ՐԱՖՖԻՆ ՈՎ Է, ՈՐ ՆՐԱ ԱՌԱՋԱՐԿՈՒԹՅԱՄԲ ԾԱՌՈՒԿՅԱՆԸ ԳՐԻՉ ՇԱՐԺԻ

ՐԱՖՖԻՆ ՈՎ Է, ՈՐ ՆՐԱ ԱՌԱՋԱՐԿՈՒԹՅԱՄԲ ԾԱՌՈՒԿՅԱՆԸ ԳՐԻՉ ՇԱՐԺԻ

Ընտրությունների վերահսկման միասնական շտաբի վերաբերյալ ՙԺառանգություն՚ կուսակցության մտքի ՙգոհարները՚ բոլորովին էլ չեն ողջունում ԲՀԿ ներկայացուցիչները: Մինչդեռ ՙԺառանգությունն՚ առաջարկում էր բարեգործության անվան տակ բաժանվող ընտրակաշառքի դեպքերն ուսումնասիրելու համար շտաբում հանձնաժողով ձեւավորել եւ առաջարկում, որ շտաբի ձեւավորման հռչակագիրը ստորագրեն քաղաքական ուժերի առաջնորդները: Դե բնական է, կամ այս նախապայմանները ձեռք չի տալիս ԲՀԿ-ին, կամ էլ թեպետ ստորագրել են համաձայնագիրը, բայց միասնական շտաբի գաղափարները չեն կիսում:

ՙԺառանգություն՚ կուսակցության նախապայմանների մասին զրուցեցինք ԲՀԿ պատգամավոր ՆԱԻՐԱ ԶՈՀՐԱԲՅԱՆԻ հետ:
-ՙԺառանգություն՚ կուսակցության միասնական շտաբին առաջադրած առաջին նախապայմանի վերաբերյալ Դուք նշել եք, որ դա պատրվակ է ձեռք բերված պայմանավորվածություններից խուսափելու համար: Արդյոք զուտ պատրվա±կ է եւ անընդունելի է բարեգործությամբ զբաղվելու անվան տակ ընտրակաշառքի դեպքերն ուսումնասիրելը:
- Բացարձակապես ոչ: Ես դրա մասին չեմ ասել, այլ պատրվակ ասելով` նկատի ունեմ այն, որ նրանք ասում են, թե իրենց համար ընդունելի կլինի, եթե համաձայնագիրը լինի այս կամ այն մարդու կամ էլ լիդերների ստորագրությամբ: Եթե Վարդան Օսկանյանը մասնակցում է այդ համաձայնագրին, ուրեմն ունի կուսակցության նախագահի լիազորությունը: Ինչ  վերաբերում է հարցերի քննարկմանը, ապա մենք մշտապես պատրաստ ենք եղել ցանկացած հարցեր քննարկելուն: Հատկապես, որ ՙԲարգավաճ Հայաստան՚ կուսակցությունը որեւէ անվան տակ ընտրակաշառք երբեւէ չի բաժանել եւ չի բաժանելու: Այն, ինչ բարեգործություն է, ուղղակիորեն բարեգործություն է, ինչով զբաղվում է ոչ թե կուսակցությունը, այլ` ՙԳագիկ Ծառուկյան բարեգործական հիմնադրամը՚:
- Ի±նչն է խնդիրը, որ ԲՀԿ-ն չի ցանկանում ընդունել ՙԺառանգության՚ երկրորդ նախապայմանը, այսինքն` կամ համաձայնագիրը ստորագրի ԲՀԿ առաջնորդը, կամ Վ.Օսկանյանը ստանա կուսակցության գրավոր լիազորությունը:
- Ո±վ ասեց, որ մենք պետք է առաջնորդվենք ՙԺառանգության՚ թելադրած պայմաններով եւ նախապայմաններով: Այդպիսի բան կա±, որ մենք պարտավոր ենք առաջնորդվել ՙԺառանգության՚ կամ որեւէ այլ կուսակցության նախապայմաններով, ո±վ է նման բան որոշել: Մենք ունենք մեր ուրույն  աշխատելաոճը եւ չենք պատրաստվում առաջնորդվել որեւէ կուսակցության առաջադրած ինչ-որ պայմաններով:
- Դուք նշել եք, որ գաղտնիք չէ, թե որտեղից են իջեցվում ԲՀԿ-ի դեմ ելույթներ ունենալու պետպատվերները: Սա վերաբերում էր ՀՀԿ-ի±ն թե± ՙՕրինաց երկրին՚:
- Կարող եմ ասել, որ գաղտնիք չէ, ավելին չեմ ասելու: Շարունակում եմ պնդել ասածս եւ որեւէ մեկնաբանում տվյալ հարցի վերաբերյալ չեմ տալիս...
- Վարդան Օսկանյանն ասում է, որ կոալիցիան ֆորմալ բնույթ է կրում, իսկ Գագիկ Ծառուկյանը նշում է, որ կոալիցիան գործում է: Ո±ւմ ասածն է արտացոլում ԲՀԿ-ի պաշտոնական դիրքորոշումը:
- Այդ հարցին ե°ւ Գագիկ Ծառուկյանը, ե°ւ Վարդան Օսկանյանը պատասխանել են, ես ավելացնելու ոչինչ չունեմ:

ՀՐԱՆՏ ՍԱՐԱՖՅԱՆ