ՙՙՊԱՐԶԱՊԵՍ ԿԱԶՄԱԿԵՐՊՈՂՆԵՐՆ ԵՆ ԹՈՒՅԼ ՏՎԵԼ...՚

ՙՊԱՐԶԱՊԵՍ ԿԱԶՄԱԿԵՐՊՈՂՆԵՐՆ ԵՆ ԹՈՒՅԼ ՏՎԵԼ...՚

Վերջին օրերին DIY չարաբաստիկ ակումբի հետ կապված կրքերը շարունակվում են, իսկ որոշ լրատվամիջոցներ պարզապես զբաղված են դրանց փիառով: Իսկ թե ինչով է պայմանավորված` դժվար է ասել, սակայն ակնհայտ է, որ ՙԿենտրոն՚ հեռուստաընկերության եթերից մի քանի օր է ինչ համասեռամոլների պաշտպաններն են ելույթներ ունենում, հերիք չի, մի բան էլ պատիվ պահանջում: Այ թե ուր ենք հասել, ընտրություններից անմիջապես հետո պրոպագանդվում է մեկ այլ բան, ինչը մտածելու տեղիք է տալիս: Արդյոք սա չի նշանակում, որ ԲՀԿ-ն աստիճանաբար փոփոխում է իր ուղեգիծը, եւ ինչ է նշանակում գրեթե ամեն օր հեռուստատեսությամբ ցուցադրել կերպարների, որոնք պարզապես սրտխառնոց են առաջացնում հանրության մեծամասնության մոտ: Այս եւ այլ հարցերի շուրջ զրուցեցինք ԱԺ ԲՀԿ խմբակցության անդամ ՎԱՐԴԱՆ ԲՈՍՏԱՆՋՅԱՆԻ հետ:
-Ամեն դեպքում, ես լինելով նահապետական սկզբունքների տեր անձնավորություն, որքան էլ ժողովրդավարություն եւ նման տիպի բառեր արտաբերելով բարձրաձայնեն, ես իմ ողջ հոգեբանությամբ եւ սկզբունքներով, ակնհայտորեն, այն ինչ թվարկվեց Ձեր կողմից` սեռական փոքրամասնություններ, աղանդավորներ, չեմ կարողանում հասկանալ եւ հանդուրժողականություն ցուցաբերել այդպիսի խմբերի  կամ կառույցների նկատմամբ: Ինչ վերաբերվում է դրանց ցուցադրելուն, ապա նույնիսկ զարմանում եմ ու չեմ պատկերացնում, որ առողջ ինստիտուտում, եթե ես լինեի տիրույթի ղեկավարը, ապա ակնհայտորեն, որքան դատապարտելի կլիներ, նման բաներ թույլ չէի տա:
- Ձեր կարծիքով, ընտրություններից հետո սկսել անընդհատ եթերով խոսել, ցուցադրել նմանատիպ մարդկանց կամ նրանց խնդիրները բարձրաձայնել, արդյոք սա չի± նշանակում, որ ԲՀԿ-ն այլ քաղաքական ուղղվածությամբ է գնում:
- Միանգամից կասեմ` ոչ, որովհետեւ երկար տարիներ շփվելով ՙԲարգավաճ Հայաստան՚ կուսակցության նախագահի հետ, նկատել եմ միմիայն հայկական ավանդապաշտությունը, արժեքներ գնահատելը: Այդ առումով կասկած չունեմ, պարզապես կազմակերպողներն են թույլ տվել, որի վերաբերյալ կարծում եմ ղեկավարությունը համապատասխան մոտեցումներ կձեւավորի:
- Պարոն Բոստանջյան, հարցն այն է, որ նման բաները ցույց են տալիս արդեն մի քանի օր շարունակ, եւ մի±թե ղեկավարությունը չի նկատում այսքան ժամանակ, թե ինչ է ցուցադրվում հեռուստաեթերով:
- Անկեղծ ասած, ես արդեն ասացի իմ կարծիքն այդ մասին, եւ նաեւ պարոն Ծառուկյանի հետ կապված այդ հարցերին մոտեցումները: Միգուցե դեռեւս մեկը անհայտ ձեւով սողոսկել է այդ տիրույթ, բայց նման բաները երկար կյանք չեն կարող ունենալ:
- Անցնելով քաղաքական թեմաներին, ի±նչ եք կարծում, ի վերջո, կձեւավորվի± կոալիցիա, թե± ոչ, եւ արդյոք Դուք դրա կողմնակի±ցն եք:
- Այդ մասին ես իմ կարծիքն արդեն հայտնել եմ, եւ ասել, որ այն ինքնանպատակ երբեք չի լինում: Ցանկացած պարագայում կոալիցիան դա քաղաքական ուժերի համագործակցություն է, ունենալով մեկ նպատակ, այն է` տվյալ երկրի դեմ ծառացած խնդիրները ավելի օպերատիվ ու արդյունավետ լուծելու համար: Իհարկե հասկանալի է, որ կոալիցիոն սկզբունքների կիրառման պարագայում նաեւ բավարարվում են քաղաքական ուժերի ամբիցիաները, սակայն աշխարհում բոլոր կոալիցիաները ունեն մեկ նպատակ եւ այն է` լավ եւ արդյունավետ կառավարում: Այդ առումով կարծում եմ, որ հավանականությունը բավականաչափ մեծ է ՀՀ-ում կոալիցիայի ձեւավորումը եւ այդ մոտեցումը շատ ավելի լավ է կառավարման տեսակետից, քան ոչ կոալիցիոն տեսակետից:
- Ի±նչ եք կարծում, կոալիցիա կազմելուց հետո, ԲՀԿ-ի նախարարները կմնան նույն մարդի±կ, թե± նրանց կփոխարինեն այլ ԲՀԿ-ականներ:
- Դժվարանում եմ ասել, բայց բոլոր դեպքերում ԲՀԿ-ի բոլոր նախարարներն էլ ամբողջ կառավարման ընթացքում պարտականությունները, իրենց ոլորտում, նորմալ են կատարել, եւ չեմ տեսնում ինչ-որ առիթներ կամ զարգացումներ, որ նրանք չշարունակեն աշխատել, եթե իհարկե կոալիցիոն սկզբունքը գործելու է: Ամենայն հավանականությամբ, նրանք կշարունակեն իրենց ղեկավարումը իրենց ոլորտներում:
- Եթե հաշվի առնենք այն հանգամանքը, որ վերջին շրջանում, ԲՀԿ նախագահը մի շարք մարդկանց հանեց ցուցակից, այս դեպքում ե±ւս կարելի է փոփոխություններ ակնկալել:
- Ես կարծում եմ, որ պարոն Ծառուկյանը ամեն մի որոշում, որը կայացնում է, դա ճիշտ է, եւ, անկախ անհատներից, թե ովքեր դուրս կգան, այնուհանդերձ, ամբողջական նպատակները բարձր են:

ԱՐՄԵՆՈՒՀԻ ՀԱԿՈԲՅԱՆ