ԽՄԲԱԳՐՈՒԹՅՈՒՆԸ ԶԳՈՒՇԱՑՆՈՒՄ Է. ԱՅՍ ԽՈՐԱԳՐԻ ՆԵՐՔՈ ՀՐԱՊԱՐԱԿՎԱԾԻ ՀԱՄԱՊԱՏԱՍԽԱՆՈՒԹՅՈՒՆՆ ԻՐԱԿԱՆՈՒԹՅԱՆԸ ՉԻ ԵՐԱՇԽԱՎՈՐՎՈՒՄ

ՀԱԿ-ի ներսում մի պատկառելի զանգված լուրջ դժգոհություններ ունի եւ պատրաստվում է դուրս գալ այդ կառույցի կազմից: Այն բանից հետո, երբ ՀԱԿ-ը լքելու մասին հայտարարեց Գյումրիի համակարգող Աշոտ Զաքարյանը, պարզ դարձավ, որ այդ գործընթացն արդեն սկսվել է: Ավելին, ՀԱԿ-ին մոտ կանգնած մեր արժանահավատ աղբյուրները փոխանցում են, որ առաջիկայում այդ գործընթացն առավել բուռն տեմպեր կստանա, եւ որ շատերը պարզապես սպասում էին Արամ Սարգսյանի քայլին: Եվ ահա այդ իրավիճակը, ըստ մեր աղբյուրների, լուրջ մտահոգություններ է առաջացրել ՀԱԿ վերնախավի` սկսած ԼՏՊ-ից, վերջացրած բոլոր մանդատավոր հակականների մոտ: Հիմնական մտավախությունն այն է, որ այն բանից հետո, երբ մի շարք ուժեր լքեն ՀԱԿ-ը, արդեն պարզապես բուն այդ կառույցի գոյությունը կդառնա աբսուրդ: Կստացվի նման մի բան. փաստացի գոյություն չունեցող ՀԱԿ, որը, սակայն, ունի խորհրդարանական խմբակցություն: Ուստի եւ, ըստ մեր աղբյուրի, ԼՏՊ-ն տրամադրված է ամեն կերպ պահել ՀԱԿ-ը` թեկուզեւ բաղկացած ՀՀՇ-ից ու մի քանի մարդ-կուսակցություններից:  Ու մի քիչ էլ տպավորիչ տեսք տալու համար փորձում են կառույցի կազմում պահել Ստեփան Դեմիրճյանին: Մեր աղբյուրը ասում է, որ, եթե ԼՏՊ-ն մինչ վերջերս ամեն կերպ փորձում էր Ս. Դեմիրճյանին համոզել հրաժարվել մանդատից, ապա այս անգամ արդեն ստիպված է հակառակն անել: Բայց հիմա էլ ի հայտ են գալիս տվյալներ, որ Դեմիրճյանն է սկսել մտածել, թե իրոք չարժե± հրաժարվել մանդատից, առհասարակ հեռու մնալ փլուզվող ՀԱԿ-ից ու հետեւել Արամ Սարգսյանին: Բայց նաեւ կա խոսակցություն, թե Դեմիրճյանը մտածում է նաեւ մանդատը վերցնել եւ արդեն խորհրդարանում դուրս գալ ՀԱԿ խմբակցության կազմից` ավելի լավ տանիք գտնելու հույսով: