ՙԳՈՐԾ ՈՒՆԵՆՔ ԻՐԱԿԱՆ ՊԱՏԵՐԱԶՄԱԿԱՆ ՎԻՃԱԿԻ ՀԵՏ՚

ՙԳՈՐԾ ՈՒՆԵՆՔ ԻՐԱԿԱՆ ՊԱՏԵՐԱԶՄԱԿԱՆ ՎԻՃԱԿԻ ՀԵՏ՚

Օրերս հայ-ադրբեջանական սահմանի հյուսիսարեւելյան հատվածում ադրբեջանական կողմը հերթական անգամ կոպտորեն խախտել է շփման գծում հաստատված հրադադարի ռեժիմը` փորձելով ներթափանցել ՀՀ Տավուշի մարզի Բերդավան եւ Չինարի գյուղերի ուղղությամբ տեղակայված հայկական հենակետեր:

Թեպետ հաջողվել է դիվերսիոն առաջխաղացումը կասեցնել, եւ հակառակորդը ետ է մղվել, բայց զոհվել է ՀՀ ԶՈւ երեք զինծառայող, կա 6 վիրավոր:
Քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆԸ չի բացառում, որ դեպքերի նման զարգացումը դառնա հայ-ադրբեջանական նոր պատերազմի պատճառ.
վելին ասեմ, եթե փաստացի գնահատական տանք այսօր սահմանում տիրող իրավիճակին, ապա պետք է նշենք, որ գործ ունենք իրական պատերազմական վիճակի հետ, քանի որ մեծ քանակությամբ կրակոցներն ու կորուստները այլ բանի մասին չեն վկայում: Չեմ բացառում, որ ադրբեջանական կողմին զսպելու եւ նրանց սադրանքները կանխելու ուղղությամբ տարվող մեր աշխատանքները, վերջին հաշվով, հանգեցնեն լայնամասշտաբ պատերազմի: Այստեղ պարզապես կարեւոր է նշել մի հանգամանք` եթե անգամ դեպքերը նման ձեւով զարգանան, ապա հետեւանքների համար պատասխանատվությունն ամբողջությամբ ընկած է լինելու Ադրբեջանի ուսերին:
- Ըստ Ձեզ, ի±նչ ազդեցություն կթողնի ադրբեջանական դիվերսիոն խմբի հարձակման փաստը ԱՄՆ պետքարտուղար Հիլարի Քլինթոնի Բաքու կատարելիք այցի վրա:
- Դատելով Երեւանում Հ. Քլինթոնի կատարած հայտարարություններից եւ ռեակցիայիցª կարելի է ասել, որ բավական խիստ տրամադրվածություն ունի: Նա ասաց, որ հարցեր ունի ուղղելու Ադրբեջանի նախագահ Հեյդար Ալիեւին: Վստահ եմ, որ ԱՄՆ պետքարտուղարը Բաքվում Ադրբեջանի իշխանություններից պատերազմի չվերսկսման երաշխիքներ է պահանջելու: Սա շատ կարեւոր է Միացյալ Նահանգների համար, որովհետեւ նրանք ցանկանում են Հարավային Կովկասը տեսնել ավելի կայուն եւ իրենց համար կանխատեսելի:
- Որոշ փորձագետներ կարծիք են հայտնում, որ հենց ԱՄՆ պետքարտուղարի խղճին է սպանված զինվորների արյան մեղքը: Արդյոք հիմքեր կան կարծելու, որ ԱՄՆ-ը խրախուսում է Թուրքիային, որպեսզի վերջինս ռազմական ճնշում գործադրի Հայաստանի վրա:
- Նման պնդումներ չեմ կարող ինձ թույլ տալ, որովհետեւ փաստեր չունեմ: Կարծում եմ այդ մեղադրանքներն իրականությանը չեն համապատասխանում, քանի որ Միացյալ Նահանգներն իսկապես հետաքրքրված է տարածաշրջանի կայունությամբ, որովհետեւ այստեղ կա տնտեսական, էներգետիկ առումով Արեւմուտքի շահը: Բացի դրանից, պատերազմը պատասխանատվություն է եւ Միացյալ Նահանգներըª որպես միջնորդ պետություն, իհարկե, ամեն ինչ կանի, որպեսզի այդ պատասխանատվությունը չընկնի իր վրա:
- Հայ-ադրբեջանական սահմանում ստեղծված լարված իրավիճակը որքանո±վ կապ ունի Իրանի շուրջ տեղի ունեցող իրադարձությունների հետ:
- Մի քիչ դժվար է կապել այս երկու իրադարձությունները: Երկուսն էլ կոնֆլիկտային խնդիրներ են, որոնք ունեն բավական կարեւոր նշանակություն տարածաշրջանի եւ, մասնավորապես, Ադրբեջանի համար: Վստահ եմ, որ Իրանի գործոնը հայ-ադրբեջանական հակամարտության մեջ առայժմª գոնե հիմա, չկա:
- Ինչո±վ է պայմանավորված այն, որ վերջին վեց տարիների ընթացքում աճել են հրադադարի խախտման դեպքերը:
- Համոզված եմ, որ ստեղծված իրավիճակը Ադրբեջանին ձեռնտու չէ: Բնականաբար պատերազմի արդյունքներն Ադրբեջանին չեն բավարարել եւ վերջինս հասկանում է, որ իրավիճակն իրենց համար շտկել կարելի է երկու կարեւոր հարցերի միջոցով, որոնք ցանկանում են վերաբացել միջազգային հանրության առաջ: Առաջինն այն է, որ պատերազմի արդյունքում ձեւակերպված ստատուս քվո չկա, եւ պատերազմը սառեցված վիճակում չէ, այլ բավական ակտիվ է: Եվ երկրորդ կարեւոր խնդիրը, որը փորձում են ապացուցել ադրբեջանցիները դա այն է, որ ներկայումս ստեղծված բանակցային գործընթացը եւ ձեւաչափը չի նպաստում հակամարտության լուծմանը: Ադրբեջանական իշխանությունները լավ հասկանում են, որ ԵԱՀԿ Մինսկի խումբը վաղուց, բացի միջնորդ առաքելություն իրականացնելուց, վերածվել է նաեւ յուրատեսակ ֆորումի, որտեղ միջազգային հանրությունը եւ գերտերությունները քննարկում եւ համաձայնեցնում են քաղաքական գործընթացները տարածաշրջանում: Թուրքիան ուզում է ավելի ակտիվ լինել իր հարակից բոլոր տարածաշրջաններում թե° տնտեսապես, թե° քաղաքականապես, գուցե նաեւ ռազմապես, եւ այս առումով, կարծես նա մուտք չունի Հարավային Կովկաս, դրա համար նրանց հիմնական գործընկերն ու դաշնակիցը եւ, նույնիսկ կասեի Թուրքիայի շարունակությունը մեր տարածաշրջանումª Ադրբեջանն է: Գլխավոր խնդիրը, որը այս պահին փորձում է լուծել Ադրբեջանը հետեւյալն է` նոր ձեւաչափ մտածել, որտեղ թաքնված կլինի Թուրքիային այդ ձեւաչափի մեջ ներառելու ադրբեջանցիների ցանկությունը:

ՀՐԱՆՏ ՍԱՐԱՖՅԱՆ


ՎԻՐԱՎՈՐ ԶԻՆՎՈՐՆԵՐԻՆ ՏԵՍԱԿՑԵԼ ԴԵՌ ՉԻ ԹՈՒՅԼԱՏՐՎՈՒՄ

Հունիսի 4-ին Տավուշի մարզի սահմանամերձ հատվածում ադրբեջանական դիվերսիոն գործողության հետեւանքով վիրավորված զինծառայողներից երեքին` սերժանտ Իգիթ Կարենի Հովհաննիսյանին` կրծքավանդակի շրջանում հրազենային վիրավորումով, շարքային Սեդրակ Սամվելի Շահբազյանին` ձախ արմնկահոդի եւ ձախ ազդրի շրջանում հրազենային վիրավորումով եւ շարքային Արթուր Արակի Մնացականյանին` ծնկի, սրունքի եւ բազկի շրջանում հրազենային միջանցիկ վիրավորումներով, տեղափոխել են ՀՀ ՊՆ-ի կենտրոնական կլինիկական հոսպիտալ: Վիրավորներին տեսնելու եւ հնարավորության դեպքում, զրուցելու նպատակով որոշեցինք այցելել նրանց, սակայն հոսպիտալի հսկիչը անցագրային կետում մեզ թույլ չտվեց` ասելով, որ զինվորների վիճակը համեմատաբար կայուն է եւ այդ մասին մանրամասներ կարող ենք իմանալ միայն ՊՆ-ի լրատվական ծառայությունից: Կային նաեւ խոսակցություններ այն մասին, որ նույնիսկ ծնողներին թույլ չեն տալիս ներս մտնել:
Վիրավոր զինծառայողների վիճակի վերաբերյալ մանրամասներ իմանալու ակնկալիքով դիմեցինք Պաշտպանության նախարարության լրատվական բաժին, որտեղից էլ մեզ պատասխանեցին.
- Զինվորների վիճակը այժմ կայուն է, կյանքին սպառնացող վտանգ չկա:
- Իսկ կարո±ղ ենք զրուցել վիրավորների հետ:
- Ճիշտ չի հիմա վիրավորների հետ խոսելը, մի քիչ կապաքինվեն, կկազդուրվեն, հետո կզրուցեք:

ԻԼՈՆԱ ԱԶԱՐՅԱՆ