ԵԶՐԱՓԱԿՉԻ ՈՒՂԵԳՐԻ ԱԿՆԿԱԼԻՔՈՎ

ԵԶՐԱՓԱԿՉԻ ՈՒՂԵԳՐԻ ԱԿՆԿԱԼԻՔՈՎ

Հայաստանի մինչեւ 19 տարեկանների հավաքականը ֆուտբոլի ակադեմիայում սկսել է նախապատրաստվել մայիսի 23-ից 27-ը Իտալիայում կայանալիք Եվրոպայի առաջնության ընտրական 2-րդ փուլին` ՙէլիտ-ռաունդին՚: Մեր հավաքականը եզրափակչի միակ ուղեգրի համար 7-րդ խմբում պայքարելու է Իտալիայի, Իսպանիայի ու Բելգիայի մինչեւ 19 տարեկանների հավաքականների հետ:
Հավաքականի մարզչական շտաբը թիմ է հրավիրել դարպասապահներ Ալբերտ Օհանյանին` ՙՓյունիկ՚, Գոռ Մանուկյանին` ՙՓյունիկ՚: Պաշտպաններ Էդուարդ Թաթոյանին` ՙԽիմկի՚, Ռուսաստան, Արարատ Պողոսյանին` ՙԲանանց՚, Արամ Շահնազարյանին` ՙԲանանց՚, Տարոն Ոսկանյանին` ՙՓյունիկ՚, Արման Հովհաննիսյանին` ՙՓյունիկ՚, Վասպուրակ Մինասյանին` ՙՓյունիկ՚: Կիսապաշտպաններ Գրիգոր Հովհաննիսյանին` ՙՓյունիկ՚
Դավիթ Հակոբյանին, ՙՇիրակ՚, Դավիթ Մինասյանին` ՙՓյունիկ՚, Արթուր Գրիգորյանին` ՙՓյունիկ՚, Գոռ Մալաքյանին` ՙՓյունիկ՚, Արմեն Դերձյանին` ՙԻմպուլս՚, Գագիկ Պողոսյանին` ՙՓյունիկ՚, Ղուկաս Պողոսյանին` ՙՓյունիկ՚, Աղվան Պապիկյանին` ԼԿՍ ՙԼոձ՚, Լեհաստան: Հարձակվող Հովհաննես Հովհաննիսյանին` ՙՓյունիկ՚:
Իտալիա մեկնելու են մայիսի 21-ին:
Հավաքականի գլխավոր մարզիչ ՎԱՐԱԶԴԱՏ ԱՎԵՏԻՍՅԱՆԸ մասնավորապես նշել է, որ հավաքականի ճամբարում են 18 խաղացողներ, որոնք մեկնելու են Իտալիա: Այդ կազմում կա ընդամենը երկու լեգեոներ` Աղվան Պապիկյանն ու Էդուարդ Թաթոյանը. ՙՆախորդ տարի Երեւանում կայացած առաջին փուլի համեմատ 3 փոփոխություն է եղել: Հավաքականի կազմում են Վասպուրակ Մինասյանը, Արարատ Պողոսյանը եւ Արմեն Դերձյանը: Խաղային պրակտիկա չունենալու պատճառով այս անգամ հավաքականում չեն Բենիկ Հովհաննիսյանն ու Խաչատուր Ավետիսյանը, իսկ Հովհաննես Միրանյանից ձմռանը ՙՓյունիկը՚ հրաժարվեց, ու նա այժմ Ուկրաինայում է՚:
Պարզվում է, որ ստուգողական խաղեր անցկացնել չի հաջողվում. ՙՑավոք, ստուգողական հանդիպում անցկացնել չի հաջողվում: Հրավիրել էինք Վրաստանի ու Իրանի 19 տարեկանների հավաքականներին, սակայն նրանք հրաժարվեցին՚:
- Իսկ մեր բարձրագույն խմբի որեւէ թիմի հետ հնարավոր չէ± ընկերական հանդիպում անցկացնել:
- Թիմերն անցկացնում են երկրի առաջնության հանդիպումներ, եւ հիմա ոչ մի թիմ չի համաձայնվի խաղալ:
- Ինչպիսի± մարզավիճակում են տղաները:
- Լավ մարզավիճակում են:
- Մրցակիցները, իհարկե, անչափ ուժեղ են, բայց ամեն դեպքում ի±նչ ակնկալիքով եք մեկնելու Իտալիա:
- Այսպես ասեմ` առաջին տեղի համար ենք խաղալու: Իհարկե, ահավոր դժվար է լինելու, բայց եթե մի քիչ բախտը մեզ ժպտա, մի քիչ տղաների խաղը ստացվի, ամեն ինչ էլ հնարավոր է: Համենայնդեպս, եզրափակչի ուղեգրին տիրանալու ակնկալիքով ենք գնում:
- Հայկական ֆուտբոլում դարպասապահների խնդիրը դարձել է մեր աքիլլեսյան գարշապարը: Իսկ հավաքականում նման խնդիր կա±:
- Այդ հարցը լուծված է. դարպասապահը ՙՓյունիկի՚ հիմնական կազմում է խաղում, ամեն ինչ նորմալ է:

Պատրաստեց Ռ. ԹԱԹՈՅԱՆԸ