ՙԻրավունք-Հետաքննության՚ 46-րդ համարում ընթերցողն ու պատկան մարմինները տեղեկացվել էին, որ ՀՀՈ ՔԳՎ Աշտարակի բաժնի քննիչ Արսեն Վարդանյանը զայրացել էր լրագրողի վրա, երբ վերջինս հերթական անգամ տեղեկացրել էր նրան, թե որտեղ է գտնվում այդ անձը, որին բերման ենթարկելու համար ամիսներ առաջ որոշում էր կայացրել հենց ինքը` Ա. Վարդանյանը:
Հիշեցնենք, որ այդ քննիչի վարույթում է գտնվում` Աղավնի Մկրտչյանի կողմից դատարանում սուտ ցուցմունք տալու փաստով հարուցված քրեական գործը: Շուրջ 7 ամսվա ՙվարույթը՚ կայացել էր նրանում, որ քննիչը չարամտորեն քննությունից հեռու էր պահում հանցավոր արարքը կատարած անձին եւ այդ նպատակով անհիմն կասեցրել էր վարույթը: Արագածոտնի մարզի դատարանը անօրինական էր ճանաչել ավագ քննիչ Ա. Վարդանյանի որոշումը` վարույթը կասեցնելու վերաբերյալ: Այդ դատաքննության ժամանակ քննիչը դատարանում բացատրություն տալուց ստել էր` հայտարարելով, թե ՙորոնվող՚ անձը մինչեւ 2012թ. ապրիլի 27-ը բացակայել էր Հայաստանից: Մինչդեռ ՙանորսալի՚ Ա. Մկրտչյանը դեռ մարտի սկզբից գտնվում էր հանրապետությունում, եւ Ա. Վարդանյանը տեղեկացված էր եղել անգամ այն մասին, որ Ա. Մկրտչյանն անհոգ ՙֆռֆռում՚ է անգամ ոստիկանության շրջակայքում… Կարծում ենք, որ ՀՀ գլխավոր դատախազությունը եւ ոստիկանապետը կպարզաբանեն, թե ինչպես է ստացվել, որ սուտ ցուցմունք տալու առնչությամբ հարուցված քրեական գործը ամիսներ շարունակ մնում է դատարանին ստող քննիչի վարույթում:
1
10164 դիտում
2
8363 դիտում
3
2258 դիտում
4
2235 դիտում
5
2115 դիտում
