ՙՏավուշի մարզի Գետահովիտ գյուղում սողանքներ նկատվել են դեռեւս 1994 թվականից: Սակայն վերջին շրջանում սողանքներն ակտիվացել են, որոնց հետեւանքով ավերվել են շինություններ, տներ:
Օրական սողանքներն ավելի ու ավելի են ակտիվանում: Դիմել ենք ե°ւ վարչապետին, ե°ւ նախագահին, արտակարգ իրավիճակների նախարարությունից էլ պարբերաբար գալիս ու արձանագրում են, բայց ոչ մի օգնություն դեռեւս չկա: Իսկ տարհանված բնակչության համար պատասխանել են, որ 2013-2014թթ. ընթացքում նոր միայն փոխհատուցումներ կտան: Բայց հո սողանքը չի սպասում այդ նախատեսված ժամանակին, օրեցօր գյուղի վիճակն ավելի ու ավելի է վատանում՚,- մեզ հետ զրույցում նշեց Գետահովիտ գյուղի գյուղապետ ՍԱՐԳԻՍ ՂԱԶԱՐՅԱՆԸ: Պարզելու համար թե ինչպե±ս են պատրաստվում վերոնշյալ խնդրին լուծում տալ, դիմեցինք ԱԻՆ բնակչության եւ տարածքների պաշտպանության վարչության պետ ՀՈՎՀԱՆՆԵՍ ԵՄԻՇՅԱՆԻՆ, ով էլ մասնավորապես նշեց. - Մեր նախարարության կողմից այդ խնդիրը բարձրացվել է կառավարությունում: Մի քսան օր առաջ վերջին անգամ էլի անդրադարձել ենք այդ խնդրին եւ որոշել, որ անհրաժեշտ է բնակչությանը տարհանել եւ անհրաժեշտ միջոցներով ապահովել: Խնդրով վերջնական զբաղվում է քաղաքաշինության նախարարությունը, այսինքն իրականացվելու է հաշվարկ, թե բնակիչներին ինչ գումար է անհրաժեշտ եւ ըստ այդ, ներկայացվելու է կառավարություն: ԻԼՈՆԱ ԱԶԱՐՅԱՆԻ
1
10196 դիտում
2
8723 դիտում
3
2258 դիտում
4
2235 դիտում
5
2115 դիտում
