ՙՙՙԵՐԿՈՒ ԱՇԽԱՏԱՆՔՆԵՐՆ ԷԼ ԻՆՁ ՀԱՄԱՐ ՀԵՏԱՔՐՔԻՐ ԵՆ՚

ԵՐԿՈՒ ԱՇԽԱՏԱՆՔՆԵՐՆ ԷԼ ԻՆՁ ՀԱՄԱՐ ՀԵՏԱՔՐՔԻՐ ԵՆ՚

Ետընտրական կրքերը կարծես հանդարտվում են, եւ տարբեր քաղաքական գործիչներ փորձում են տալ իրենց մեկնաբանությունները ընտրությունների հետ կապված: Այս կապակցությամբ զրուցեցինք ԱԺ պետաիրավական հանձնաժողովի նախագահ, ՀՀԿ ընտրարշավում բավականին կարեւոր դեր ունեցած ԴԱՎԻԹ ՀԱՐՈՒԹՅՈՒՆՅԱՆԻ հետ:
- Ինչպե±ս եք գնահատում ընտրությունների որակը:
- Բարձր եմ գնահատում ընտրությունները:
- Իսկ ինչպե±ս եք վերաբերվում այն դժգոհություններին կամ ընտրախախտումներին, որոնք ներկայացվել են համապատասխան մարմիններին:
- Ես կարծում եմ, որ այս կամ այն միջադեպը չի կարող ինքնին ազդել ընտրությունների արդյունքների վրա, եւ եթե կային նման միջադեպեր, ապա խնդիրը պետք է դնել այլ հարթության վրա: Կան բազմաթիվ կանխող մեխանիզմներ, բազմաթիվ հայտարարությունները չէին հաստատվում եւ որեւէ մեկը փաստարկ չէր ներկայացնում, այլ ընդամենը կարծիք էր արտահայտում, ապա իմ կարծիքով միայն դրանով պայմանավորված այս ընտրությունների իմ գնահատականը օբյեկտիվ է:
- Դուք նշել եք, որ կոալիցիա կազմելու հավանականությունը հավասար է 50/50-ի: Ինչի±ց ելնելով եք ենթադրում, որ հավասար են հնարավորությունները կոալիցիա կազմելու կամ չկազմելու առնչությամբ:
- Որովհետեւ կան կողմ եւ դեմ փաստարկներ եւ պետք է ավելի հստակ գնահատենք, թե որն ավելի կգերակշռի:
- Ի±նչ եք կարծում, ո±ր քաղաքական ուժի հետ է հնարավոր կոալիցիա կազմել եւ որի հետ է բացառված այն կազմել:
- Դուք նկատի ունեք տեսակա±ն, թե± գործնական առումով:
- Ե°վ մեկը, ե°ւ մյուսը:
- Դե տեսական առումով չկա այնպիսի բան, որ հնարավոր չլինի ինչ որ մեկի հետ կոալիցիա կազմել: Ինչ վերաբերվում է գործնականին, ապա ես  ձեռնպահ կմնամ այդ հարցին պատասխանելուց:
- Իսկ պարոն Հարությունյանն իր ապագան տեսնում է խորհրդարանո±ւմ, թե± գործադիր մարմնում:
- Երկու աշխատանքներն էլ ինձ համար շատ հետաքրքիր են:
- Ինչի± մասին է վկայում այն, որ ոչ մի քաղաքական ուժ, այդ թվում կոալիցիոն գործընկերները, չեն շնորհավորել Հանրապետական կուսակցությանը հաղթանակ տանելու կապակցությամբ:
- Դա արդեն քաղաքական մշակույթ է, որը դեռ ձեւավորման փուլում է:

ԱՐՄԵՆՈՒՀԻ ՀԱԿՈԲՅԱՆ