ԻՆՉ ԷՐ ՓՆՏՐՈՒՄ ԱՐԹՈՒՐ ՍԻՄՈՆՅԱՆԸ ԱՄՆ ԴԵՍՊԱՆԱՏԱՆԸ

ԻՆՉ ԷՐ ՓՆՏՐՈՒՄ ԱՐԹՈՒՐ ՍԻՄՈՆՅԱՆԸ ԱՄՆ ԴԵՍՊԱՆԱՏԱՆԸ

Առաջին հայացքից շատ պարզ ու հասարակ հարցին, ՀՀ-ում ԱՄՆ դեսպանատան համար բավական բարդ է պատասխանելը:

Սա նույնն է, երբ տանտիկնոջը հարցնեն, թե երեկ ում էիր հյուրընկալել քո տանը, բայց վերջինս մի քանի օր մտածի` ինչ պատասխանել: Ընդամենը, մեզ հետաքրքիր էր, թե արդյոք, շրջանառվող տեղեկությունների համաձայն ՙԿյանքի խոսք՚ աղանդի պարագլուխ Արթուր Սիմոնյանը ներկա է եղել ԱՄՆ դեսպանատանը հունիսի 4-ին կայացած միջոցառմանը, որին մասնակցում էր ԱՄՆ պետքարտուղար Հիլարի Քլինթոնը:
Գուցե դեսպանատան լռությունը համաձայնության նշան է, թե  Ա.Սիմոնյանից եւ Հ. Քլինթոնից դեռ պետք է ճշտեն` հիմա ինչ պատասխանել, որ ո°չ հերքենք, ո°չ էլ հաստատենք: Այնուամենայնիվ, մենք դեռ համբերությամբ զինված կսպասենք պաշտոնական պատասխանի եւ վաղը կնշենք հարցի հինգ օրականը, թեեւ բազում բլոգերներ սեփական աչքով են այդտեղ տեսել ՙԿյանքի խոսքի՚ պարագլխին: Ի դեպ, վերջերս էլ համացանցում տեսանյութեր են շրջանառվում, ուր առկա է պնդում, որ Արթուր Սիմոնյանը նախապատրաստում է իր փախուստը ԱՄՆ:

ՀՐԱՆՏ ՍԱՐԱՖՅԱՆ


ՄԻԱՅՆ ՎԱՆՈՆ ԷՐ ՄԵԶ ՊԱԿԱՍ

Ֆեյսբուքյան ՙԵլք՚ խումբը, ի պաշտպանություն Վանո Սիրադեղյանի Հայաստան վերադառնալուն, սկսել է Like-երով ստորագրահավաք, որին արդեն հասցրել է մասնակցել մի քանի տասնյակից ավելի օգտատեր: Բայց ստորագրահավաքը հարուցել է նաեւ որոշ օգտատերերի զայրույթը: ՙՎանոյի նման հարյուրավոր մտավորականներ, արվեստագետներ, դերասաններ ու, վերջապես, սեփական հողը սիրող մարդիկ են գնացել: Ինչի իրենց համար ստորագրահավաք չենք կազմակերպում: Չեմ հասկանում` ինչ օգուտ պիտի տա Վանոն իր ձեռքով ավիրած ու հրեշներ ծնած Հայաստանին՚,- գրում է օգտատերերից մեկը: Իսկ ոմանց էլ այնքան է զայրացրել Սիրադեղյանի` Հայաստան վերադառնալու հավանականությունը, որ հայտարարել են, թե այդ դեպքում իրենք իրենց ընտանիքներով կլքեն Հայաստանը: Մի մասն էլ Երեւանում նրան տեսնելուն պես` խոստանում է ՙցխել՚ նրա գլուխը:


ՔՈՉԱՐՅԱՆ, ՎԱԽԵՑԻ°Ր ՙԺԱՌԱՆԳՈՒԹՅՈՒՆԻՑ՚

Հիմա էլ ՀՀ երկրորդ նախագահ Ռոբերտ Քոչարյանին սպասարկող լրատվամիջոցները, ի դեմս Ստյոպա Սաֆարյանի, ՙԺառանգության՚ ներկայացուցիչներին մեղադրում են իշխանությանը, հատկապես նախագահական նստավայրին, սպասարկելու մեջ: Թե ինչ ունի Ռ.Քոչարյանը կիսելու ՙԺառանգության՚ հետ, այդպես էլ չհաջողվեց պարզել, քանի որ վերջին շրջանում ՙԺառանգություն՚ կուսակցության մամլո խոսնակ Հովսեփ Խուրշուդյանը կարծես ընդհատակ է անցել կամ էլ ՙամառային արձակուրդի՚ մեջ է: Այնուամենայնիվ, որպես ՙԺառանգության՚-ը փորձագիտական մակարդակով մոտիկից ճանաչող անձ, ստացանք ԱԺ ընտրություններում ՙԺառանգություն՚ կուսակցության համամասնական ցուցակում 9-րդ համարում գտնվող, անկուսակցական, հայտնի բլոգեր ԻԶԱԲԵԼԱ ԱԲԳԱՐՅԱՆԻ մեկնաբանությունը. ՙԱյդ լրատվամիջոցները դեռ խորհրդարանական քարոզարշավի ժամանակ ցույց տվեցին, թե որքան են սարսափած ՙԺառանգությունից՚: Հիմա էլ պատրաստվում են նախագահականի եւ շարունակում են իրենց սեւ գործը՚:

ՀՐԱՆՏ ՍԱՐԱՖՅԱՆ