ԲՀԿ-ՈՒՄ ՈՒՄ ԱՍԱԾԻՆ ՀԱՎԱՏԱԼ...

ԲՀԿ-ՈՒՄ ՈՒՄ ԱՍԱԾԻՆ ՀԱՎԱՏԱԼ...

Ստացվում է, որ ՙԺառանգություն՚ կուսակցությունը գտել է ԲՀԿ-ի թույլ տեղը եւ  օր օրի ավելի նոր նախապայմաններ է առաջադրում: Այս անգամ զրուցեցինք ԲՀԿ մամլո քարտուղար ԲԱՂԴԱՍԱՐ ՄՀԵՐՅԱՆԻ հետ:
-ՙԺառանգություն՚ կուսակցության վարչության փոխնախագահ Ռուբիկ Հակոբյանը հայտարարել է, որ ՀԱԿ-ը եւ ՀՅԴ-ն ԲՀԿ-ի հետ միասին ձգտում են իշխանափոխության, որի արդյունքում պետք է իշխանություն գա ԲՀԿ-ն: Ինչպե±ս կմեկնաբանեք այս հայտարարությունը:
- Ոչ մի կերպ էլ չեմ մեկնաբանի, ինչո±ւ ես պետք է մեկնաբանեմ նրանց հայտարարությունը:
- Պարոն Մհերյան, ինչպե±ս հասկանալ այն, որ ԲՀԿ համամասնական ընտրական ցուցակում ընդգրկված առաջին համարն ասում է կոալիցիան գործում է, երկրորդը` Վարդան Օսկանյանը, պնդում է հակառակն` ասելով, որ կոալիցիա չկա, երրորդ տեղում գտնվող ՀՀ քաղաքաշինության նախարար Վարդան Վարդանյանը հենց կոալիցիան է ներկայացնում, իսկ չորորդ տեղում Գուրգեն Արսենյանն ասում է կոալիցիան գործում է այնքանով, որքանով... Ո±ւմ հավատալ:
- Գագիկ Ծառուկյանը այդ հարցին հստակ պատասխանել է, ես ավելացնելու ոչինչ չունեմ:
- Թեեւ ԲՀԿ-ն պայքարում է ազատ, արդար, թափանցիկ ընտրությունների համար, բայց միեւնույն ժամանակ Արմավիրում կայացած հանրահավաքին հակակարկտային կայանների տեսքով բարիքներ է խոստանում հանրությանը: Սա արդյո±ք օրենքի խախտում չէ:
- Բացարձակապես օրենքի խախտման մասին խոսք չկա: Նախընտրական խոստում չի± կարող լինել, որ գյուղատնտեսության զարգացման համար պետք է սարքել հակակարկտային կայաններ, պետք է նորոգել ջրանցքները եւ այլն: Սա նախընտրական խոստում է, որը բոլոր ուժերի` բոլոր կուսակցությունների ծրագրերով անպայման կա: Որ կուսակցության նախընտրական ծրագիրն էլ բացեք, գյուղատնտեսության բաժնում անպայմանորեն գրված է լինելու` ավելացնել հակակարկտային կայանների քանակը:
Երեք տարի առաջ` Երեւան քաղաքի ավագանու ընտրությունների ԲՀԿ-ի ծրագրի մասին, ԲՀԿ պատգամավոր Նաիրա Զոհրաբյանը նշել էր ՙԻրավունք՚-ին տված հարցազրույցներից մեկում. ՙԵրեւանի սոցիալ-տնտեսական զարգացման ԲՀԿ-ի առաջարկած ծրագիրը տալիս է երեւանցուն հուզող բոլոր այդ հարցերի պատասխանները: Ընդ որում, մինչ մեր նախընտրական ծրագիրը կազմելը մենք երեւանցիների շրջանում հարցում ենք արել` պարզելու համար, թե ավելի բարեկեցիկ, բարգավաճ Երեւան ունենալու համար ի±նչ խնդիրներ, պրոբլեմներ, են տեսնում նրանք ու դրանց լուծումներն առաջադրել ենք մեր ծրագրում՚: Քանի որ Երեւան քաղաքի ավագանու ընտրություններից անցել է երեք տարի, Բ.Մհերյանից փորձեցինք պարզել, թե ո±ր խոստացված ծրագրերն է իրականացրել ԲՀԿ-ն եւ դրանց իրականացման ճանապարհին որտե±ղ է հակադրվել ՀՀԿ-ին:
- Դեռեւս այդ ծրագրերը ընթացքի մեջ է, այնպես որ այդ հարցին այս պահին չեմ կարող պատասխանել: Բայց դա ոչ մի կապ չունի այսօրվա հետ, մեկը մյուսի հետ պետք չէ խառնել: Ինչ վերաբերում է հակադրությանը, իհարկե, եղել է: Աշխատանքային քննարկումներ են եղել, եղել են դեպքեր, որտեղ ՙԲարգավաճ Հայաստանը՚ համաձայն չի եղել Հանրապետական կուսակցության տեսակետին ու քվեարկություն է եղել, որոշվել է: Դա նորմալ, առողջ աշխատանք է, ճիշտ նույն կերպ, ինչպես Ազգային ժողովում:
- Կրկին անդրադառնալով ՙԺառանգությանը՚` ինչո±վ է պայմանավորված այն, որ նրանք միասնական շտաբին օր օրի նորանոր նախապայմաններ են առաջադրում: Չէ± որ այս անգամ էլ պահանջում են ԲՀԿ-ն կոալիցիայից դուրս գա, նոր ստորագրի միասնական շտաբի համաձայնագիրը:
- Իրենց հարցրեք, թող իրենք պատասխանեն: Այսօրվա համար վերջ...

ՀՐԱՆՏ ՍԱՐԱՖՅԱՆ