ՙԿԱՐԾԻՔԸ ՄԻ ԲԱՆ Է, ՔՎԵԱՐԿԵԼԸ` ԱՅԼ ԲԱՆ

ԿԱՐԾԻՔԸ ՄԻ ԲԱՆ Է, ՔՎԵԱՐԿԵԼԸ` ԱՅԼ ԲԱՆ

Ի տարբերություն բազմակարծիք ՀԱԿ-ի, Հայ Յեղափոխական Դաշնակցությունը չի շտապի հայտարարություններ անել, թե կքվեարկի կառավարության ծրագրի օգտին կամ կմերժի այն:

Այս մասին ՙԻրավունք՚-ի հետ զրույցում նշեց ՀՅԴ խմբակցության նախկին ղեկավար, ՀՅԴ Բյորոյի անդամ ՎԱՀԱՆ ՀՈՎՀԱՆՆԻՍՅԱՆԸ. ՙՄեր քվեարկելը եւ ծրագրի վերաբերյալ մեր մեկնաբանությունը տարբեր բաներ են: Ես հիմա չեմ կարող մեկնաբանել մի բան, որը չեմ կարդացել: Բայց հարցը այն չէ, թե ինչ է գրել կառավարությունը, հարցն այն է, թե որքանով արժանահավատ է կառավարության ծրագիրը իրականացնելու ցանկությունը: Հենց այդտեղ է, որ ես որոշակի լուրջ կասկածներ ունեմ՚:

ՀՐԱՆՏ ՍԱՐԱՖՅԱՆ


ԱՅՍ ՊԱՐԱԳԱՅՈՒՄ ԱԼ ՔՈՉԱՐՅԱՆԸ ՄԵՂԱՎՈՐ ԴՈՒՐՍ ԵԿԱՎ
ՙ
Քոչարյանին պետք է քաղբանտարկյալի շորեր հագած նախագահի թեկնածու, սա սցենարի վարդագույն տարբերակն է. մնաց ճիշտ բեմադրության նյուանսները մշակեն, իհարկե եթե մինչեւ հիմա չեն մշակել... TV-ներին էլ առաջարկում եմ էլ շատ չտանջվել, վերցրեք, պատրաստի սցենար, վերնագիրն էլ հուշեմ. ՙՔոչարյանի գերիները՚,- ահա այսպիսի գրառում է թողել ՙՖեյսբուքում՚ ՙԺառանգության՚ երիտասարդական թեւի ամենաակտիվ գործիչներից մեկըª Դավիթ Սանասարյանը: Հիշեցնենք, որ նա այն ՙժառանգականներից՚ է, որ հակադրվում  է Րաֆֆի Հովհաննիսյանի անհասկանալի գծին: Իհարկե, կոնսպիրոլոգիայի տեսակետից հետաքրքիր միտք է, մանավանդ որ Օսկանյանիª ՙկրակն ընկնելու՚ եւ ԱԱԾ-ում ցուցմունքներ տալու ժամանակ Ռոբերտ Քոչարյանը Հայաստանում չէր: Ինչեւէ, դժվար է պատկերացնել, որ ՀՀ երկրորդ նախագահը կարողանա ռեալ ազդեցություն ունենալ ԱԱԾ-ի վրա, որ մի բան էլ ՙքաղբանտարկյալության՚ տեխնոլոգիայով ռեյտինգ բարձրացնելու օպերացիա իրականացնի:

ՍԵՓ. ԼՐԱՏՎՈՒԹՅՈՒՆ


ԲԱԳՐԱՏՅԱՆԸ ԿՈՂՄ ԿՔՎԵԱՐԿԻ

ՀԱԿ-ն էլի ՀԱԿասությունների մեջ է: Հայ ազգային կոնգրես խմբակցության ղեկավար, ՀԱԿ համակարգող Լեւոն Զուրաբյանը հայտարարել է, որ ՀԱԿ խմբակցությունը ՀՀ կառավարության ծրագրին դեմ է քվեարկելու: Մինչդեռ ՀԱԿ անդամ, նախկին վարչապետ Հրանտ Բագրատյանը նշել է, որ եթե ներկայացվածը լավ ծրագիր լինի, ապա կողմ են քվեարկելու: Թե ինչպես հասկանալ այս տարաձայնությունն ու ում հավատալ ՀԱԿ-ում` ՀՐԱՆՏ ԲԱԳՐԱՏՅԱՆՆ էլ չգիտի. ՙԵթե դուք հակասություն եք տեսնում, ոնց ուզում եք հասկացեք: Ես չեմ հասկանում, պարզ չեմ ասե±լ իմ վերաբերմունքը: Ասել եմ կբերեն ծրագիրը` կտեսնենք՚:

ՀՐԱՆՏ ՍԱՐԱՖՅԱՆ


ԱՐԱՄ ԶԱՎԵՆԻՉԻ ԼՌՈՒԹՅԱՆ ՈՒԽՏԸ

ՙԱյս շրջանում ես հարցազրույցներ չեմ տալիս` լինի դա մեկ հարց, թե երեք՚,- ի պատասխան մեր զանգին, հայտնում է ՙՀանրապետություն՚ կուսակցության ղեկավար ԱՐԱՄ ՍԱՐԳՍՅԱՆԸ եւ լռության ուխտ կապում լրատվամիջոցների հետ: Թե ինչո±ւ շատ հարցերի պատասխաններ չունի Արամ Զավենիչը, հավանաբար կիմանանք արդեն սեպտեմբերին նախընտրական խոստացված հանդիպումների ժամանակ, բայց այն, որ ստեղծված իրավիճակում վերջնական չի կողմնորոշվում վերոնշյալ կուսակցության առաջնորդն ու դեռ երկար չի ունենա որեւէ պատասխան, կամաց-կամաց պարզ է դառնում:

ՀՐԱՆՏ ՍԱՐԱՖՅԱՆ