ՙՙՔԱՄՈՒ ԲԵՐԱԾԸ ՔԱՄԻՆ ԷԼ ԿՏԱՆԻ

ՙՙՙՔԱՄՈՒ ԲԵՐԱԾԸ ՔԱՄԻՆ ԷԼ ԿՏԱՆԻ

Արդեն սկսվել է ԱԺ ընտրությունների քարոզարշավը, եւ կուսակցություններն ու մեկ դաշինքն սկսել են իրենց հարցազրույցները, տեսահոլովակները ներկայացնել հեռուստատեսությամբ, ռադիոյով... Ոմանք էլ արդեն երգեր են երգում, ոմանք` պարում...
Անմիջապես անցնենք բուն գործին, տվյալ դեպքում` ՙԺառանգություն՚ կուսակցության տեսահոլովակին, որտեղ ՙՍարերի քամի՚ երգը կատարում են Ձախ Հարութը եւ ՌՈՒԲԵՆ ՀԱԽՎԵՐԴՅԱՆԸ, իսկ կուսակցության ղեկավար Րաֆֆի Հովհաննիսյանը հուզումնալից ու սիրատոչոր հայացքով վերջում միանում է պարողներին: Դե ինչ, ով կարող է ասել, թե մարդիկ վատ են անում, որ երգում ու պարում են: Դեռ մինչեւ քարոզարշավն էլ ՕԵԿ-ականներն էին շուրջպար բռնել, դե, իսկ հետո էլ Էգ առյուծը.. Չէ, չերգեց, այլ... ՙԻ դեմս՚... Լավ, անցանք առաջ, քանի որ կուսակցությունների քարոզարշավին անդրադառնալու բազմաթիվ առիթներ դեռ կունենանք: Բայց մինչեւ առաջ անցնելը հիշեցնենք, թե ով էր ՙհեղափոխությունից առաջ՚ Ռուբեն Հախվերդյանը: Այո°, այո°, հարգելի° ընթերցողներ, որտեղ հեղափոխություն, այնտեղ էլ Դաշնակցություն, կամ էլ` որտեղ Դաշնակցություն, այնտեղ էլ հեղափոխություն: Եվ այսպես, երգիչ-երգահան Ռուբեն Հախվերդյանն էլ ՀՅԴ-ի կողքին, կարելի է ասել` ՀՅԴ-ի հետ էր: Օրինակ, Երեւանի ավագանու ընտրություններում նա Դաշնակցության ցուցակում էր ու այնտեղ միակ անկուսակցականը: Իսկ մինչ այդ...
Իսկ մինչ այդ նա պաշտպանում էր ՀՀ նախագահի` ՀՅԴ-ի կողմից առաջադրված նախագահի թեկնածու Վահան Հովհաննիսյանին: Եվ երբ Դաշնակցության կազմակերպած մի հանրահավաքին նա չէր մասնակցել, որը տեղիք էր տվել ենթադրելու, որ նրա եւ ՀՅԴ-ի միջեւ ՙսեւ կատու՚ է անցել, Ռ. Հախվերդյանը դա բացառել էր հետեւյալ կերպ. ՙԻմ եւ Դաշնակցության մեջ ո±նց կարող էր սեւ կատու անցնել: Դաշնակցությունը միայն կուսակցություն չէ, այլեւ գաղափարախոսություն: Իսկ սեւ կատուն միայն գեղեցիկ կենդանի է՚: Ըստ Հախվերդյանի` ինքը երբեք չի գժտվի Դաշնակցության հետ. ՙՈւզում է` 100 բյուրո փոխվի եւ ղեկավարություն, դա երբեք տեղի չի ունենա՚:
Իսկ լրագրողներից մեկի այն հարցին, թե ինչու այդ դեպքում ինքը չի մասնակցել դաշնակցականների հանրահավաքին, Հախվերդյանը պատասխանել էր, որ ինքը տեղափոխվել է այլ բնակավայր. ՙՀեռու եմ ապրում՚:
Ի դեպ, այդ օրերին նաեւ խոսակցություններ տարածվեցին, ըստ որի` Հախվերդյանի եւ Դաշնակցության միջեւ անջրպետ էր առաջացել այն բանից հետո, երբ երգահանը կողմ էր արտահայտվել, որ թուրքերը իր երգերի թողարկման իրավունքն ստանան: Իր պատրաստակամությունն էլ երգիչն արդարացրել էր այսպես. ՙԵթե Պողոսը կամ Պետրոսն աղավաղում են իմ երգերի բառերը, ավելի լավ չէ±ր լինի, եթե իմ ասածը հնչեր մաքուր թուրքերենով՚:
Բայց մի պահ ետ գնանք եւ հիշենք, թե ինչ էր ասել նա Վահան Հովհաննիսյանի մասին. ՙԵթե կուզեք իմանալ, իսկական նժդեհականը հենց Վահանն է՚:
Դառնալով վերոնշյալ տեսահոլովակին` նշենք, որ դժվար թե երգիչ-երգահանը կարողանա երկար մնալ ՙԺառանգության՚ կողքին, եւ, ինչպես ասում են` քամու բերածը քամին էլ կտանի: Չնայած հանուն արդարության պետք է հիշեցնենք, որ նա ժամանակին իր երգով մասնակցեց Րաֆֆի Հովհաննիսյանի` հացադուլից դուրս գալու պատմական իրադարձությանը:

ՙՉՀԱՍԿԱՑՈՂ՚ ԴՈԿՏՈՐ ԵՎ ԱՅԼ ՙՄԱԶԱԼՈՒ՚ ԲԱՆԵՐ

Զարմանալի, ավելի ճիշտ` ՙմազալու՚ բաներ է ասել ռեժիսոր, ՙՍարդարապատ՚ հասարակական նախաձեռնության անդամ ՏԻԳՐԱՆ ԽԶՄԱԼՅԱՆԸ, երբ լրագրողները պարզել են, որ նրա կինը` Նարինե Միրզոյանը, ընդգրկված է ՀՀԿ համամասնական ցուցակում` 116-րդ հորիզոնականում: Լսենք նրան.
ՙԻնքը (կինը-Ռ.Թ.), որքան հասկանում եմ, այդքան էլ լավ չհասկացավ` ինչ են առաջարկել, քանի որ նա կուսակցության անդամ չէր: Խոսակցությունը, որքան հասկացա, գնում էր, որ դուք պատգամավոր, բնականաբար, չեք դառնում, ինստիտուտից ինչ-որ ցուցակներ են կազմվում, եւ նա ստորագրել էր` լավ չհասկանալով` ինչ է ստորագրում՚: Ավելորդ չենք համարում տեղեկացնել, որ այդ ՙչհասկացողը՚ գիտությունների դոկտոր է, բժշկական համալսարանի կլինիկական ֆարմակոլոգիայի ամբիոնի վարիչ եւ այդ հաջողություններին հասել է վերջին երկու տարվա ընթացքում, երբ ամուսինն ընդդիմադիր էր եւ, ըստ իր իսկ խոստովանության, ՙիրենց ճնշում էին՚: Մենք, իհարկե, կցանկանանք իմանալ նաեւ ռեժիսորի կնոջ կարծիքը...
Ի դեպ, Տ. Խզմալյանը նաեւ նշում է, որ վստահ չի, որ հիմա իր աղջկա սկեսրայրը Երեւանի փոխքաղաքապետն է, ու նաեւ հավելում է, որ ՙիր խնամիների դեմ նույնպես (ինչպես իր ընտանիքի դեմ- Ռ. Թ.) ինչ-որ ճնշումներ արվում են՚: Մեզ հետաքրքրում է նաեւ նրա խնամու` փոխքաղաքապետ Վանո Վարդանյանի կարծիքն այն մասին, թե իրո±ք իրեն ճնշում են: Բայց այդ ամենի մասին, ինչպես ասում են` հաջորդ դասին:

Կույտը մշակեց ՌՈՒՍԼԱՆ ԹԱԹՈՅԱՆԸ