ԸՆՏՐՈՒԹՅՈՒՆՆԵՐԻՑ ՀԵՏՈ.

ԸՆՏՐՈՒԹՅՈՒՆՆԵՐԻՑ ՀԵՏՈ.
- Может не надо,
Роберт Седракович?
- Надо, Вардан, надо...

ՙԹՈՂ ՊԱՐՈՆ ՔՈՉԱՐՅԱՆԸ ՀԻՇԻ` ՆԱ ՈՒՆԵՐ
ԱՎԵԼԻ ՑԱԾՐ ՏՈԿՈՍ, ՔԱՆ ԿԱՐԵՆ ԴԵՄԻՐՃՅԱՆԸ՚

Վերջին շրջանում ՀՀ երկրորդ նախագահ Ռոբերտ Քոչարյանի փոխարեն խոսում է իր ոչ պաշտոնական կայքը:

Երեկ սույն կայքն անդրադառնալով նախընտրական թոհուբոհին եւ Ռ. Քոչարյանի դերակատարությանը, դրանում նշել էր, որ ծիծաղելի է սոցիոլոգ Ահարոն Ադիբեկյանի  սոցիոլոգիական հարցումների արդյունքներն այն մասին, որ եթե  մոտակա օրերին լիներ նախագահական ընտրություններ, ապա Ռ.Քոչարյանին ձայն կտան ընտրողների 2,5 տոկոսը. ՙՏարրական տրամաբանությունը հուշում է, որ խորհրդարանական ընտրությունների քարոզարշավի ընթացքում, մի գործչի վարկանիշի մասին, ով անմիջական  մասնակցություն չունի այդ ընտրություններին, ոչ մի սոցիոլոգ առանց պատվերի հարցում չի անցկացնի: Լավ, պատվիրվածը պատվիրված, բայց վաստակած փողը քիչ թե շատ ՙհալալ՚ զգալու համար գոնե Ահավորյանը մի քիչ նեղություն քաշեր մտածելու, որպեսզի չասեր բաներ, որոնք ծիծաղելի են:  Ինչպես օրինակ` պնդումը, թե Ռոբերտ Քոչարյանի ՙցածր՚ վարկանիշի պատճառը նրա ընտանիքի տնտեսական գործունեությունն է՚: Ի պատասխան քոչարյանական ոչ պաշտոնական վերլուծություններին, Ա. Ադիբեկյանը ՙԻրավունք՚-ի հետ զրույցում ասաց. ՙԹող պարոն Քոչարյանը հիշի, որ երբ ես աշխատում էի իր առաջին նախագահական ընտրությունների վրա, նա ուներ ավելի ցածր տոկոս, քան Կարեն Դեմիրճյանը: Բայց, քանի որ Կ.Դեմիրճյանը սխալ քարոզարշավ էր տանում, իսկ նա ավելի գրագետ` խորհրդատվության առումով,  կարողացավ հասնել բավական լավ արդյունքի: Եվ երբ բոլորը իր երկրորդ ընտրության ժամանակ կարծում էին, որ կհաղթի առաջին փուլում, ես` չնայած որ իր հակառակորդներից երկուսը իմ պատվիրատուներն են եղել, ասացի կհաղթի երկրորդ փուլում: Այդպես էլ տեղի ունեցավ: Այնպես որ պատվիրատուն չի որոշում, թե ես ինչ եմ անում ու ինչպես եմ անում: Ու նա շատ լավ գիտի այդ տվյալները: Եթե նա ուզում է իր դեմքը փրկել, թող մտածի իր ընտանիքի տնտեսական ռենոմեի մասին: Այդ բաները չիմանալով ու չհասկանալով` իրենք մակերեսային ուղղակի քամի են փչում ու դրանով իրենք իրենց անունն են գցում, ոչ թե իմը՚: Իսկ, թե ինչո±ւ ՀՀՇ վարչության նախագահ Արամ Մանուկյանը, մեղմ ասած, լուրջ չի վերաբերում Ա.Ահարոնյանի հրապարակած հարցումների այն արդյունքներին, ըստ որի` Ա.Մանուկյանը թիվ 4 ընտրատեղամասում 3-րդն է լինելու, վերջինս հիշեց Եզոպոսի առակը. ՙԴա ասում են այն մարդիկ, որոնք կամ պարտվող են կամ ընդհանրապես քաղաքականությունից ոչինչ չեն հասկանում: Իմ խնդիրը ոչ թե հանրությանը զարմացնելն է, այլ իմ պատվիրատուին իրականությունը օբյեկտիվ ցույց տալն ու ասելը, թե ինչ խնդիրների առջեւ են կանգնած: Այսինքն` ցույց տալ հաղթահարման ճանապարհները: Ես ունեցել եմ միաժամանակ պատվիրատու ե°ւ պարտվող, ե°ւ հաղթող: Երբեք չեմ ասել, որ բոլորը հաղթելու են: Իսկ նման վերաբերմունքը նման է Եզոպոսի առակին, երբ աղվեսի քիթը խաղողին չի հասնում, ասում է խակ է: Թող այս առակը իրենք հիշեն իրենց ողջ կյանքի համար՚:

ՀՐԱՆՏ ՍԱՐԱՖՅԱՆ