ՙՙԿԱՆՆԻ ԱՅՑԵՔԱՐՏՈՎ ԴՐՍԻՑ ԿԳԱՆՔ ՆԵՐՍ

ԿԱՆՆԻ ԱՅՑԵՔԱՐՏՈՎ ԴՐՍԻՑ ԿԳԱՆՔ ՆԵՐՍ

Երեկ ՙԳոլդեն Թուլիփ՚ հյուրանոցում տեղի ունեցավ Կաննի փառատոն մեկնած հայ կինոգործիչների մամլո ասուլիսը:
ՙԻրավունքի՚ հետ զրույցում Հայաստանի ազգային կինոկենտրոնի տնօրեն ԳԵՎՈՐԳ ԳԵՎՈՐԳՅԱՆԸ նշեց, որ 2012թ. Կաննի փառատոնի շրջանակներում հայկական պատվիրակությունն ունեցավ բեղմնավոր ձեռքբերումներ: Չորս տարվա անաչառ մասնակցությունը տվեց իր սպասելի արդյունքները. ՙԵթե առաջին տարում փառատոնին ներկայանում էինք մեկ, ապա այսօր` ութ ֆիլմով: Ի դեպ, նույն բյուջեով: Կաննում ունեցած նման ճանաչողությունն ու հետաքրքրվածությունը աննախադեպ  էր: Կաննի շնորհիվ այլ երկրների հետ համագործակցություններ ձեռք բերելը դարձել է դյուրին՚:
Ըստ Գ. Գեւորգյանի, Կաննում մասնակցությունը տալիս է լայն հնարավորություններ հետագայում այս ոլորտում աճելու, զարգանալու համար. ՙԿարծես թե այն դարձել է այցեքարտ: Եթե դու փառատոնում ունես մասնակցություն, ապա ինչ-որ չափով բաց են որոշակի դռներ՚: Կաննի ձեռքբերումների մասին խոսելով` հավելեց. ՙԱյս տարի 4-րդ տարին ենք մասնակցում, բայց առաջին տարվա համեմատ աննախադեպ թռիչք ունենք: Առաջին տարում ոչինչ չունեինք, իսկ հիմա` փառատոներ, այլ երկրների հետ պայմանագրեր, համագործակցություններ: Օրինակ, այսօր Ամեսիում նշում են հայկական անիմացիայի 20-ամյակը: Նման փառատոներում այսօրինակ երեւույթները բացառիկ են՚:
ՙԻրավունքի՚ այն հարցին, թե արդյոք պետական աջակցությունից զատ, անհատ ձեռներեցները չե±ն փորձում աջակցել հայկական կինոյի առաջխաղացմանը եւ պատմական արժեքների պահպանմանը, պարոն Գեւորգյանը պատասխանեց. ՙՎիճակագրական տվյալներով աշխարհի ցանկացած  երկիր, որը ֆիլմ է նկարահանում, եւ դա կոմերցիոն իմաստով գումար է հետ բերում,  միայն 70 տոկոս գումարը իր երկրից է դուրս բերում: Իսկ Հայաստանում տոկոսային արժեքը զրոյական է: Կարծում եմ, դա է բուն պատճառը, որ գործարարները չեն ինտեգրվում այս գործընթացում՚: Վերջում, պատասխանելով մեր այն հարցին, թե  ինչ ապագա է սպասվում հայկական ֆիլմերին, պարոն Գեւորգյանը հավաստիացրեց. ՙՔանի որ հեռուստաընկերությունները գումար չեն տալիս ֆիլմերը հեռարձակելու համար, մասնավորապես, երբ չկան կինոթատրոններ, կարծում եմ, սա այն դեպքն է, որ դրսից կգանք ներս: Այսինքն` դրսում կունենանք հաջողություններ, հետո ներսում կունենանք ֆինանսական մասնակցություններ՚:

ՆՎԱՐԴ ՄՈՎՍԻՍՅԱՆ