ՙՙՙՙՙՙՙՙՙՌՈՒՍԱՀԱՅ ԵՐԻՏԱՍԱՐԴՆԵՐԻ ՊԱՏԿԵՐԱՑՄԱՄԲ` ՀԱՅԱՍՏԱՆՈՒՄ ԼՈՒՅՍ ՈՒ ՋՈՒՐ ՉԿԱ

ՌՈՒՍԱՀԱՅ ԵՐԻՏԱՍԱՐԴՆԵՐԻ ՊԱՏԿԵՐԱՑՄԱՄԲ` ՀԱՅԱՍՏԱՆՈՒՄ ԼՈՒՅՍ ՈՒ ՋՈՒՐ ՉԿԱ

Ռուսաստանի հայերի ՙՄիացում՚ կայքէջը սոցիալական ցանցերում անցկացրել են մոնիթորինգ, թե ռուսաստանաբնակ հայ երիտասարդները ինչ պատկերացումներ ունեն Հայաստանի եւ հայության վերաբերյալ:

Եվ պարզվում է, որ շատերը ոչ միայն հայերեն չգիտեն եւ մոռացել են հայկական ավանդույթները, այլեւ խիստ աղավաղված պատկերացումներ ունեն: Մեծամասնությունը չգիտի, թե քանի տառ կա հայոց այբուբենում, երբ է հայերի Զատիկը, արդյոք ուղղափա±ռ է Հայ առաքելական եկեղեցին, ինչքա±ն է Հայաստանի բնակչությունը եւ այլն: Առավել քան մեկ երրորդը համոզված է, որ Հայաստանում մինչեւ հիմա չկա էլեկտրականություն, խմելու ջուր, անհնար է օգտվել նորմալ կոմունալ ծառայություններից եւ այլն: Իսկ Հայաստանի եւ հայության մասին շատ տարածված են հետեւյալ միֆերը` իբր Հայաստանում գրեթե չի մնացել բնակչություն, բացառությամբ բոմժերի` բոլորը մեկնել են, Ռուսաստանը հայերի փոխարեն պատերազմել է Ղարաբաղում, հայկական բանակը ամբողջովին սոված է եւ այլն: Միակ բանը, ինչով Ռուսաստանի ցանկացած հայ ինքն իրեն հայ է համարում, դա այն է, որ Հայաստանն առաջինն է աշխարհում ընդունել քրիստոնեությունը, եւ որ 1915-ին տեղի է ունեցել ցեղասպանություն:
Փորձագետների կարծիքով` այդ տգիտությունն ու իրականությունից այդքան հեռու միֆերը արգասիք են կատարյալ տեղեկատվական սովի, ինչպես նաեւ տեղեկատվության պակասը լրացնելու ուղղությամբ իրենց լուման են ներդնում թուրքական եւ ադրբեջանական հատուկ ծառայությունները: Բնականաբար, Հայաստանում տիրող ահավոր վիճակի վերաբերյալ պատկերացումները ամրապնդում են նաեւ արտագաղթողները, ովքեր ինքնարդարացման նպատակով նույն Ռուսաստանում բոլորին ահավոր ստեր են պատմում: Ի դեպ, Ռուսաստանի հայ երիտասարդության մեծամասնությունը կամ երբեք չի եղել Հայաստանում կամ ծնողների հետ մեկնել է վաղ մանկության շրջանում:

Ա. Ա.