ԵՍ ԱՅԴ ԴԵՊՔԻ ՀԵՏ ՈՉ ՄԻ ԿԱՊ ՉՈՒՆԵՄ

ԵՍ ԱՅԴ ԴԵՊՔԻ ՀԵՏ ՈՉ ՄԻ ԿԱՊ ՉՈՒՆԵՄ

Հայտնի պարուսույց ՍՈՖԻ ԴԵՎՈՅԱՆԻ ավտոմեքենայի վթարից հետո ՙՄերսեդեսի՚ վարորդը դեպքի վայրից դիմել էր փախուստի: Սակայն վթարի վայր ժամանած Ճանապարհային ոստիկանության աշխատակիցները նկատել են նրան փախուստի դիմելիս:

Ոստիկանների հարցին ի պատասխան ՙՄերսեդեսի՚ վարորդը հայտնել էր, որ ինքը նշված վթարի հետ կապ չունի, իսկ իր մարմնի վրա եղած հետքերը Նոր Նորքում տեղի ունեցած ինչ-որ ծեծկռտուքի արդյունք է: Իսկ ավելի ուշ վթարի վայր են ժամանել Սոֆի Դեւոյանի ամուսինն ու որդին, ովքեր պատմել եմ« որ ՙՄերսեդեսը՚ գալիս էր իրենց հետեւից, որպեսզի տեղափոխեր ՙԶվարթնոց՚ օդանավակայան: Ավելի ուշ հայտնի է դարձել, որ ՙՄերսեդեսի՚ վարորդը ենթարկվել է բժշկական փորձաքննության, եւ պարզվել, որ նա մեքենան վարել է ոչ սթափ վիճակում:
Երբ զանգահարեցինք Սոֆի Դեւոյանին` կատարվածը եւ իր վարորդի արարքը մեկնաբանելու համար, վերջինս միայն ասաց, որ ինքը ոչնչից տեղյակ չէ, եւ որ իր հետ այդ դեպքը կապ ունի այնքանով, որ վթարված մեքենան իրենն է եղել. ՙԻ±նչ ինֆորմացիա կարող եմ Ձեզ տալ, երբ ինքս էլ ոչնչից տեղյակ չեմ եղել: Ես այդ դեպքի հետ ոչ մի կապ չունեմ, այնքանով կապ ունեմ, որ դա եղել է իմ մեքենան: Ես օրենքի մարդ եմ, օրենքով ինչ հասնում է, այդ էլ անում են: Ես մեքենայի մեջ չեմ եղել, իմ վարորդը մեքենայով ավտովթարի է ենթարկվել: Ես ի±նչ կարող եմ ասել կամ անել: Ցավում եմ կատարվածի համար, բայց ի±նչ կարող եմ անել՚:
ՙԻրավունքի՚ հետ զրույցում Տիկին Դեւոյանը պարզաբանեց. ՙՃիշտ է, վարորդը երկար տարիներ չէր աշխատում մեզ մոտ, բայց ինքը շատ կարգին անձնավորություն էր, եւ ես նրան դեռ խմած չեմ տեսել՚:

ԼԻԼԻԹ ԵՂԻԱԶԱՐՅԱՆ