Ինչպես հաղորդում է http://www.blognews.am կայքը` «Օրերս Hayeli.am կայքում մի հոդված էր տպագրվել, որում մասնավորապես նշվում էր, որ Հայաստանում նախընտրական սոցհարցումներ իրականացնող ընկերություններից իմացել են, որ Հայաստանում գործող կրոնական կազմակերպություններից երկուսը՝ «Կյանքի խոսք» և «Ավետարանչական» եկեղեցիերը այս ընտրություններին սատարելու են «Ժառանգություն» կուսակցությանը: Հոդվածում նշվում էր, որ կառույցները ոգեշնչվել են հատկապես Զարուհի Փոստանջյանի կերպարով՝ մարտնչող, պայքարող և ուժեղ կնոջ, ինչը բավական մոտ է այս կազմակերպության դավանանքին: Հեղինակը նաև ոչ բացահայտ ակնարկվում էր Փոստանջյանի աղանդավոր լինելու մասին»: Samo Fant անունով բլոգերը այդ նյութում պնդում է. «Ինձ հետ զրույցում Փոստանջյանը նշեց, որ Ժառանգությունը մարդու իրավունքներն ու ազատությունները հարգող քաղաքական ուժ է և գուցե դա է պատճառը, որ այդ կառույցները սատարում են ժառանգությանը, իսկ ինքը Հայ Առաքելական Եկեղեցուց բացի այլ եկեղեցի չի ճանաչում»: