ՙՙՕԳՏՎՈՒՄ ԵՆ ԺՈՂՈՎՐԴԻ ՍՈՍԿԱԼԻ ՎԻՃԱԿԻՑ, ԵՎ...՚

ՙՙՕԳՏՎՈՒՄ ԵՆ ԺՈՂՈՎՐԴԻ ՍՈՍԿԱԼԻ ՎԻՃԱԿԻՑ, ԵՎ...՚

Նախընտրական կրքերը գնալով թեժանում են, կուսակցությունները ակտիվ պայքար են մղում առավել ձայներ ունենալու համար: Պարզապես տարօրինակն այն է, որ քարոզարշավի ժամանակ բոլորը հայտարարում են արդար ընտրություններ անցկացնելու մասին, բայց չեն հետեւում իրենց գործողություններին եւ անգամ նախընտրական քարոզի ժամանակ հնչեցրած հայտարարություններին: Որքանո±վ է օրինական այն, որ նախընտրական պայքարին մասնակցող որոշ կուսակցություններ, չունենալով մեծ կարողություններ իրենց քարոզը անց են կացնում բավականին համեստ տարբերակներով, իսկ կան կուսակցություններ, օրինակ` ԲՀԿ-ն, որոնց նախընտրական արշավները անզեն աչքով դիտելիս ճոխություն ենք նկատում: Այս հարցով դիմեցինք այս օրերին իր նախընտրական քարոզը բավական համեստ իրականացնող ՀԴԿ նախագահ ԱՐԱՄ ՍԱՐԳՍՅԱՆԻՆ:
-Մենք ուղղակի այս պահին չունենք կոնկրետ հայտարարություններ մարդկանց կողմից, ովքեր կասեն, որ ինձ այս բանն են առաջարկել: Բայց այո, պետք է նշեմ, որ շատ-շատերը ուղղակի զբաղված են տարբեր տեսակի բաներ բաժանելով` բոնբոներկա, սիսեռ եւ սրանց մասին տեղյակ ենք եւ հիմա մենք պատրաստվում ենք քաղաքական հայտարարությամբ հանդես գալ, քանի որ օգտվում են ժողովրդի այս սոսկալի վիճակից եւ տարբեր խավերին փորձում են կաշառել տարբեր ձեւերով: Մեզ համար սա արդար ընտրություն համարել իհարկե տարօրինակ կլիներ: Իսկ ԶԼՄ-ների առումով այսօր մենք դժգոհություն հայտնել չենք կարող, քանի որ իրոք հնարավորինս լայն ձեւով ներկայացնում են մեր գործողությունները: Իսկ մյուս հարցերում խնդիրը բարդ է, եւ կան դժգոհություններ:
- Եթե անգամ չլինեն մարդկանց կողմից ահազանգեր, բայց չէ± որ վիզուալ ձեւով ակնհայտ երեւում է, որ օրինակ ԲՀԿ առաջնորդ Գագիկ Ծառուկյանը նախորդ շաբաթ Արմավիրում, իր քարոզի ժամանակ հրապարակավ հայտարարեց ու խոստացավ, որ այդ մարզում կստեղծի հակակարկտային կայան: Դուք այս հայտարարությունը համարո±ւմ եք օրինական այս օրերին, թե± ոչ:
- Եթե նման հայտարարություններ է արվում, իհարկե դա օրինականության հետ որեւէ կապ չունի: Ինչ վերաբերվում է նրան, թե ով պետք է բացահայտի, ապա ես ուզում եմ հասկանալ, եթե ոստիկանությունը եւ դատախազությունը հատուկ խումբ է ստեղծել, ինչ է, սպասում են, որ մե±նք պետք է հանցագործի ձեռքը բռնած տանենք հանձնենք իրենց: Իրենք ունեն բոլոր միջոցները եւ պարտավոր են բացահայտել դրանք, եթե սովորական կաշառք տվողին կարողանում են տեղում ձերբակալել, ապա ինչո±ւ չեն պայքարում սրա դեմ, չէ± որ սա եւս կաշառք տալու մի ձեւ է: Ի±նչ տարբերություն, չինովնի±կն է կաշառք վերցնում, թե± այս կամ այն քաղաքական ուժն է կաշառք բաժանում: Առաջին հերթին անհարմար է նրանց, ովքեր այդ բանն անում են, երկրորդն էլ իրավապահ մարմինների պարտավորությունն է բացահայտել դա: Տվյալ դեպքում մենք որեւէ մեկի հետ տարբերություն չենք դնում:
- Չ±եք կարծում, որ ԿԸՀ-ն եւս պետք է ինչ-որ միջնորդություններ կատարի նման դեպքերում:
- ԿԸՀ-ն պետք է հետեւի, որպեսզի օրենքի տառը կատարվի, եւ եթե տեսնում է, որ խախտվում է, պետք է համապատասխան միջոցներ ձեռնարկի իր լիազորությունների սահմաններում:

ԱՐՄԵՆՈՒՀԻ ՀԱԿՈԲՅԱՆ