ՙՙԽՆԴԻՐԸ ՀԱՍԱՐԱԿՈՒԹՅԱՆԸ ՀԱՄԱԽՄԲԵԼՆ Է՚

ՙԽՆԴԻՐԸ ՀԱՍԱՐԱԿՈՒԹՅԱՆԸ ՀԱՄԱԽՄԲԵԼՆ Է՚

Հանրային եւ քաղաքական քննարկումների հիմնական թեմաներից մեկն այսօր իշխանական կոալիցիա կազմել-չկազմելու խնդիրն է: Չէ որ, ի վերջո, ՀՀԿ-ն խորհրդարանում ունի մեծամասնություն եւ կարող է ինքնուրույն ձեւավորել կառավարություն: Էլ չենք խոսում ՕԵԿ-ի մասին, որը բազմիցս հայտարարել է, որ հավատարիմ է կոալիցիոն հուշագրին: Կոալիցիայի մյուս քաղաքական ուժը` ԲՀԿ-ն ունի 37 պատգամավոր, եւ նախընտրական շրջանի որոշ կրակոտ ելույթներ ոմանց մոտ տպավորություն են ստեղծել, թե ԲՀԿ-ն կարող է հանդես գալ որպես ընդդիմադիր ուժ, տվյալ դեպքում` ԱԺ ընդդիմադիր խմբակցություն:
Ի վերջո, ԲՀԿ-ն կոալիցիայի մաս կկազմի±, թե± ոչ: Ի±նչ են մտածում այդ մասին իշխող եւ ընդդիմադիր ուժերը:

ՙՆԱԽԱԳԱՀԻ ԱՌԱՆՁԻՆ ԹԵԿՆԱԾՈՒՆԵՐՈՎ
ՀԱՆԴԵՍ ԳԱԼԸ ՃԻՇՏ ՉԻ ԼԻՆԻ՚

Մեր առաջին զրուցակիցը ԱԺ ՀՀԿ խմբակցության անդամ ԼԵՌՆԻԿ ԱԼԵՔՍԱՆՅԱՆՆ է:
- ԲՀԿ-ի` կոալիցիայի կազմում մնալու հարցը քննարկվո±ւմ է:
- Հարցը պաշտոնապես չի քննարկվում, որ ես տեղեկություն ունենամ, իսկ խորհրդակցություններ, բնականաբար, ընթանում են: ՀՀԿ-ն նախկինում էլ, հիմա էլ, այսինքն` մինչեւ ընտրություններն էլ, ընտրություններից հետո էլ ոչ միայն ԲՀԿ-ի, այլ նաեւ ուրիշ քաղաքական ուժերի հետ է փորձում որոշակի համաձայնություններ ձեռք բերել: Դրանց թվում են  նաեւ ընդդիմադիրները, առաջին հերթին` ՀՅԴ-ն, ՙԺառանգությունը՚: Իսկ դրա նպատակը ամբողջ հասարակությունը կոնսոլիդացնելն է, ինչ-որ հրատապ խնդիրներ լուծելը, որպեսզի այդպես էլ գնանք նախագահական ընտրությունների: Սա եղել է նախագահի քաղաքականությունը, ՀՀԿ-ի քաղաքականությունը: Իսկ եթե առաջնայինը լինեին միայն կուսակցական շահերը, բնականաբար, ունենք 50 տոկոսից ավելի ձայն, ուստի կարող ենք կառավարություն կազմել ու պատասխանատվությունն էլ վերցնել: Բայց, քանի որ մեր կուսակցության նախագահը նաեւ երկրի նախագահն է, ուստի, որքան հասարակությունը միասնական լինի խնդիրները լուծելիս, այնքան այդ կուսակցության, նախագահի համար խնդիրների լուծման առումով շատ ավելի լավ է: Ու նաեւ չպեք է մոռանալ, որ մենք միջազգային ասպարեզում ամբողջական հանդես գալու խնդիրներ ունենք: Այստեղ ՀՀԿ-ի խնդիրը ԱԺ-ում շատ ձայներ, կառավարությունում շատ աթոռներ ունենալը չէ, խնդիրը երկրի հասարակությանը համախմբելն է, նրանց խնդիրների շուտափույթ լուծումը: Եվ եթե որեւէ կուսակցության ծրագրում նաեւ նույն խնդիրներն են երկրի զարգացման, կոռուպցիայի դեմ պայքարի եւ այլ առումներով, ուրեմն կարելի է դա միասին կատարել: Եթե այդ քաղաքական ուժերը, կուսակցությունները նույն գործն են ուզում անել, թող գան ու անեն: Երբեք ԲՀԿ-ն հիմնարար փոփոխությունների հարց, որոնք կտարբերվեն մեր ծրագրերից, առաջ չի քաշել ու նաեւ մեր կոալիցիոն գործընկերն է: Եթե մեր եւ իրենց ռազմավարությունը համընկնում է, բնականաբար, թող գան, կոալիցիայի կազմում կամ համաձայնագրի ձեւով միասին աշխատենք: Ի դեպ, նման ձեւով կազմվել է նաեւ մեր համամասնական ցուցակը, որտեղ տարբեր ուժերի ներկայացուցիչներ են ընդգրկել, եւ դա ՀՀ նախագահի քաղաքականությունն է, որն իր մեջ ներառում է հանդուրժողականություն, երկխոսություն նույնիսկ ընդդիմադիրների հետ: Եթե այսօր ԲՀԿ-ն խնդիրներ առաջ քաշի, որոնք մեր ծրագրերին չեն համապատասխանում, բնականաբար, այդ կոալիցիան չի կայանա: Կարծում եմ` որոշակի համաձայնություններ, պայմանավորվածություններ ձեռք կբերվեն, ես դրան դրական եմ նայում: Մենք ունենք  Ղարաբաղի, հայ-թուրքական եւ այլ լրջագույն խնդիրներ, որոնք լուծելիս որքան ամբողջական, միասնական լինենք, այնքան ավելի լավ:
- Իսկ հուշագրի մեջ նախագահի մեկ ընդհանուր թեկնածուով հանդես գալու հարցը կներառվի±, թե± դա հետագայում կքննարկվի:
- Ես մտածում եմ, որ, նաեւ կառավարման համակարգից ելնելով, նախագահի առանձին թեկնածուներով հանդես գալը ճիշտ չի լինի: Ինչպես կարող է ԱԺ-ում մեծամասնություն ունեցող ուժը չունենա երկրի նախագահ, վարչապետ: Այստեղ արդեն հենց կառավարման համակարգում ճեղքվածք կմտնի` անկախ նրանից, թե դա որ ուժն է: Նման համակարգն ավելի ամբողջական լինելու համար, բնականաբար, պիտի խորհրդարանում նույն մեծամասնություն կազմող ուժն ունենա ե°ւ վարչապետ, ե°ւ նախագահ, որպեսզի համակարգը ճեղքեր չտա:
- Իսկ ԱԺ նախագա±հ:
- Ով ավելի շատ ժողովրդի քվե է ստացել, այն ուժն էլ, բնականաբար, կունենա իր ԱԺ նախագահը: Բայց այն ուժի հետ, որն ինքն է ուզում  նախագահ ունենալ, կոալիցիա կազմելն արդեն անիմաստ կլինի. ոչ մեկի համար հասկանալի չի լինի պարզապես... Սա շատ բնական հարց է, անձի խնդիր չէ, այստեղ ողջ կառավարման համակարգի ամբողջականության խնդիրն է:
- Իսկ, օրինակ, հնարավոր համարո±ւմ եք ՙԺառանգության՚, ՀՅԴ-ի հետ կոալիցիան:
- Բոլոր ուժերի հետ որոշակի պայմանավորվածություններ հնարավոր համարում եմ, եւ դա շատ բնական կլինի:
- Կոալիցիոն հուշագրի տեսքո±վ, թե±...
- Կոալիցիոն հուշագիրը շատ պայմանական փաստաթուղթ է, կարող է կոալիցիոն հուշագիր լինել, բայց դրա մեջ եղած կետերը շատ ավելի լիբերալ լինեն, քան, ասենք, սովորական մի համաձայնագիրը: Բացարձակ նշանակություն չունի, թե անունն ինչ ենք դնում, կարեւորն այն է, որ փաստաթուղթ է, իրավական ակտ, որը չի հակասում, բխում է մեր սահմանադրությունից, մեր օրենքներից, եւ որոշակի շրջանակներում պայմանավորվածություններ են ձեռք բերվում:

ՙԻՆՉ ԿԱ, ԱՅՆ ԷԼ ՇԱՐՈՒՆԱԿՎԵԼՈՒ Է՚

Մեր մյուս զրուցակիցը ՀԴԿ նախագահ ԱՐԱՄ ՍԱՐԳՍՅԱՆՆ է:
- Ես, անկեղծորեն ասած, բացարձակապես այդ զարգացումներին չեմ էլ հետեւում: Կոալիցիան ի±նչ պիտի տա: Ինչ կա, այն էլ շարունակվելու է: Ինձ թվում է` ոչինչ էլ չի փոխվելու, նույն ձեւով էլ կմնա: ՀՀԿ-ն մեծամասնություն ունի, կարող է ամբողջ իր ծրագիրն իրականացնել, եւ պետք է հորդորել, որպեսզի անպայման տված խոստումները կատարի: Ամենաճիշտը դա կլինի:
- Իսկ այդ դեպքում հնարավոր համարո±ւմ եք, որ ԲՀԿ-ն դառնա ընդդիմադիր:
- Չեմ կարծում, որ այդպիսի բան կարող է լինել:

ՙԿԱՐԾՈՒՄ ԵՄ` ԲՀԿ-Ն ԿԸՆԴԳՐԿՎԻ ԿՈԱԼԻՑԻԱՅՈՒՄ՚

Մենք դիմեցինք նաեւ ՀԱԿ ներկայացուցիչ ԼՅՈՒԴՄԻԼԱ ՍԱՐԳՍՅԱՆԻՆ:
- Ըստ Ձեզ` կկազմավորվի± կոալիցիա, եւ ԲՀԿ-ն կընդգրկվի± այդ կոալիցիայում:
- Կարծում եմ ` այո:

Պատրաստեց
ՌՈՒՍԼԱՆ ԹԱԹՈՅԱՆԸ