ՙՙԱԶԱՏԵՔ ՄԵԶ ԱՅՍ ԱՂՏԵՂՈՒԹՅՈՒՆԻՑ

ԱԶԱՏԵՔ ՄԵԶ ԱՅՍ ԱՂՏԵՂՈՒԹՅՈՒՆԻՑ

Խմբագրությունը ստացել է մայրաքաղաքի Զաքյան փողոցի շուրջ 200 բնակիչների բաց նամակը` հասցեագրված Ազգային ժողովին, Երեւանի քաղաքապետին եւ ՀՀ ոստիկանապետին: Ստորագրահավաքը շարունակվում է: Բաց նամակում ասված է.
- Մեծարգո պարոն այրեր:
Սույնով մենք` Զաքյան փողոցի բնակիչներս հորդորում ենք ձեզ վերջ դնել ՙՄանկական այգու՚ եւ հարակից տարածքների օկուպացիան արվամոլների եւ այլ միասեռականների կողմից: Նրանց գիշերային ՙխնջույքները՚ ուղղորդվում են անցորդների նկատմամբ բացահայտ սեռական ոտնձգություններով, բացօթյա թմրամոլությամբ եւ ուղղակի սեռական հարաբերություններով, ինչպես այգու տարածքում, այնպես էլ հարակից շքամուտքերում: Զաքյան փողոցի շքամուտքերը վերածվում են արվամոլների հանդերձարանների, իսկ այգու հարակից փողոցների բանուկ մասերը` ՙտղամարդկային՚ պոռնկության Մեքքայի: Քրեածին այս վիճակում տեղաբնակ քաղաքացիները դառնում են առավել անպաշտպան, հատկապես երբ արվամոլությունը եւ ՙկլիենտների՚ որսը իրականացվում է ոստիկանության աչալուրջ հսկողության ներքո: Ինչպես հայտնի է, վայրենի շուկայական հարաբերությունների պայմաններում պահանջարկն առաջացնում է առաջարկ:
Գեղեցիկ ավտոհամարանիշերով ՙկլիենտների՚ մեքենաները պետք է որ վաղուց գրավեին Ազգային անվտանգության ուշադրությունը, եթե վերջինս գոյություն ունի:
Եթե Ազգային ժողովը պատրաստակամ կերպով օրենքով պաշտպանեց միասեռականներին, ապա գոնե նույն պատրաստակամությամբ պետք է պաշտպանի այլ քաղաքացիների, այսինքն մեր եւ մեր երեխաների քաղաքացիական իրավունքները:
Չենք կարծում, որ մեր ներկայիս քաղաքական այրերն ուրախ կլինեին իրենց երեխաներին կամ թոռնիկներին զբոսայգի տանելիս, թեկուզեւ պատահականորեն հանդիպեին պահպանակների եւ ներարկիչների կույտերի եւ կամ էլ իրենց կանայք հանդիպեին իրենց շքամուտքում սեռական ակտ կատարող անձանց:
Հուսով ենք, որ կձեռնարկվեն համապատասխան միջոցներ ներկայիս քրեածին միջավայրը վերացնելու ուղղությամբ.
Հնարավոր լուծումներ.
1. Ոչ ձեւական ոստիկանական ծառայություններ իրականացնել ինչպես այգու ներսում, այնպես էլ հարակից տարածքներում:
2. Կանխարգելիչ գործողություններ կատարելու, ինչպես նաեւ ապացուցման հիմքեր ձեռք բերելու նպատակով իրականացնել տարածքի մշտական տեսա-վերահսկում:
3. Օրենսդրորեն հետապնդել միասեռականների կողմից որեւէ հասարակական վայրի մշտական գովազդային հավաքատեղի դարձնելը, այնտեղ բացահայտ պոռնկությամբ զբաղվելը (այդ թվում հաճախորդներ որսալը), ինչպես նաեւ նրանց ծառայություններից օգտվելը հասարակական վայրերում: