ՙՙՙՙՙՙՙՙՙԲԱՆԱԿԸ ԻԴԵԱԼԱԿԱՆ ՏԵՂ Է ՅՈՒՐԱՔԱՆՉՅՈՒՐ ԱՂԱՆԴԱՎՈՐԻՆ ԴԱՐՁԻ ԲԵՐԵԼՈՒ

ԲԱՆԱԿԸ ԻԴԵԱԼԱԿԱՆ ՏԵՂ Է ՅՈՒՐԱՔԱՆՉՅՈՒՐ

ԱՂԱՆԴԱՎՈՐԻՆ ԴԱՐՁԻ ԲԵՐԵԼՈՒ

Արարատ-Զոդ զորամասի հոգեւոր առաջնորդ Տեր Համբարձում քահանա Դանիելյանը  մամուլի հետ հանդիպմանը  խոսեց հոգեւոր առաջնորդների դերի մասին հայոց բանակում, թե ինչ աշխատանքներ են կատարվում այդ ուղղությամբ, կա± արդյոք բանակում հոգեւոր սպասավորություն, թե` ոչ:

Քահանայի խոսքերով հոգեւոր սպասավորությունը բանակում մեծ առաքելությամբ է օժտված: Հոգեւոր կառույցի առաքելությունը, ըստ քահանայի, կայանում է զինվորի մեջ քրիստոնեական դաստիարակության, ոգու բարձրացման, քրիստոնեական գիտելիքների ամրապնդման եւ հայրենասիրական գաղափարների մեջ:
Պարբերաբար կազմակերպում են դասընթացներ, հատկապես նորակոչիկների հետ` հոգեւոր թեմաների շուրջ. ՙԱյդ դասընթացների շնորհիվ զինվորների մոտ ամրանում է հավատքի գործոնը, իսկ կիրակի օրերը զինվորները մասնակից են դառնում Սուրբ Պատարագի՚,- նշեց քահանան:
Քահանայի խոսքերով բանակը իդեալական տեղ է յուրաքանչյուր աղանդավորին դարձի բերելու, շատ արդյունավետ է բանակում իրենց հետ աշխատելը: Բանակում, ընդհանուր առմամբ, աղանդավորները այդքան շատ չեն, ովքեր էլ որ կան հսկողության տակ են:
Քահանան նշեց նաեւ, որ բանակում արվում է ամեն բան հնարավորինս կանխարգելելու աղանդավորների գործունեությունը: ՙԱռաջին հերթին հաճախակի եկեղեցի են բերում զինվորներին, բացի այդ, պաշտպանության նախարարությունը մի նախագիծ ունի` սրբությունների բարեկարգման ծրագիր: Զինվորները տարեկան մի քանի անգամ այցելում են սրբավայրեր եւ աղանդավորները հնարավորություն են ստանում ծանոթանալու այդ սրբավայրերի հետ՚:
ՙԻրավունքի՚ այն հարցին, թե կան հ/կ-ներ, եւ, այսպես կոչված իրավապաշտպաններ, ովքեր գործում են բանակի դեմ, փորձում թուլացնել այն, ի±նչ է արվում այդ ուղղությամբ, պարզվեց, որ քահանան պարզապես տեղյակ չէր այդ կազմակերպություններից:

ԱՆՈՒՇ ԹԱԴԵՎՈՍՅԱՆ