Այսպես կոչված` ՙմիասնական շտաբի՚...

Այսպես կոչված` ՙմիասնական շտաբի՚ վերաբերյալ ինչ ճռճռան խոսքեր ասես ասվել են` է°լ ընտրությունների հանրային վերահսկողություն, է°լ պայքար ընտրակեղծիքների դեմ... Քիչ էր մնում արդեն հավատայինք, որ այդ շտաբի անդամների ոտքերն ամպոտ են, բայց մեր լավատեսության վրա զարմանալիորեն մի հսկայական գլաքար գլորեց հայտնի ՀԱԿ-իստ, Երեւանի նախկին քաղաքապետ, իսկ ավելի ճիշտ` նախկին քաղաքակեր ՎԱՀԱԳՆ ԽԱՉԱՏՐՅԱՆԸ. ՙՄենք ուղղակի ձգտում ենք իշխանափոխության. իշխանության գալը մեզ համար գերնպատակ չէ՚: Դե, ախր ո±նց հավատաս, որ գերնպատակ չէ, երբ սրանց կենսագրությունը ոչ միայն փաստում, այլեւ աղաղակում է գերնպատակի մասին: Առավել եւս` որ Լեւոն Զուրաբյանը ազնվորեն խոստովանում է. ՙՄենք նախկինում տրված որեւէ գնահատական չենք փոխում, մեր բոլոր մեղադրանքները մնում են ուժի մեջ: Բայց այստեղ ուղղակի ընտրություններում հաղթելու ռազմավարություն է՚: Այսինքն` զարմանալիորեն ստացվում է, որ, հանուն ընտրություններում հաղթելու, պատրաստ են համագործակցել դաշնակների հետ, ում ժամանակին վերջին հայհոյանքներն էին տալիս ԲՀԿ-ի հետ, որին ինչ անուն ասես չէին կպցնում, այս թվում նաեւ` Նիկոլի վիրավորական կարգախոսը, ու էլ չենք խոսում ՙԺառանգության՚ մասին, որին ուղղակի պիտակում են որպես իշխանությանը ծախված... Բայց ինչեւէ, այդ ամենին իր ֆեյսբուքյան էջում շատ դիպուկ գնահատական է տվել Արմեն Աշոտյանը. ՙԱյսպես կոչված` ՙմիացյալ՚ շտաբի համար (ԲՀԿ, ՀԱԿ, ՀՅԴ եւ ՙԺառանգություն՚?) առաջարկում եմ նույնքան ՙմիացյալ՚ կարգախոս. ՙԳալիս ենք միասին կառուցելու բարգավաճ դաշնակցության ռեժիմ՚՚:
Ի դեպ, նույն ՀԱԿ-ը դիմել է ոստիկանությանը` առաջարկելով օգտվել ոստիկանությանը վերապահված բոլոր հնարավորություններից ու միջոցներից` բնակչության պետական ռեգիստրից եւ ընտրացուցակներից հանել շուրջ 700 հազար ՔԱՂԱՔԱՑԻՆԵՐԻ, որոնք, ըստ ՀԱԿ-ի, մշտապես բացակայում են Հայաստանից: Հետաքրքիր է` ո±ր ցուցանիշներով են ՀԱԿ-իստները որոշում Հայաստանից մշտապես բացակայող քաղաքացիներին. օրինակ` ՀԱԿ-ի համար այն կանայք, որ թիվ 7 ընտրատարածքում կալմեջ էին արել Նիկոլ Փաշինյանին, համարվո±ւմ են մշտապես բացակայող... Դե ինչ, լավ է թիվ են կրակել, ու կարելի է ենթադրել, որ ՀԱԿ-ը առաջարկում է ընտրացուցակներից հանել բոլոր նրանց, ում մասին ստույգ հայտնի է, որ ՀԱԿ-ին ձայն չեն տալու:
Հույժ հետաքրքիր տվյալներ է հրապարակել սոցիոլոգ ԼԵՎՈՆ ԱՆԴՐԵԱՍՅԱՆԸ: Զարմանալիորեն, ըստ ՙԷքզիթ փոլ՚ կենտրոնի հարցումների, պարզվել է, որ տարատեսակ աղանդներին պատկանող ընտրողները իրենց քվեն պատրաստվում են տալ ընդդիմադիր ուժերից կոնկրետ մեկին. ՙԱնուն չեմ նշի: Կարող եմ ասել, որ հարցումներում դա խորհրդարան անցնող քաղաքական ուժ է: Մեր հարցման մասնակիցների մեջ այդպիսիք 192-ն էին: Ի դեպ, դրանք տարբեր ուղղությունների հետեւորդներ էին: Մենք կցանկանայինք, որ այս հարցի վրա ուշադրություն հրավիրվեր՚: Դե ինչ, մենք էլ կցանկանայինք, որ այս հարցի վրա ուշադրություն դարձնեն հատկապես ազգային անվտանգության մարմինները, իսկ ընթերցողներին էլ առաջարկում ենք փորձել կռահել` կոնկրետ ո±ր ընդդիմադիր ուժին են հրամայել քվե տալ բոլոր աղանդավորներին, որոնք, ինչպես հայտնի է, ղեկավարվում են միասնական մեկ կենտրոնից:
Լավ, մի փոքր հեռանանք ընտրարշավի թեմայից եւ անցնենք պոզիտիվ բաների: Եվ այդ տեսանկյունից չենք կարող դրական զարմանքը, նույնիսկ հիացմունքը չարտահայտել Ռուսաստանի Տուլա քաղաքում ապրող մեր հայրենակից ԳԵՂԱՄ ՍԱՐԳՍՅԱՆԻՆ: Նա, պաշտպանելով իր տունն ու իր ընտանիքը չորս` մինչեւ ատամները զինված եւ իրենից ակնհայտորեն ֆիզիկապես ուժեղ բանդիտներից, կարողացավ երեքին սպանել սովորական խոհանոցային դանակով, իսկ չորրորդը խուճապահար փախավ: Ինչեւէ, հուսանք, որ Ռուսաստանի հայ համայնքի կողմից կգործադրվեն բոլոր ջանքերը, որպեսզի մեր հերոս հայրենակցին հանկարծ չհամարձակվեն քրեական պատասխանատվության ենթարկել` անհրաժեշտ պաշտպանության սահմանազանցման պատրվակով:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ