ԳԱԼՈՒՍՏ ՍԱՀԱԿՅԱՆԻՆ ԲԱՆ ՉԻ ՊԱՏԱՀԵԼ

ԳԱԼՈՒՍՏ ՍԱՀԱԿՅԱՆԻՆ ԲԱՆ ՉԻ ՊԱՏԱՀԵԼ

Ըստ մեր ունեցած տեղեկությունների, ուրբաթ օրը, ՀՀԿ փոխնախագահ Գալուստ Սահակյանը ավտովթարի է ենթարկվել: Չար լեզուները ասում էին, որ պարոն Սահակյանը ծանր վիճակով տեղափոխվել է հիվանդանոց, այնինչ մեր լավատեղյակ աղբյուրների համաձայն Գ. Սահակյանը իրոք ավտովթարի է ենթարկվել, սակայն առանձնապես վնասներ չի կրել եւ միայն ոտքն է քերծվել, եւ պարոն Սահակյանը ոչ մի առողջական խնդիրներ չունի ու շարունակում է իր բնականոն աշխատանքը` քաղաքական ոլորտում:

Ա. ՀԱԿՈԲՅԱՆ


ԸՆԿԵՐ ԹՈՎՄԱՍՅԱՆԸ ՏԵՂՅԱԿ ՉԷ ԱՐՑԱԽԻ ԿՈՄՈՒՆԻՍՏՆԵՐԻՑ

Հուլիսի 19-ին Արցախում կայանալիք նախագահական ընտրություններում Արցախի Կոմունիստական կուսակցությունը հայտարարել է, որ պաշտպանելու է գործող նախագահի` Բակո Սահակյանի թեկնածությունը: Իսկ թե ինչ են մտածում կուսակից ընկերների դիրքորոշման մասին հայաստանյան ՀԿԿ-ն, հարցրեցինք ՀԿԿ կենտկոմի առաջին քարտուղար Ռուբեն Թովմասյանից: Սակայն, ինչպես պարզվեց վերջիններս հաշվի չէր առել արցախյան ՀԿԿ-ն: Այս մասին Ռ. ԹՈՎՄԱՍՅԱՆԸ նշեց. ՙՆախ Հայաստանի կոմունիստները պետք է իմանան, թե ինչ են հայտարարել իրենք` Ղարաբաղի կոմունիստները, հետո մեր կարծիքը կարտահայտենք: Այդ տեղեկատվությունից տեղյակ չեմ:
Ես նոր ձեզանից եմ լսում դա՚:
Արցախյան կոմունիստներ, ամեն դեպքում գոնե տեղյակ պահեիք ձեր դիրքորոշման մասին, թե± Հայաստանի կոմունիստների հետ ՙընկերություն՚ չեք անում:

ՀՐԱՆՏ ՍԱՐԱՖՅԱՆ


ԿԼԻՆԵՆ ԻՆՔՆԱԲԱՑԱՐԿՆԵՐ, ԹԵ ՈՉ

Այսօր արդեն կորոշվի կոալիցիա կազմելու կամ չկազմելու հարցը, իսկ ՀՀԿ-ի վերջնական ցուցակը առավել պարզ կլինի կրկին մոտ օրերս: Արդեն հայտնի է, որ 69 հոգի ինքնաբացարկ են հայտարարել, սակայն կլինեն կրկին ինքնաբացարկներ, թե` ոչ, դեռ պարզ չի եւ դա ամենայն հավանականությամբ կապված է կոալիցիա կազմելու կամ չկազմելու հետ: Սակայն մեր ունեցած տեղեկություններով, այս պահին ՀՀԿ-ի ցուցակի վերջին անցողիկ տեղում է գտնվում գործող պատգամավոր Տաճատ Վարդապետյանը, որին հաջորդում է Հովիկ Սահակյանը, ով ՀՀԿ-ի նախընտրական ցուցակում գրավում է 110-րդ հորիզոնականը: Իսկ հետագա զարգացումները եւ փոփոխությունները կտեսնենք առաջիկայում:

Ա. ՀԱԿՈԲՅԱՆՙ