Նախընտրական քարոզարշավի վերջերում...

Նախընտրական քարոզարշավի վերջերում ՀՅԴ համամասնական ցուցակը գլխավորող ՎԱՀԱՆ ՀՈՎՀԱՆՆԻՍՅԱՆԸ հայտարարեց, թե իրենք կկտրեն բոլոր այն իշխանական թեկնածուների ականջները, ովքեր մարզերում սպառնում են, թե իրենց չընտրելու դեպքում ՙՓարոսի՚ նպաստը կկտրեն: Քվեարկության օրն անցավ, նախնական արդյունքները հրապարակվեցին, սակայն դեռեւս որեւէ դաշնակցական հանրությանը չի ներկայացրել որեւէ կտրած ականջ: Դե ինչ, զարմանալով հանդերձ նախընտրական պարծենկոտության վրա, մնում է հարցադրել Վ. Հովհաննիսյանին` ՙԱյդպիսի սպառնալիք հնչեցնող թեկնածունե±ր չկային, թե± ՀՅԴ-ն պարզապես հենց այնպես խոսում է՚:
Մեզ որոշ չափով եւ զարմացրեց ՌՈԲԵՐՏ ՔՈՉԱՐՅԱՆԸ` ընտրություններին ընդառաջ իր հարցազրույցում Պուտինի հետ հարաբերությունների մասին ասելով. ՙՀուսով եմ` չեք կարծում, թե նախագահները միայն պաշտոնական հարաբերությունների վրա կենտրոնացած ռոբոտներ են՚: Հետաքրքիր է` ենթագիտակցաբար ինչը հիշելով ՀՀ երկրորդ նախագահը հանկարծ այդ ենթատեքստում զարմանալիորեն արտաբերեց ՙռոբոտ՚ բառը, որը, կարծես թե, նրա բառապաշարին այդքան էլ բնորոշ չէ: Նիկոլի ականջը կանչի` իր վաղեմի ՙո°չ ռոբոտացմանը՚ կարգախոսով հանդերձ:
Մենք առիթներ ունեցել էինք անդրադառնալու քարոզարշավի ընթացքում ՙնարնջագույն՚ նպատակներ հետապնդողների կողմից իրականացվող ԿԻԲԵՐՀԱՆՑԱԳՈՐԾՈՒԹՅՈՒՆՆԵՐԻՆ` այս կամ այն խմբի, անհատի, անգամ լրատվական կայքերի էջերը կոտրելը: Եվ այդ գարշելի ու միաժամանակ հույժ զարմանալի արշավի վերջին ակորդը քվեարկության օրը ՙօնլայն՚ ռեժիմով ընտրախախտումները հաշվառող iditord.am կայքը շարքից հանել էր, որը, սակայն, երկար չտեւեց, քանի որ հենց կայքի վկայությամբ` խնդիրն արագ լուծել իրենց օգնել են ՀՀ նախագահի նստավայրի մասնագետները: Հիմա զարմանալով հանդերձ` պետք է հարցադրենք, թե ով էր իրականում շահագրգռված թաքցնել եղած խախտումները, քանի որ իշխանությունը նպաստում էր այդ խախտում հաշվառող կայքի աշխատանքին, իսկ ՙՀՀԿ-ի մենաշնորհի դեմ՚ պայքարիստների համակարգչահենները` խոչընդոտում:
Նաեվ վերջապես մեզ որոշ չափով զարմացրեց եւ Հայկոմկուսի առաջնորդ ՌՈՒԲԵՆ ԹՈՎՄԱՍՅԱՆԸ, ով ընտրություններից առաջ հայտարարեց. ՙԺողովուրդը տեսնում է, որ բոլոր կուսակցություններն էլ նույնն են, միայն Կոմկուսն է այլ՚: Եթե միայն Կոմկուսն է այլ, ապա ինչո±ւ այդքան քիչ ընտրողներ գերադասեցին Կոմկուսը, ինչո±ւ այդքան պասիվ աշխատանք տարան կոմունիստները, ընկեր Թովմասյան: Թե չէ, ճիշտն ասած, ավելի հաճելի կլիներ, որ ՀԱԿ-ի փոխարեն ԱԺ-ում տեսնենք կոմունիստներին, բայց, ավաղ, ոչ միշտ են մեր ցանկությունները համընկնում մեր հնարավորությունների հետ:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ