սովորել պետ համալսարանում, եւ մեզ մոտ եւս հիմնականում գյուղական շրջաններից էին ուսանողները, ովքեր ցանկանում էին ինչ-որ բան ստեղծել: Սա ոչ մի կապ չունի, պարզապես պետք է մարդու միտքը անընդհատ աշխատի:

ԱՐՄԵՆՈՒՀԻ ՀԱԿՈԲՅԱՆ