ՎԱՐԴԱՆ ՕՍԿԱՆՅԱՆԸ, ինչպես հայտնի է...

ՎԱՐԴԱՆ ՕՍԿԱՆՅԱՆԸ, ինչպես հայտնի է, շատ դրական էր հռչակել Լիբիայի, Եգիպտոսի եւ արաբական այլ երկրների հեղափոխությունների օրինակները, իսկ ՀԱԿ-իստները պատրաստ են զօր ու գիշեր երդվել այդ հեղափոխությունների արեւով: Մինչդեռ, մնում է զարմանալ Օսկանյանի ու ՀԱԿ-ի նրա համախոհների պատկերացումներով ժողովրդավարության վերաբերյալ: Այդպես, Լիբիայում օրենք է ընդունվել, համաձայն որի` քրեական պատասխանատվության կենթարկվի ցանկացած ոք, ով դրական կարտահայտվի Քադաֆիի կամ վերջինիս ընտանիքի անդամների մասին, իսկ Եգիպտոսում էլ օրերս եղել են այնպիսի խոշոր անկարգություններ` բազմահարյուր զոհերով, որ ՙմարտի 1-ը՚ դրա համեմատ պարզապես անմեղ խաղ կթվա: Չէ, իրոք որ, զարմանալի են, երեւի թե ժողովրդավարությունը սրանց համար կլիներ այն, որ քրեական պատասխանատվության ենթարկվի ցանկացած ոք, ով քվե է տվել ՀՀԿ-ին, դե, իսկ ՀՀԿ-ի քարոզարշավի մասնակիցների համար էլ երեւի թե երազում են քառատում կամ կախաղան սահմանել: Դե ինչ, եթե Լիբիա այդպիսի ՙժողովրդավարությունը՚ բերել են ամերիկյան ռազմօդանավերը` իրենց նետած ռումբերով, ապա, բարեբախտաբար, մեր երկրում նման բան հնարավոր չէ:
Զարմանալիորեն պարզվեց, որ դաշնակները ահավոր նախանձ են: Դե, եթե ոչ մի կերպ չեն կարողանում իրականացնել նախագահի պաշտոնին հասնելու երազանքը, ապա, ըստ իրենց, գլխացավը բուժելու լավագույն ձեւը գլխից ազատվելն է: Զարմանալիորեն, ըստ ԱՐՄԵՆ ՌՈՒՍՏԱՄՅԱՆԻ. ՙԴաշնակցությունն ասում է, որ ինչ-որ բան փոխելու համար նախագահի պաշտոնը չպետք է լինի: Առկա վիճակը փոխելու առաջնային անհրաժեշտ պայմանը դա է: Ձեր քվեն տվեք Դաշնակցությանը եւ կտեսնեք, որ այս ճանապարհով օր առաջ մեր երկրում շատ բան կփոխվի՚: Իրոք, շատ բան կփոխվի: Զորօրինակ` կարելի է նաեւ չեղյալ հայտարարել ջրմուղի փականագործերի հաստիքները, եւ երեւի թե դրանից հետո ջրագծերն այլեւս երբեք չեն փտի եւ չեն ծակվի:
Որ հիշատակեցինք ջրմուղը, չենք կարող չհիշատակել եւ մեր երկրի նախկին վարչապետ, այնուհետ` Մեծ Բրիտանիայում ՀՀ դեսպան, ժպտերես եւ հույժ քաղաքավարի ԱՐՄԵՆ ՍԱՐԳՍՅԱՆԻՆ: Ռուսական ԶԼՄ-ները հաղորդում են, որ նա պատրաստվում է շուրջ 1 միլիարդ դոլարի ներդրում կատարել Լենինգրադի մարզի ջրային ցանցում: Իհարկե, լավ է, որ բրիտանաբնակ մեր հայրենակիցը այնքան հաջող է, որ կարող է այդպիսի խոշոր ներդրումներ անել: Բայց զարմանալի է, ինչու նրա մտքով իսկ չանցավ ներդումներ անել Հայաստանում, ի±նչ է, ներդնելու տե±ղ չկա, կամ հայերը որեւէ ծառայության ավելի վա±տ սպառող են, քան ռուսները... Ինչեւէ, զարմանալով հանդերձ, չենք կարող չհիշել այն շշուկները, որ Արմեն Սարգսյանը հրաժարական էր տվել վարչապետի պաշտոնից` Վազգեն Սարգսյանի հետ ունեցած զրույցից հետո: Երեւի թե ինչ-որ մի ճիշտ բան էր պաշտպանության նախարարը ասել նրա ականջին:
Անշուշտ, ե°ւ իրական բնապաշտպանները, ե°ւ մայրաքաղաքի կենտրոնի բնակիչները չեն կարող գոհ չլինել այն հանգամանքից, որ ՀՀ նախագահի մի քանի բառով լուծում ստացավ Մաշտոցի պուրակի խնդիրը: Բայց, արի ու տես, որ դրանում էլ վատ բան տեսնողներ կան: Այսպես, կեղծ իրավապաշտպան ՄԻԿԱ ԴԱՆԻԵԼՅԱՆԸ բնապաշտպան երիտասարդներին մեղադրեց, թե նրանք արեցին ամեն ինչ, ՀՀ նախագահի եւ ՀՀԿ-ի վարկանիշը բարձրացնելու համար. ՙԵս ավելի վատ PR չեմ տեսել դեռ: Ես վստահ եմ, որ մի նոր Մաշտոցի այգի կլինի նաեւ նախագահական ընտրություններից առաջ, եւ նորից նախագահը ցույց կմնա իր մտահոգությունը երիտասարդության պայքարի նկատմամբ՚: Դե ինչ, մնում է զարմանալ ու զարմանալ այդպիսի մարդաչհավան-մարդաչնմանների վրա:
Դե, իսկ ՙորձ կովերի՚ մասնագետ ՀՐԱՆՏ ԲԱԳՐԱՏՅԱՆՆ էլ պատրաստ է երդվել, որ ՀԱԿ-ը 50 տոկոսից ավել քվե ունի. ՙԺողովուրդը շատ լավ հասկանում է, որ կա ՀԱԿ եւ վերջ: Ուրիշ կուսակցության, քաղաքական ուժի մասին խոսք էլ չկա՚: Հետաքրքիր է` վերջին անգամ ե±րբ է Բագրատյանը ստուգվել, Քոչարյանի ասած, ՙուրիշ մասնագետի՚ մոտ: Առավել եւս, որ հավելում է այսպիսի զարմանալի բան. ՙԵս այսօր երկու տեղից խնդրանք ունեմ, որ անձամբ պիտի գնամ, այդ ընտրողների հետ հանդիպեմ. առաջինը` Արարատի մարզի գյուղերից մեկը, որ ասում են` հազար հոգով սպասումեն, մյուսը` Սիլիաչիից` մի քանի շենքերի բնակիչներ՚: Լավ, գյուղացիների դեպքում հասկացանք, միգուցե ուզում են պարոն Բագրատյանից հետաքրքրվել, թե ինչ առավելություն գյուղատնտեսությունում կարող են ունենալ ՙորձ կովերը՚ սովորական կովերի ու ցուլերի նկատմամբ: Բա Սիլաչիի բնակիչների ինչի±ն է նա պետք: Չնայած` կարելի է վստահ լինել, որ ինչպես 50 տոկոսն է աչքին երեւացել, այնպես էլ` իր հետ հանդիպելու հազարավոր մարդկանց ցանկությունը:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ