ԿԸՀ-Ն ՎԵՐԱՀՍԿՈՒՄ Է ԸՆԴԱՄԵՆԸ ՉՈՐՍ ԾԱԽՍԱՅԻՆ ՈՒՂՂՈՒԹՅՈՒՆՆԵՐ

ԿԸՀ-Ն ՎԵՐԱՀՍԿՈՒՄ Է ԸՆԴԱՄԵՆԸ ՉՈՐՍ ԾԱԽՍԱՅԻՆ ՈՒՂՂՈՒԹՅՈՒՆՆԵՐ

Նախընտրական քարոզը մտել է իր հունի մեջ եւ կուսակցություններից շատերը տարբեր կերպ են կազմակերպում իրենց արշավները, եւ դրանք նույնիսկ իրարից տարբերվում են իրենց ճոխություններով: Օրերս ՀՅԴ-ն իր նախընտրական հանրահավաքի ժամանակ բավականաչափ ճոխություններ է կատարել` օգտագործելով մեծ հեռուստացույցներ, օրկեստր, երգիչ-երգչուհիներ, հրավառություն, եւ մոտավոր ծախսը կարող էր կազմել 50 հազար դոլար: Իսկ ԲՀԿ-ն տարբեր մարզերում տրակտորներ է բաժանում: ՙՈրքանո±վ է ճիշտ օրենքի տեսակետից նման ճոխություններ թույլ տալը, եւ արդյոք ԿԸՀ-ն չի իրականացնում ծախսերի մոնիթորինգ՚,- հարցով դիմեցինք ԿԸՀ համապատասխան բաժնի ղեկավար Սեւակ Հովհաննիսյանին, ով այս կապակցութամբ նշեց. ՙԿԸՀ-ն վերակառուցվածքում ունի վերստուգիչ ծառայություն: Մենք ունենք ընտրական օրենսգրքում դրույթներ, որոնք կարգավորում են քարոզչության ֆինանսավորման հետ կապված իրավահարաբերությունները, մասնավորապես` 26-րդ հոդվածի 2-րդ կետը, որտեղ ասվում է, թե կոնկրետ որոնք են համարվում քարոզչական ծախսեր: Այդ հոդվածի վերաբերյալ մենք ունենք պաշտոնական պարզաբանում եւ քարոզչական ծախսեր են համարվում ԶԼՄ-ներով քարոզչության իրականացումը, դահլիճների եւ տարածքների վարձակալումը, քարոզչական պաստառների պատրաստումը եւ տեղադրումը եւ քարոզչական ցանկացած բնույթի` այդ թվում նաեւ տպագիր նյութերի պատրաստումը եւ տարածումը: Բացառապես այս չորս ծախսային ուղղություններն են համարվում քարոզչական ծախսեր: Ընդ որում` սրանց մասով մեր պարզաբանման մեջ հստակեցվեց այն, որ ոչ բոլոր տարածքների վարձակալությունը կարող է դիտվել քարոզչական ծախս եւ կատարվի նախընտրական հիմնադրամի միջոցների հաշվին եւ, մասնավորապես` այն տարածքները, որոնց վարձակալությունը կարող է դիտվել կազմակերպչական, տեխնիկական կամ վարչական բնույթ, դրանք եւս չեն կարող համարվել քարոզչական ծախսեր, հայտարարագրվեն եւ վերահսկվեն: Իսկ Ձեր կողմից բերված օրինակների դեպքում տարածք չի վարձակալվել, իսկ թե միտինգի ժամանակ հարյուր հազարանոց էկրան կլինի կամ այլ ատրիբուտներ, դա քարոզչական ծախս չի կարելի դիտել՚:

ԱՐՄԵՆՈՒՀԻ ՀԱԿՈԲՅԱՆ