ՙԿԵՍ ՀԱԶԱՐԱՄՅԱԿ ԱԶԱՏԱԶՐԿՈՒՄ

ՙՙԿԵՍ ՀԱԶԱՐԱՄՅԱԿ ԱԶԱՏԱԶՐԿՈՒՄ

Էրզրումի դատախազության հրահանգով սկսված հետաքննության արդյունքում հայտնի է դարձել, որ Թուրքիա մտած արտասահմանցի 15 կանանցª մահվան սպառնալիքի տակ, ստիպում էին զբաղվել մարմնավաճառությամբ:

Հետաքննության ժամանակ գաղտնալսվել եւ ձեռք էին բերվել 40 անձից բաղկացած բանդայի հանցանքն ապացուցող փաստեր: Փաստաթղթերում նշվել է, թե Արդահանի ոստիկանության աշխատակիցներից մեկի դեմ եւս դատական գործ է հարուցվել, քանի որ այն պահին, երբ հյուրանոցում պետք է տեղի ունենար գործողություն, նա այդ պահին սեռական հարաբերության մեջ է եղել ազգությամբ հայ ոմն Էսմիրայի հետ եւ խոչընդոտել է գործողությանը: Հանցագործների գումարային պատիժը սահմանվել է 416 տարի ազատազրկում:


ԿԱՆԽՎԵԼ Է ՀԱՅԿԱԿԱՆ ՋԱՐԴԸ

Ամիսներ առաջ ծագած թշնամությունը հասունացել էր հայկական ջարդեր կազմակերպելու համար: Ռուսաստանի Դաշնության Կամենսկ-Ուրալսկի հայկական եւ ուզբեկական համայնքների միջեւ ընդհարումները սկսվել էին ապրիլի վերջից: Ուզբեկները եւ նրանց միացած ռուս երիտասարդները որոշել էին հունիսի 6-ին հարձակվել հայ համայնքի տարածք եւ համատարած ջարդ իրականացնել: Ոստիկանությանը հաջողվել էր կանխել հանցափորձը: Ազգայնական գազանների մոտ հայտնաբերվել էին մահակներ, բենզինով լցված շշեր, հրազեն, տրավմատիկ ատրճանակներ եւ այլն: Ձերբակալվել էին 18 հրոսակներ, մինչդեռ հարձակումն իրականացնելուն պատրաստվել էին 50-60 մարդ: