ՙՕՍԿԱՆՅԱՆԸ ՔԱՂԱՔԱԿԱՆ ՀԵՏԱՊՆԴՄԱՆ ՉԻ ԵՆԹԱՐԿՎՈՒՄ՚

ՙՕՍԿԱՆՅԱՆԸ ՔԱՂԱՔԱԿԱՆ ՀԵՏԱՊՆԴՄԱՆ ՉԻ ԵՆԹԱՐԿՎՈՒՄ՚

Երեկ, ԱԺ ԲՀԿ խմբակցության ՙռմբարկու՚ անդամ Վարդան Օսկանյանը ի լուր ամենքի հայտարարել է, որ իրեն եւ ՙՍիվիլիթաս՚ հիմնադրամին քաղաքական հետապնդումների են ենթարկում, վերջինիս հրավիրելով Ազգային անվտանգություն` հարցաքննելու վերը նշված հիմնադրամում փողերի լվացման հետ կապված: ՙԻնչ գնահատական կարելի է տալ այդ քաղաքական շահարկումների փաստին, երբ հարցաքննությունը փողերի լվացման հետ է կապված՚,- հարցին ԱԺ ՀՀԿ խմբակցության նախագահ ԳԱԼՈՒՍՏ ՍԱՀԱԿՅԱՆԸ նկատեց. ՙԿարծում եմ, որ մեզ մոտ դա տրադիցիա է դարձել, եւ ով քաղաքականությամբ է զբաղվում, երբ  օրենքների նկատմամբ խնդիրներ է ունենում, դարձնում են իրենց քաղաքական հետապնդման առարկա: Դա այդպես չէ, եւ կարծում եմ, որ բոլոր հիմնադրամներն էլ պետք է որոշակիորեն օրենքների շրջանակներում պետության ուշադրության ներքո լինեն: Չեմ կարծում, որ  Վարդան Օսկանյանը քաղաքական հետապնդման է ենթարկվում՚:

Ա. ՀԱԿՈԲՅԱՆ


ԱՍԱՑԻՆՔ`, ՉԷ, ԷԼԻ, HET!

Վերջերս լրատվամիջոցներում տարածված տեղեկատվության համաձայն Եվրոպայի խորհրդի խորհրդարանական վեհաժողովում (ԵԽԽՎ) Հայաստանի պատվիրակության ղեկավար Դավիթ Հարությունյանը առաջարկել է ԵԽԽՎ-ում կրճատել ԲՀԿ-ի քվոտան եւ դրա հաշվին ապահովել ՀԱԿ ներկայացուցչի ընդգրկումը պատվիրակության մեջ: Թե որքանով է համապատասխանում դա իրականությանը, Դ. ՀԱՐՈՒԹՅՈՒՆՅԱՆԸ հերքեց. ՙԻհարկե, ոչ, արդեն բազմիցս հայտնել եմ իմ դիրքորոշումը այդ հարցի շուրջ, որ դա իմ իրավասությունների հարցը չէ, այլ Ազգային ժողովի նախագահի: Իսկ ես չեմ կարող մեկնաբանել, թե ինչ է որոշելու Ազգային ժողովի նախագահը եւ այդ մասին որեւէ կարծիք նույնիսկ չեմ էլ արտահայտում՚: Իսկ ԲՀԿ-ի հաշվին ԵԽԽՎ-ն ՀԱԿ ներկայացուցչով փոխարինելու իր առաջարկի լուրերից արդեն հոգնած հավելեց. ՙՄեկ անգամ էլ ասեմ, մեծատառերով գրեք` ՈՉ, որ բոլորը հանգստանան՚:

ՀՐԱՆՏ ՍԱՐԱՖՅԱՆ

ՙ
ԱՄԲՈՂՋ ԱՇԽԱՐՀԸ ՀԱՍԿԱՆՈՒՄ Է, ԹԵ ԻՆՉ Է ԱՆՈՒՄ ԱԴՐԲԵՋԱՆԸ՚

Վերջին դիվերսիոն հարձակումներից հետո, Ադրբեջանում շատացել են ականի պայթյունի հետեւանքով վիրավորված կամ զոհված զինծառայողների թիվը: Իսկ պարզելու համար, թե ինչով է պայմանավորված նման ՙպայթունային համաճարակը՚` դիմեցինք քաղաքագետ ԼԵՎՈՆ ՄԵԼԻՔ-ՇԱՀՆԱԶԱՐՅԱՆԻՆ. ՙՄիայն ականի վրա չեն պայթում, այլ Քուռ գետում են խեղդվում, բետոնե պլիտան է ընկնում վրաները եւ այլն: Պետք է ասեմ, որ այդ զինծառայողներից երկուսի անունը մինչ նրանց հայտնաբերելը, դրված է եղել մեր կայքում: Սա դիվերսիոն խմբի թաքցրած դիակներն են, որոնց պարզապես նոր են ջրի երես հանում եւ այս կերպ պատահարների պատրվակի տակ մեր տղաների կողմից սպանված ասկյարների դիակները հանում են: Սա այն խորամանկությունն է, որի մասին բոլորը գիտեն եւ եթե այդ խորամանկությունը ադրբեջանցիների շրջանում անցնում է` անցնում է, իսկ եթե ոչ, ապա ամբողջ աշխարհը հասկանում է, թէ ինչ է կատարվում՚:

Ա. ՀԱԿՈԲՅԱՆՙ