ՙԻՆՉՈՒ ՀԱԿ-ՈՒՄ ՇՈՒՆԸ ՏԻՐՈՋԸ ՉԻ ՃԱՆԱՉՈՒՄ

ԻՆՉՈՒ ՀԱԿ-ՈՒՄ ՇՈՒՆԸ ՏԻՐՈՋԸ ՉԻ ՃԱՆԱՉՈՒՄ

ՀԱԿ խմբակցության առաջիկա անելիքների վերաբերյալ իրարամերժ տեղեկություններ են շրջանառվում` արդյոք ՀԱԿ-ը կբոյկոտի մանդատներ ստանալու հանդիսավոր արարողությունը եւ ԱԺ անդրանիկ նիստը, ու նաեւ անորոշ է ՀԱԿ խմբակցության ղեկավարի անունը, ու որոշ ՀԱԿ-իստներ պնդում են, որ այդ հարցերը նույնիսկ չեն քննարկվել:
Սակայն, ինչպես տեղեկացանք ՀԱԿ-ին մոտ կանգնած աղբյուրից, խառնաշփոթի ու բոլոր հարցերը հետին պլան մղելու պատճառն այն է, որ ԼՏՊ-ն պնդում է, որ եղած կազմում պետք է ինքնաբացարկ լինի, որպեսզի խորհրդարան կարողանա գալ Սարիբեկ Սուքիասյանը: Այ, հենց այդ ինքնաբացարկի խնդիրն էլ դարձել է խառնաշփոթի պատճառ, քանզի եղածներից ոչ ոք չի կամենում հրաժեշտ տալ վերջապես մի կերպ ձեռք բերված մանդատին: Ասում են, որ անգամ այդ թեմայի շուրջ վեճերը հասել են փոխադարձ հայհոյանքների եւ վիրավորանքների:

ՍԵՓ. ԼՐԱՏՎՈՒԹՅՈՒՆ


ԲԱԳՐԱՏՅԱՆՆ ԱՆՏԵՂՅԱԿ Է

Հայ ազգային կոնգրեսը դեռ ՙգցում-բռնում է՚ լինել, թե չլինել 2012թ. մայիսի 6-ի ընտրությունների արդյունքում ընտրված Ազգային ժողովի պատգամավորներին մանդատների հանձնման հանդիսավոր արարողությանն ու առաջին հանդիսավոր նիստին:
Պարզվում է ՀԱԿ-ում ՀԱԿատոնական տրամադրություն է տիրում: Երբ ՀԱԿ ներկայացուցիչ, ՀՀՇ վարչության նախագահ ԱՐԱՄ ՄԱՆՈՒԿՅԱՆԻՑ փորձեցինք ճշտել, թե արդյոք ՀԱԿ-ը կմասնակցի ԱԺ առաջին նիստին, պարզվեց, որ վերջինիս միայն իր հեռախոսի մարտկոցն է անհանգստացնում ու իր վատ տրամադրությամբ կիսվեց մեզ հետ. ՙԻնձ մի° զանգահարեք, անընդհատ զանգահարում եք, եթե չեմ պատասխանում, ուրեմն զբաղված եմ, զարյադկես նստում է ձեր պատճառով՚: Թե ո±ւմ զանգերից էր այդպես բորբոքվել պարոն Մանուկյանն, այդպես էլ չհասկացանք, քանի որ մենք ընդամենը մեկ զանգ էինք կատարել ու ստացել այսպիսի պատասխան: Ինչեւէ, մեր հարցերի պատասխանները տվեց ՀԱԿ ՙքաջատեղյակ՚ ներկայացուցիչ ՀՐԱՆՏ ԲԱԳՐԱՏՅԱՆԸ: Վերջինս ՙխփեց հա°մ նալին, հա°մ մեխին՚ եւ ԱԺ մանդատների հանդիսավոր հանձնման արարողությանն ու առաջին նիստին ՀԱԿ-ի մասնակցության վերաբերյալ նշեց. ՙԵս տեղյակ չեմ, չեմ կարող ո°չ ասելª այո, ո°չ ասելª ոչ՚: Իսկ թե պարոն Բագրատյանը կստանձնի± ՀԱԿ խմբակցության ղեկավարի պաշտոնը, վերջինս նույնքան զարմացավ, որքան որ մեզ զարմացրեց իր պատասխանով. ՙՈչ, այդպիսի հարց չի քննարկվել, ես նման տեղեկություն չունեմ՚: Նա չունի, սակայն ՀԱԿ-ի անդամ, թիվ 1 ընտրատարածքում պարտված թեկնածու Գայանե Առուստամյանը իր ասուլիսին Բագրատյանի` խմբակցության ղեկավար լինելը նշել է որպես կայացած փաստ:

ՀՐԱՆՏ ՍԱՐԱՖՅԱՆ


ՄԵԾ ԲԼԵՖ

Ինչպես հայտնի է` վերջերս համացանցում կտրուկ շատացել են հայերի անունից արված տեսաֆիլմերը, ուր ներկայացվում` իբր հայերը քայլ առ քայլ մտադիր են գրավել Աբխազիան, ինչպես նաեւ` իբր հավակնություններ ունեն Ռուսաստանի հարավի հայաշատ շրջանների նկատմամբ: Հայերի անունից պատրաստվող այդ զանգվածային կեղծիքները, մեր ունեցած տեղեկություններով, գրավել են Հայաստանի անվտանգության եւ իրավապահ մարմինների ուշադրությունը, եւ ոստիկանության 6-րդ վարչության կիբերհանցագործությունների բաժինն ու ԱԱԾ-ն հետաքննության ընթացքում արդեն իսկ պարզել են այդ կեղծիքների արտադրության հիմնական կենտրոնները: Պարզվել է, որ արտադրողների մեծ մասը ադրբեջանական ծագում ունեն, ինչպես նաեւ որոշ դեպքերում ներգրավված են եւ վրացիներ: