ՙՙՎՐԱՑ ՀՈՎԱՆԱՎՈՐՈՒԹՅԱՆ ՆԵՐՔՈ` ՓԼՈՒԶՎԵԼ, ՔԱՆԴՎԵԼ, ՓԱԿՎԵԼ, ԱՎԵՐՎԵԼ...՚

ՙՎՐԱՑ ՀՈՎԱՆԱՎՈՐՈՒԹՅԱՆ ՆԵՐՔՈ` ՓԼՈՒԶՎԵԼ, ՔԱՆԴՎԵԼ, ՓԱԿՎԵԼ, ԱՎԵՐՎԵԼ...՚

Թիֆլիսը շարունակում է իր հայատյացությամբ մրցել Ադրբեջանի եւ Թուրքիայի հետ: Այս անգամ Վրաստանի նման քաղաքականությանը նպաստեց նաեւ եղանակը: Երեկ  հորդառատ անձրեւի եւ ջրահեռացման կոլեկտորների խցանման պատճառով փլուզվել է քաղաքի հայկական Սուրբ Նշան եկեղեցու պատերից մեկը:
Վրաստանում հերթական հայկական եկեղեցու փլուզման մասին զրուցեցինք ՙՋավախք՚ հայրենակցական միության նախագահ, ՀՀ ԱԺ պատգամավոր ՇԻՐԱԿ ԹՈՐՈՍՅԱՆԻ հետ. ՙՆախ պետք է ճշտենք, թե փլուզման պատճառը որն է: Ասում են` իբր ջրհեղեղի արդյունք է, բայց ես հիմա փորձում եմ պարզել եւ տեղեկանալ, թե այդ փլուզումը կարելի± էր կանխել, եթե ժամանակին անհրաժեշտ վերականգնման աշխատանքներ արված լիներ: Այնուհետեւ գնահատականներ կտամ հարցի վերաբերյալ, որպեսզի մերկապարանոց չհնչի իմ ասածները: Բայց նաեւ գիտեմ, որ եթե  ժամանակին արված լինեին վերականգնողական աշխատանքներ, գուցեեւ կանխվեր փլուզումը, դեռ դժվարանում եմ ասել: Այժմ Թիֆլիսից մասնագետներին խնդրել եմ, որպեսզի պարզաբանեն, որովհետեւ այնտեղ ուրիշ շենքեր էլ են քանդվել, բավականին մեծ վնասներ են եղել, նույնիսկ մինչեւ հինգ զոհերի մասին է խոսք գնում՚: Իսկ արդյոք Վրաստանի կառավարությո±ւնն է մեղավոր եկեղեցու վատթար վիճակի համար, թե± մերոնք` հարցին, ԱԺ պատգամավորը դժվարացավ պատասխանել. ՙՉգիտեմ, թե որին պետք է մեղադրենք, որովհետեւ մեր կառավարությունը չէր կարող Թիֆլիսում եկեղեցի վերանորոգել, քանի որ Վրաստանում բոլոր հոգեւոր կառույցները գտնվում են վրաց ուղղափառ եկեղեցու հսկողության տակ՚: Այստեղից հետեւում է հաջորդ հարցը` բայց չէ± որ վերջերս մեր եկեղեցին Վրաստանում իրավաբանական կարգավիճակ է ստացել. ՙԱյո, ստացել ենք, բայց իրավաբանական կարգավիճակը մեզ իրավունք չի տալիս եկեղեցական շենքերին, շինություններին տիրապետելու: Մենք ժամանակին անընդհատ բողոքում էինք եւ իրավաբանական կարգավիճակ էինք պահանջում, որպեսզի կարողանանք տնօրինել Վրաստանում հայ հոգեւոր ժառանգությունը, բայց հենց որ այն ձեռք բերեցինք, կարծես թե հանգստացանք: Իրականում իրավաբանական կարգավիճակը մեզ անհրաժեշտ էր հենց տիրապետելու, շենքերը տնօրինելու համար, մինչդեռ մենք այսօր չենք տնօրինում, քանի որ Վրաստանի օրենքներով այդ բոլոր շենք-շինությունները գտնվում են վրաց ուղղափառ եկեղեցու եւ վրացական պետության հովանավորության ներքո:  Իսկ նրանց հովանավորությունը մեզ համար արդեն պարզ է` փլուզվել, քանդվել, փակվել, ավերվել...՚:

ՀՐԱՆՏ ՍԱՐԱՖՅԱՆ