ԹՈՒՐՔԱԿԱՆ ԱԳԵՆՏՆԵՐԻ ԽՐԱԽՃԱՆՔԸ

ԹՈՒՐՔԱԿԱՆ ԱԳԵՆՏՆԵՐԻ ԽՐԱԽՃԱՆՔԸ

Բոլոր կարգին հայ մարդիկ սրտանց ուրախացան, որ նախ Գյումրիում, իսկ այնուհետ Վանաձորում, հանրության ակտիվ բողոքի շնորհիվ, տխրահռչակ Գեորգի Վանյանը չկարողացավ կազմակերպել ադրբեջանական ֆիլմերի փառատոն: Ի պատիվ մեր քաղաքացիների, նրանք ֆիզիկապես անհնարին դարձրեցին այդ հակապետական, հակաազգային եւ անբարոյական ձեռնարկի իրագործումը: Ե°վ Գյումրիում, ե°ւ Վանաձորում բողոքի ակցիաներին մասնակցել են ամենատարբեր քաղաքական հայացքներ ունեցող քաղաքացիներ, ինչը նախընտրական թոհուբոհի պայմաններում ազգային միասնության ողջունելի դրսեւորում է:
Թվում էր, թե ոչ ոքի մտքով չպետք է անցներ այդ բողոքի ակցիաների մասնակիցներին թթու խոսք ասելը, բայց... Երեկ, սկզբում լույս աշխարհ եկավ օմբուդսմեն Կարեն Անդրեասյանի դատապարտող հայտարարությունը, իսկ այնուհետ` 16, այսպես կոչված ՙիրավապաշտպան՚ կազմակերպություններ, բառիս բուն իմաստով, վայնասուն բարձրացրին` պահանջելով պատժել եւ ակցիաների մասնակիցներին ու կազմակերպիչներին, եւ ապահովել թուրքա-ադրբեջանական շահերի պաշտպան կազմակերպությունների եւ անհատների անվտանգությունը եւ անխափան գործունեությունը: Օմբուդսմենի պարագայում ընդամենը մեկ հարցադրում ունենք` արդյոք հարգարժան պարոն Անդրեասյանը մոռացե±լ է, որ իր պաշտոնը կոչվում է Մարդու իրավունքների պաշտպան, այլ ոչ թե թուրքական շպիոնների պաշտպան: Ինչ վերաբերում է 16, այսպես կոչված, իրավապաշտպաններին, որ ստորագրել են հիստերիկ թուրքամետ հայտարարությունը, ապա ավելորդ չենք համարում դրանց անունների թվարկումը.
ՙԹրանսփարենսի ինթերնեշնլ հակակոռուպցիոն կենտրոն՚ հ/կ, ՙՀայաստանի հելսինկյան կոմիտե՚ հ/կ, ՙԵրեւանի մամուլի ակումբ՚ հ/կ, ՙՓաստաբաններ հանուն մարդու իրավունքների՚ հ/կ, ՙԻրավունքների պաշտպանություն առանց սահմանների՚ հ/կ, ՙՌազմավարական դատավարությունների կենտրոն՚ իրավապաշտպան հ/կ, ՙՀելսինկյան քաղաքացիական ասամբլեայի հայկական կոմիտե՚ հ/կ, ՙԲաց հասարակության հիմնադրամներ-Հայաստան՚ հիմնադրամ, ՙՀելսինկյան ասոցիացիա՚ իրավապաշտպան հ/կ, ՙԵրիտասարդություն հանուն ժողովրդավարության՚ հ/կ, ՙԻնտերնյուս՚ մամուլի աջակցության հ/կ, ՙԽոսքի ազատության պաշտպանության կոմիտե՚ հ/կ, ՙՀույս՚ հ/կ, ՙԼրագրողներ հանուն մարդու իրավունքների՚ հ/կ, ՙԻրավունքի գերակայություն՚ իրավապաշտպան հ/կ, ՙՔաղաքացիական ֆորում՚ հ/կ:
Մնում է զարմանքով հարցադրել` իսկ ինչով է զբաղված Ազգային անվտանգության ծառայությունը, որ բացարձակապես չի ուսումնասիրվում բացահայտորեն թուրքա-ադրբեջանական ազդեցության գործակալների գործառույթն իրականացնող այդ կառույցների գործունեությունը, ինչու հետաքննության առարկա չի դառնում այն հարցը, թե ում կողմից են դրանք ֆինանսավորվում եւ ինչ հանձնարարություններ ստանում,  եւ համապատասխան իրավական քայլեր չեն արվում ակնհայտորեն հակապետական գործունեությամբ զբաղված կառույցների եւ անհատների նկատմամբ: Մնում է դառը հեգնանքով արձանագրել, որ խորհրդային տարիներին ծնված ՙշպիոն Օնիկի՚ մասին անեկդոտը արդեն վաղուց դարձել է մեր իրականության բաղկացուցիչ մասը:  
Մի բան է սակայն մխիթարում, որ հայ հանրությունն է ոտքի կանգնում ու արդեն կարողանում է գոնե մասամբ լրացնել այն, ինչում թերացել են պետության համապատասխան կառույցները: Եվ կեղծ իրավապաշտպանների աղիողորմ լացը ի զորու չէ կասեցնել այդ վերելքը:

ՀՈՎՀԱՆՆԵՍ ԳԱԼԱՋՅԱՆ