ՙԱՆԿԱՅՈՒՆՈՒԹՅՈՒՆ ՍՏԵՂԾԵԼԸ ԱՄՆ-Ի ՄԱՍՆԱԳԻՏՈՒԹՅՈՒՆՆ Է ԵՎ ԱՄԵՆՕՐՅԱ ԱՇԽԱՏԱՆՔԸ՚

ՙԱՆԿԱՅՈՒՆՈՒԹՅՈՒՆ ՍՏԵՂԾԵԼԸ ԱՄՆ-Ի
ՄԱՍՆԱԳԻՏՈՒԹՅՈՒՆՆ Է ԵՎ ԱՄԵՆՕՐՅԱ ԱՇԽԱՏԱՆՔԸ՚

Ամերիկամետների ակտիվ խմորումների եւ ԱԺ կայացած ու շուտով սպասվելիք նախագահական ընտրությունների մասին ՙԻրավունք՚-ը զրուցեց ԱԺ ընտրական գործընթացին չմասնակցած, բայց, այնուամենայնիվ, ընթացքին հետեւող պաշտպանության նախկին փոխնախարար, ՍԴՀԿ կենտրոնական վարչության անդամ ՎԱՀԱՆ ՇԻՐԽԱՆՅԱՆԻ հետ.
- Ձեր կարծիքով, ի±նչն է պատճառը, որ ամերիկամետ ուժերը, ի դեմս հազիվ 7% հավաքած ՀԱԿ-ի եւ համեստ ձայների քանակով աչքի ընկնող ՙԺառանգություն՚ կուսակցության, ջախջախիչ պարտություն կրեցին:
- Պարտություն կրեցին, որովհետեւ ժողովուրդը նրանցից չլսեց իրեն անհրաժեշտ, իրեն ձեռնտու, իրեն հույս տվող որեւէ ծրագիր:
- Այնպիսի մոնիպուլյացիան, ինչպիսին է Վարդան Օսկանյանի հայտնությունը ԲՀԿ-ում, արդյոք հեռանկա±ր է ստեղծում, որ ԲՀԿ-ն էլ վերածվի ամերիկամետ ուժի:
- Ըստ երեւույթին, նման միտումներ որոշ շրջանակներում կան, բայց ես չեմ կարծում, որ մի Վարդան Օսկանյանով ԲՀԿ-ն վերածվի ամերիկամետ ուժի:
- Կարծես թե հիմա մրցակցություն է գնում ՀԱԿ-ի, ՙԺառանգության՚, եւ Արամ Զավենիչի ՙՀանրապետություն՚ կուսակցության միջեւ, թե ո±վ պետք է լինի արեւմտամետ ուժերի առաջնորդը: Ըստ Ձեզ, հնարավո±ր է, որ այս երեք քաղաքական ուժերի մոտ ստացվի նախագահական ընտրություններում միասնական թեկնածուով հանդես գալը:
- Չեմ կարծում, նրանք անհամատեղելի են:
- Հիլլարի Քլինթոնը իր այցի ժամանակ շեշտակի անձնական ուշադրություն դրսեւորեց տարբեր գրանտակեր կառույցների մեծամասամբ հանրորեն մերժելի ղեկավարների նկատմամբ: Հնարավո±ր է, որ դրանով Արեւմուտքին հաջողվի Հայաստանում ներքին ապակայունություն ստեղծել, թե± արդեն անցել է ՙբազմագույն հեղափոխությունների գնացքը՚:
- Ցանկացած երկրում անկայունություն ստեղծելը ԱՄՆ-ի մասնագիտությունն է եւ ամենօրյա աշխատանքը: Հայաստանում անկայունությունն իշխանություն-ընդդիմություն պայքարի միջոցով անհնարին է:

ՀՐԱՆՏ ՍԱՐԱՖՅԱՆ