Մայիսի 27-ի երեկոյան ոստիկանության Վաղարշապատի բաժնում քաղաքացիներից ահազանգ էր ստացվել, որ Գայ եւ Չոբանքարա կամարների տարածքով անցնող չգործող ջրատարում տղամարդու դիակ կա:
Այն, որ 1964 թ. ծնված Մայիս Խաչիկյանը սպանվել էր հաստատում էին նրա մարմնի վրայի բռնության հետքերը: Ոստիկանության ծառայողների կողմից ՙտաք՚ հետքերով ձեռնարկված օպերատիվ-հետախուզական միջոցառումների շնորհիվ պարզվել էր, որ այդ օրը, ժամը 15.00-ի սահմաններում, 1979 թ. ծնված Մարատ Մարգարյանն Մաշտոցի փողոցի թիվ 79 շենքի մոտ իր ՙՆիսան-Մարչ՚ մակնիշի ավտոմեքենայի սրահում, դանակի չորս հարվածով սպանել էր Մ. Խաչիկյանին: Զոհի դիակը գցելով ջրատարի մեջ, մարդասպանը փորձել էր փախչել հանրապետությունից: Մարատ Մարգարյանը հայտնաբերվել էր ՙԶվարթնոց՚ օդանավակայանում` Մոսկվա-Երեւան չվերթով ՀՀ-ից մեկնելիս: Մարդասպանը խոստովանել էր իր արարքը եւ պարզաբանել, որ սպանել էր Մ. Խաչիկյանին ՙֆինանսական հարցերի շուրջ ծագած վիճաբանության ժամանակ՚:
ՙՉԱՐԱՃՃԻ՚ ՎՆԱՍԱՐԱՐՈՒԹՅՈՒՆ
Մեկ պայթյունից` վնասված 3 ավտոմեքենա: Այդպիսի տեսարան էր ներկայցել ոստիկանության Էրեբունու բաժնի աշխատակիցներին մայիսի 27-ին Դաշտենցի փողոցում գտնվող ավտոշուկայում: Վաճառքի հանված մեքենաներից մեկի տակ ինչ-որ մեկը ինչ-որ բան էր գցել: Արդյունքում. չպարզված առարկայի պայթյունից վնասվել էին ՙՏոյոտա Կորոլա՚ մակնիշի ավտոմեքենայի հետնամասը, ՙՌԱՖ-2203՚ մակնիշի ավտոմեքենայի աջակողմյան ապակին եւ անվադողը ու ՙՖոլքսվագեն Գոլֆ՚ մակնիշի ավտոմեքենայի աջակողմյան երկու անվադողերը:
1
10164 դիտում
2
8363 դիտում
3
2258 դիտում
4
2235 դիտում
5
2115 դիտում
