ՀԱՑԱԴՈՒԼ` 20 ՏԱՐԻ ԱՆՑ

ՀԱՑԱԴՈՒԼ` 20 ՏԱՐԻ ԱՆՑ

ՙԸնտրակեղծիքների  սկիզբը դրվել է 1990-ական թվականներին: 1991 թվականից Հայաստանում լեգիտիմ իշխանություն չի եղել…՚:
Այս ՙհիմքերով՚ անժամկետ հացադուլի է նստել մարտի 1-ի  ուսումնասիրման հարցով խորհրդարանական հանձնաժողովի անդամ Արտավազդ Վարդանյանը: ՙՆստավայրն՚ է` ԿԸՀ-ի դիմացի տարածքը:
Այն, որ Հայաստանի Հանրապետության ազգաբնակչությունը, իշխանական բոլոր ճյուղերն ու կառույցները, մայիսի 6-ի համապետական ընտրություններին մասնակից քաղաքական միավորումները խստագույնս մտահոգված են ժողովրդավարության հաստատմանը ուղղված նոր ՙփորձությունը՚ պատվով անցնելու խնդրով, միգուցեւ արդարացնում են պարոն Ա. Վարդանյանի գործելաոճը: Սակայն առաջ է գալիս մեկ այլ մտահոգություն. ՙինչո±ւ հիմա՚:
Ըստ Ա. Վարդանյանի` ՙՀասարակությունը պետք է բողոքի այն մեխանիզմների դեմ, որոնցով իշխանությունն անցկացնում է ընտրությունները՚: Պե±տք է, արդյոք, եզրակացնել, թե հիշատակված ՙմեխանիզմները՚ գործելու են առանց հասարակության մասնակցության: Թե` հասարակության բողոքը պետք  է արտահայտվի այսօրվանից ազգովի ԿԸՀ-ի տարածքում ՙծոմ՚ պահելով:
Կարծում ենք, մաքրամաքուր ընտրությունների իրականացման ջատագովը` ընտրություններից 3 օր առաջ չպետք է թեւաթափ անի ընտրողին, ՙփաստելով՚, թե ընտրությունները արդեն իսկ կեղծված են…
Ինչպե±ս կանցնեն ընտրությունները:
Այդ հարցի պատասխանը հանրության գնահատականին կարող է արժանանալ միայն դրանք ավարտվելուց հետո: Այս պահին կարելի է ընդամենը արձանագրել, թե օրինական եւ իրավական ինչպի±սի նախադրյալներով է պետությունը մոտենում ընտրական բուն գործընթացին:    

ՀՀ ՈՍՏԻԿԱՆՈՒԹՅՈՒՆ, 2012 ԹՎԱԿԱՆ

ՙՄայիսի 2-ի դրությամբ` նախընտրական քարոզարշավի ընթացքում տեղի ունեցած ընտրախախտումների վերաբերյալ ստացված տեղեկություններով ոստիկանությունում քննարկվել եւ քննարկման փուլում է գտնվում 34 դեպք: Այդ թվում, որպես ստուգման ենթակա տեղեկություն նախապատրաստվել է 3 նյութ եւ անհիմն լինելու պատճառով եզրակացությամբ թողնվել է անհետեւանք՚:
ՙԻսկ որպես հանցագործության մասին հաղորդում դիտված 8 նյութերով որոշում է կայացվել քրեական գործի հարուցումը մերժելու մասին, դրանցից 3-ը հանցագործության դեպքի, իսկ 5-ը` հանցակազմի բացակայության պատճառաբանությամբ: Մեկ դեպքով հարուցվել է քրեական գործ ՀՀ քրեական օրենսգրքի 117-րդ հոդվածի հատկանիշներով, եւ ոստիկանության Մալաթիայի քննչական բաժնում կատարվում է նախաքննություն: 21 նյութեր գտնվում են նախապատրաստման ընթացքում: Մեկ դեպքով դիմողին տրվել է տեղեկատվություն, քանի որ այն որպես հանցագործության մասին հաղորդում չի դիտվել: Ապրիլի 27-ից մայիսի 1-ն ընկած ժամանակահատվածում ԱԱՎ-ում մշակվել է ընտրացուցակներում առկա անճշտությունների վերաբերյալ 6411 տեղեկատվություն, որից 3592-ը ստացվել է ոստիկանության իրականացրած ուսումնասիրությունների արդյունքում, 2819-ը` ընտրական գործընթացի մյուս մասնակիցների կողմից: Հիշյալ անճշտությունները վերաբերել են ընտրողների ռեգիստրում առկա մահացած անձանց ¥5668¤, հաշվառված, սակայն ընտրացուցակներում չընդգրկված անձանց ¥413¤, հաշվառում չունեցող, սակայն ընտրացուցակում ընդգրկված անձանց ¥175¤ եւ անհատական տվյալներին` կրկնվող անուններ ու սխալ հասցեներ ¥155¤: Տեղեկությունների ստուգման արդյունքում ընտրացուցակներում կատարվել է 3818 փոփոխություն եւ ուղղում: Ընդհանուր առմամբ հերքվել են մահացած անձանց վերաբերյալ 1873 տվյալներ: Հերքվել են կրկնվող անձանց վերաբերյալ տեղեկությունները. 111 դեպքերում կան միեւնույն տվյալներն ունեցող երկու տարբեր անձինք` 222 հոգի, իսկ շուրջ 53 հազար անձանց դեպքում նշված է միայն ծննդյան տարեթիվը, իսկ ամիսը եւ ամսաթիվը նշված են 00՚:

ԿԸՀ` 2007Թ. ՄԱՅԻՍ

Հետադարձ հայացք գցենք նաեւ, թե ինչ պատկեր էր տիրում նախորդ խորհրդարանական ընտրություններին: ԿԸՀ նախագահ Գարեգին Ազարյանի խոսքով. ՙՄամուլի հրապարակումներում տեղ գտած ՙընտրախախտումներն՚ իրականում չեն հակասում Ընտրական օրենսգրքի դրույթներին: Իմ կարծիքով, լրատվամիջոցները չգտնելով որեւէ լուրջ խախտում ընտրությունների վերաբերյալ, փորձում են իրենց էջերը հեղեղել անհիմն մեղադրանքներով, հետո էլ բերում են իրենց հիմնավորումը: ԿԸՀ նախագահը համոզված է, որ լրատվամիջոցները գրում են այն, ինչ կցանկանային, որ լիներ եւ օրենքը մեկնաբանում են այնպես, ինչպես իրենց ձեռնտու է՚: Իսկ այն լրագրողներին, ովքեր համաձայն չեն իր կարծիքի հետ, Ազարյանը խորհուրդ տվեց այն վիճարկել դատարանում:
Նկատվում է, արդյոք, տարբերություն` 5-տարի առաջ շրջանառվող ՙվիճակագրության՚ եւ այսօրվա գործընթացների մեջ: Եթե` կա, ապա ինպե±ս կարելի է հերքել այն փաստը, որ այդ առաջընթացը հանրության նվաճումն է, ում ապակողմնորոշելու իրավունք չունեն նաեւ իրենց ՙմահապարտ՚ կարգածները…

Ա. ԱԲԳԱՐՅԱՆ