ՙԺառանգությունում՚ շատ են սիրում տարատեսակ մոդայիկ ժողովրդավարական խաղեր հատկապես, եթե դա իրականացվում է համացանցի միջոցով:
Եվ այսպես, հենց ՙժառանգականները՚ ՙՖեյսբուքում՚ կազմակերպեցին քվեարկություն, թե ժողովուրդն իրենց համամասնական ցուցակից հատկապես ում է ուզում տեսնել խորհրդարանում: Ու ստացվեց այսպիսի զարմանալի ՙժողովրդական ցուցակ՚. Անահիտ Բախշյան, Ստյոպա Սաֆարյան, Զարուհի Փոստանջյան, Արմեն Մարտիրոսյան, Լարիսա Ալավերդյան, Րաֆֆի Հովհաննիսյան, Իզաբելլա Աբգարյան... իսկ կուսակցության փոխնախագահ Ռուբիկ Հակոբյանը պատվավոր նախավերջին տեղում էր: Դե ինչ, զարմանքով հանդերձ մնում է արձանագրել, որ կուսակցության առաջնորդը գլորվել հասել է 6-րդ հորիզոնական, իսկ փոխնախագահին, երեւի թե, մնում է ամոթից ամբողջովին գետինը մտնել: Բայց ամենազարմանալին հայտնել է լոնդոնասեր ՍՏՅՈՊԱ ՍԱՖԱՐՅԱՆԸ` որ իրենք ունեն ընդամենը առաջին նիստին մասնակցելու պատրաստ հնգյակ ու ուրիշ ոչինչ: Անշուշտ, շատ հետաքրքիր կլինի, եթե ՙԺառանգությունը՚ ԱԺ ամեն նստաշրջանին սկսի փոխել իր հնգյակի կազմը մինչեւ ամբողջ ցուցակը չպրծնի: Մեզ անզարմանք չթողեց եւ ԼԵՎՈՆ ԶՈՒՐԱԲՅԱՆԸ, որը ՍԴ-ի կողմից ՀԱԿ-ի դիմումը վարույթ ընդունելու կապակցությամբ հայտարարեց. ՙԵթե մենք չդիմեինք Սահմանադրական դատարան, որը իսկապես ապացուցել է ռեժիմի կցորդ լինելու իր կարգավիճակը, այդ նույն ռեժիմը ամենուրեք տարածելու է, որ որեւէ ապացույց չի եղել, որեւէ իրավական հիմք չի եղել, որեւէ նույթ չեն ունեցել ընտրակեղծիքների վերաբերյալ՚: Լավ, եթե, ասենք, դատական նիստին մեկուկես փաստ արձանագրվի, դրանից ՀԱԿ-ի մանդատների քանակը կավելանա±: Դա շատ է նմանվում այն արցախյան անեկդոտին, որ այգու վերաբերյալ հարեւանի հետ դատական վեճ ունեցողը դատարանում պարտվելուց հետո երկար-բարակ գլուխ էր գովում, թե ինչեր է ասել դատական նիստին, մինչեւ կինը չի շշպռում. ՙԻսկ բաղը ո±ւմ մնաց՚: Ինչպես հայտնի է` Գինեսի ռեկորդների գրքում կա նաեւ հատուկ բաժին, որը նախատեսված է ամենաանհեթեթ ՀԱՆՑԱԳՈՐԾՈՒԹՅԱՆ համար: Եվ այժմ կարող ենք արձանագրել, որ այդ ռեկորդի անվիճելի հավակնորդ կարող է համարվել ավտոլվացման կետի աշխատակիցը, որը մի արտասահմանցու ջիպը լվանալուց հետո այն անմիջապես փախցրեց: Դե, պարզ է, որ պետք է շատ արագ բռնվեր, բայց մնում է զարմանալ, թե ինչ էր անցնում նրա մտքով: Իսկ երեկ համացանցում անչափ տարածվեց մի տեղեկատվություն, որը, ցավոք, սխալ դուրս եկավ: Սոցիալական ցանցերը լեփ-լեցուն էին հաղորդագրություններով, որ մայիսի 22-ին մահացել է ԽՍՀՄ վերջին գլխավոր քարտուղար, խորհրդային երկրի առաջին եւ վերջին նախագահ ՄԻԽԱՅԻԼ ԳՈՐԲԱՉՈՎԸ: Նույնիսկ համապատասխան գրառում է արվել շատերի կողմից այդքան սիրված եւ այդքան վստահություն վայելող համացանցային հանրագիտարանի` ՙՎիկիպեդիայի՚ անգլերեն բաժնում, բայց... Ստացվեց Մարկ Տվենի հիշատակած հայտնի սյուժեն, երբ ամերիկյան այդ հռչակավոր գրողն ու լրագրողը հարկադրված էր հրապարակել նյութ` ՙԻմ մահվան մասին լուրերը փոքր-ինչ չափազանցված են՚: Դե ինչ, ԽՍՀՄ բոլոր ազգերի գլխին անհամար փորձանքներ բերած Գորբաչովն էլ անձամբ արձանագրեց, որ ոչ միայն ողջ է, այլ նույնիսկ աշխատում է: Ինչեւէ, դրանով զարմանալիորեն հաստատվեց, որ ցանկության դեպքում ինտերնետային արագ հաղորդակցության պայմաններում տարվա ցանկացած օր կարելի է վերածել ապրիլի 1-ի` անգամ, եթե դա մայիսի 22-ն է:
1
10196 դիտում
2
8748 դիտում
3
2258 դիտում
4
2235 դիտում
5
2115 դիտում
