ԱՐԴՅՈՔ ԻՐ ՏԵՂՈՒՄ Է ԱՐԹՈՒՐ ԲԱՂԴԱՍԱՐՅԱՆԸ

ԱՐԴՅՈՔ ԻՐ ՏԵՂՈՒՄ Է ԱՐԹՈՒՐ ԲԱՂԴԱՍԱՐՅԱՆԸ

Դեռ մինչեւ ընտրությունները, Արթուր Բաղդասարյանը հայտարարում էր, որ նպատակ չունի տեղափոխվել Ազգային ժողով եւ իրեն ամբողջությամբ բավարարում է իր աշխատանքը` ՀՀ Ազգային անվտանգության խորհրդի քարտուղարի պաշտոնը: Իր այդ կարծիքը նա կրկնեց նաեւ ընտրություններից հետո: Սակայն...Ընտրություններից հետո իշխանության միջանցքներում հնչում են այն հարցադրումները, թե արդյոք իր տեղո±ւմ է Ազգային  անվտանգության խորհրդի քարտուղար Արթուր Բաղդասարյանը: Բանն այն է, որ Ա. Բաղդասարյանը հայտարարել էր, որ իր ղեկավարած ՙՕրինաց երկիր՚ կուսակցությունն ունի 170 հազար անդամ, սակայն ընտրությունների արդյունքում ստացել էր 82690 ձայն: Սա նշանակում է, որ իր կուսակիցների թիվը չի գերազանցում 15 հազարը: Հետեւաբար հարց է ծագում, արդյոք հիմա մեկը որ 10 անգամ սխալ է գնահատում իր կուսակիցների թիվը կարո±ղ է ճիշտ գնահատել երկրի անվտանգությանը սպառնացող վտանգները: Ավելին, Ա. Բաղդասարյանը իր կուսակիցներին մեղադրեց, որ նրանք տրվել էին ընտրակաշառքի գայթակղությանը: Ստացվում է, որ նախ Ա. Բաղդասարյանն իր կուսակցության մեջ անդամագրել էր կաշառքի հանդեպ զգայուն շուրջ 100 հազար մարդ: Եվ եթե ՙՕրինաց երկրի՚ անդամների գերակշիռ մասը այդքան հեշտությամբ տրվում է ընտրակաշառքի 5-10 հազարին, ապա ինչ կլիներ, եթե ՕԵԿ-ականները վերցնեին  իշխանությունը, երբ այդ 100 հազարները ներթափանցեին իշխանության բոլոր մարմինները: Հետեւաբար Ա. Բաղդասարյանը բացարձակ սխալ էր կառուցում կուսակցական կադրային քաղաքականությունը: Հարց է ծագում. արդյոք մեկը, ով չի կարողանում ապահովել սեփական կուսակցության անվտանգությունը, կարո±ղ է նույնը կատարել ամբողջ երկրի մասշտաբով:
Եվ վերջապես, Արթուր Բաղդասարյանը անուն առ անուն գիտի, ըստ իրեն մոտ 100 հազար ՕԵԿ-ականների, որոնք ընտրակաշառք են ստացել, դրանով իսկ խախտել են օրենքը: Արդյոք Ա. Բաղդասարյանը, որպես Ազգային անվտանգության խորհրդի քարտուղար, որեւէ քայլ  ձեռնարկել է իր կուսակից կաշառակերներին պատասխանատվության ենթարկելու նպատակով: Չէ± որ 100 հազար կաշառակեր ՕԵԿ-ականներ ինքնին վտանգ են երկրի անվտանգությանը:

Ա. Հ.