Չէ, չենք կարող չհամաձայնվել Արմեն Աշոտյանի...

Չէ, չենք կարող չհամաձայնվել Արմեն Աշոտյանի` ՙՖեյսբուքում՚ հայտնած այն մտքի հետ, որ գենետիկորեն մոդիֆիկացված մթերքի համեմատ գենետիկորեն մոդիֆիկացված մարդիկ շատ ավելի վտանգավոր են: Բավական էր, որպեսզի Արծվիկ Մինասյանը եւ Հրայր Կարապետյանը գրավ մուծեին հայտնի այլասերանոցը հրկիզած երիտասարդներից մեկին ազատ արձակելու համար, իսկ Էդուարդ Շարմազանովը եւ Արթուր Աղաբեկյանը դրական գնահատեին բողոքը` ընդդեմ այլանդակ գույնզգույնների, եւ բացասական վերաբերմունքը սեռական փոքրամասնությունների նկատմամբ, որպեսզի տարատեսակ վայ-ԻՐԱՎԱՊԱՇՏՊԱՆՆԵՐ անասելի վայնասուն գցեն եւ հասնեն նրան, որ կարծիք հայտնելու համար պահանջեն պատժել պատգամավորներին, լրագրողներին, անգամ սոցիալական ցանցերի հասարակ օգտատերերին: Աջ ու ձախ ֆաշիզմի պիտակ են կպցնում, սակայն պետք է փաստենք, որ իրական ֆաշիստը հենց իրենք են, ուստի, զարմանալով հանդերձ, հարկ ենք համարում սրանց մուրազին հակառակ ներկայացնել եւ Արթուր Աղաբեկյանի` սրանց կոկորդը մնացած խոսքը. ՙՆաեւ հպարտ ու ոգեւորված եմ, որ կան երիտասարդներ, ովքեր անհանդուրժող են հասարակությունն այլասերող համասեռամոլների, աղանդավորների, այլ շեղումներ ունեցող խմբերի հանդեպ՚:
Բայց, ի տարբերություն Արթուր Աղաբեկյանի, մեզ հույժ զարմացրեց ԺԻՐԱՅՐ ՍԷՖԻԼՅԱՆԻ գլխավորած ՙՍարդարապատ՚ շարժումը, որը, զարմանալիորեն, այս ամենի հետեւում տեսնում է իշխանության ձգտումը ՙերկարաձգել եւ ամրապնդել իր հանցավոր իշխանությունը՚, ՙտրոհել քաղաքացիական դիմադրությունը` ՙազգային՚ եւ ՙազատական՚ կեղծ պիտակավորումներով բաժանելով ազգը՚: Չհասկացանք` հիմա ի±նչ միասնական նպատակ կարող են ունենալ Ծոմակի գարշելի կլուբը պաշտպանողները եւ այդ որջի պատերում հավաքվողներին չընդունող նորմալ, առողջ բնազդ ունեցող մարդիկ: Այդ ի±նչ ՙքաղաքացիական դիմադրության՚ նրանք պետք է կողք-կողքի մասնակցեն: Չէ, դա արդեն, զարմանալիորեն, երեւանցու խոսքով ասած, նշանակում է ՙյուղ վառել՚, ու, ում-ում, բայց պատերազմի բովով անցած ազգային հերոսին հեչ սազական չի:
Մեզ բավականին զարմացրեց եւ Հայաստանում ԱՄՆ արտակարգ եւ լիազոր դեսպան ՋՈՆ ՀԵՖՖԵՐՆԸ` մեր ընտրություններով բավականին հիացած լինելով: Տեսնես` այդ ի±նչ է պատահել Ամերիկային, որ հանկարծ գոհ է մնում. ՙՄենք ուշադրությամբ եւ մոտիկից հետեւել ենք ընտրություններին: Կարծում ենք, որ մեծ առաջընթաց է արձանագրվել, մեծ առաջընթաց` մի քանի առանցքային ուղղություններով` լրատվամիջոցներից օգտվելու առումով վիճակը շատ ավելի լավ էր, քան նախկինում, եւ սա լավ բան է: Ընտրատեղամասերում ամեն ինչ ըստ կարգի էր եւ թափանցիկ, հանձնաժողովների անդամները պատրաստված էին, ընտրատեղամասերում տեսախցիկներ էին տեղադրված: Այսինքն` շատ դրական զարգացումներ կային այս ընտրություններում՚: Իհարկե, լավ է, որ դեսպանը այդքան դրական կարծիք ունի, բայց հետաքրքիր է, ՙԱզատություն՚ ռադիոկայանի հաղորդակները դեսպանի խոսքի հեռարձակման պահին հո ամոթից չէի±ն վառվել: Չէ± որ, սովորաբար, այդտեղով եթեր են գնում տարատեսական ՀՀՇ-ականների անեծքները, այն էլ` մեծ դոզաներով:
Մեր հերոսին հերոս չի հասնի, հանցագործին` հանցագործ: Այդ ֆենոմենալ ճշմարտությունը հաստատվեց եւ համակարգչահեն ԳԵՈՐԳԻ ԱՎԱՆԵՍՈՎԻ դատավարության ժամանակ: Հինգ տարի ազատազրկում պահանջած դատախազը բավականին երկար թվարկել էր նրա զարմանալի ՙսխրանքները՚: Նա կարողացել է կոտրել 59 միլիոն տարբեր կայքեր, 194 կայք ամբողջովին շարքից է հանել, տարածել է 341 տարատեսակ վիրուսներ, տուժող են տարածված ՌԴ ԱԳՆ միջազգային հարաբերությունների ինստիտուտը, վիրուսների դեմ պայքարող Կասպերսկու հանրահռչակ լաբորատորիան, Ռուսաստանի մշակույթի նախարարությունը եւ այլն: Դե ինչ, մարդը կարողացավ, զարմանալիորեն, այնքան շատ կայք կոտրել, որ դրանց քանակը գրեթե հավասար է թշնամի Թուրքիայի բնակիչների քանակին: Օրինակ` ավելի օգտակար չէ±ր լինի, որ այդ թաքնված տաղանդին ժամանակին հայտնաբերեր ԱԱԾ-ն ու նրա ունակությունները օգտագործվեին մեր երկրի հակառակորդների, այլ ոչ թե թեեւ հանրահռչակ, բայց մեր երկրին ոչնչով չվնասող հաստատությունների դեմ:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ