ՙՕրինաց երկիր՚ կուսակցության քաղաքական խորհրդի որոշման արդյունքում 2012թ. ԱԺ ընտրությունների ընթացքում ձեռք բերված մանդատները կբաշխվեն հետեւյալ կերպ. խմբակցության ղեկավար` Հեղինե Բիշարյան, խմբակցության քարտուղար` Խաչիկ Հարությունյան, Մհեր Շահգելդյան, Իշխան Խաչատրյան, Սամվել Թադեւոսյան եւ Կարեն Բոթոյան:
Փաստորեն, ստացվում է, որ ՕԵԿ-ի կարկառուն ներկայացուցիչները` կուսակցության նախագահ Արթուր Բաղդասարյանը, արտակարգ իրավիճակների նախարար Արմեն Երիցյանը եւ գյուղատնտեսության նախարար Սերգո Կարապետյանը հրաժարվում են մանդատներից: Իսկ թե արդյոք նրանք հույս ունեն պահպանել իրենց պաշտոնները եւ դա է մանդատներից հրաժարվելու պատճառը պարզաբանեց ՕԵԿ մամլո խոսնակ ՀԱՐՈՒԹ ԱՄԻՐՅԱՆԸ. ՙՔաղաքական պաշտոններ են թե° Ազգային անվտանգության խորհրդի քարտուղարի, թե° նախարարների պաշտոնները, եւ նրանք կշարունակեն պաշտոնավարել մինչեւ հետագա կառավարության ձեւավորումը, ինչի մասին դեռեւս քննարկումներ չկան կամ քննարկումների մեջ են: Թե ինչ կլինի հետո, չեմ կարող ասել: Ամեն ինչ հնարավոր է, բայց ո°չ խորհրդարանից դուրս գալու, ո°չ պաշտոնները թողնելու վերաբերյալ դեռեւս որեւէ հայտարարություն չկա՚:
1
10234 դիտում
2
9182 դիտում
3
2258 դիտում
4
2252 դիտում
5
2115 դիտում
