ՙԺԱՌԱՆԳՈՒԹՅՈՒՆԸ՚ ԴԵՌ ՊԵՏՔ Է ՀԱՄԱԴՐԻ, ՎԵՐԼՈՒԾԻ...

ՙԺԱՌԱՆԳՈՒԹՅՈՒՆԸ՚ ԴԵՌ ՊԵՏՔ Է ՀԱՄԱԴՐԻ, ՎԵՐԼՈՒԾԻ...

Պարզվում է սկսվել է հետընտրական դեպրեսիա մի քանի կուսակցություններում, որոնք ընտրության արդյունքներից դժգոհ ո°չ խոսում են, ո°չ հեռախոսազանգերին պատասխանում: Ինչեւէ, այնուամենայնիվ, մեզ հաջողվեց զրուցել ՙԺառանգություն՚ եւ ՙԱզատ դեմոկրատներ՚ կուսակցությունների միասնական նախընտրական շտաբի մամլո խոսնակ ՀՈՎՍԵՓ ԽՈՒՐՇՈՒԴՅԱՆԻ հետ:
-ՙԺառանգության՚ տարածած հայտարարության մեջ ասված է, որ կուսակցությունը ընտրությունների վերաբերյալ իր վերջնական գնահատականը կտա, երբ ընտրական հանձնաժողովներում ՙԺառանգության՚ ներկայացուցիչներից ստացված արձանագրությունների արդյունքները ԿԸՀ-ի հրապարակած արդյունքների հետ կհամեմատվեն: Ինչո±ւ մինչ այսօր դա արված չէ եւ ձգձգում է ՙԺառանգություն՚-ը տալ վերջնական գնահատականներ:
- Ինչպե±ս արված չէ, արված է, բայց պետք է դրանք համադրել, դա այդքան էլ հեշտ չէ: Դուք վստա±հ եք, որ մյուս կուսակցությունները դրանք արել են: Մենք ասում ենք, որ կլինի հայտարարություն առաջիկայում: Եվ միայն համադրելը չէ,  նաեւ վերլուծելու խնդիր կա:
- Արդեն կայացած խորհրդարանական ընտրությունների վերաբերյալ ՙԺառանգության՚ հայտարարության մեջ նշված է նաեւ, որ բարեգործության անվան տակ ընտրակաշառք է բաժանվել: Արդյոք դա վերաբերում է ԲՀԿ-ի կողմից 500 տրակտորներ բաժանելո±ւն:
- Ոչ միայն դա, այնտեղ այլ բարեգործական հիմնադրամներ կան: Այդ թվում որոշ մեծամասնական պատգամավորներ են օգտագործել բարեգործական հիմնադրամներ: Ի դեպ, նաեւ ՀՀԿ-ից:
- Րաֆֆի Հովհաննիսյանն ասում էր, որ նոր խորհրդարանում ՙԺառանգություն՚-ը մեծամասնություն է ներկայացնելու, բայց արդյունքում ստացվեց վեց տոկոսից քիչ, այն էլ ՙԱզատ դեմոկրատներ՚-ի հետ միասին: Իսկ 2007 թվականին ՙԺառանգությունն՚ ավելի շատ ձայներ էր հավաքել: Ըստ Ձեզ, ինչո±վ էր դա պայմանավորված:
- Մեր հայտարարության մեջ հստակ նշված է, թե ինչպիսի խախտումներ են եղել եւ ինչ ծավալների...
- Արդյոք ՙԺառանգության՚ հաշվին չէ±, որ ՀԱԿ-ը վերջին պահին անցավ խորհրդարան:
- Ես չգիտեմ, որ կուսակցությունն ինչպես է անցել եւ ում հաշվին է անցել: Միայն գիտեմ, որ խախտումներն այնքան մեծ էին, որ մեր ձայները, ՙԺառանգության՚ տոկոսը թե° համամասնական, թե° մեծամասնական ցուցակում էապես նվազել է:
- Իսկ ինչպե±ս կմեկնաբանեք Վահան Իշխանյանի մի շարք մեղադրանքներն ուղղված ՙԺառանգություն՚ կուսակցությանը: Օրինակ վերջինս նշում է, որ ՙԺառանգությունն՚ էլ 20 հազար դրամ վերցնողներից լավը չէ:
- Չեմ մեկնաբանում Վահան Իշխանյանին:

ՀՐԱՆՏ ՍԱՐԱՖՅԱՆ