ԿՈՒՍԱԿՑՈՒԹՅՈՒՆՆ Է ՕՍԿԱՆՅԱՆԻՆ ԿԻՑ, ԹԵ ՀԱԿԱՌԱԿԸ...

ԿՈՒՍԱԿՑՈՒԹՅՈՒՆՆ Է ՕՍԿԱՆՅԱՆԻՆ ԿԻՑ, ԹԵ± ՀԱԿԱՌԱԿԸ...

Մեր հարցազրույցը ԲՀԿ նախագահ Գագիկ Ծառուկյանի մամլո խոսնակ ԽԱՉԻԿ ԳԱԼՍՏՅԱՆԻ հետ ընդհատվեց ԲՀԿ ՙյուղը վրեն՚ անդամ Վարդան Օսկանյանի պատճառով: Ինչ արած, Վ. Օսկանյանն էլի համը հանեց, հենց նրա անունը տալիս էինք` հեռախոսազրույցն ընդհատվում էր ու այդպես քանի անգամ շարունակ, իսկ մինչ այդ Խ. Գալստյանը սիրով պատասխանում էր մեր հարցերին...
-Պարոն Գալստյան, ԲՀԿ-ն մասնակցում է ընդդիմադիրների կողմից ձեւավորված վերահսկման միասնական շտաբին եւ միեւնույն ժամանակ միացել է Դավիթ Հարությունյանի ընտրությունները պատշաճ անցկացնելու նախագծին: Այս երկու նախագծերից, ո±րն է ավելի կարեւորում ԲՀԿ-ն:
- Այդպիսի խնդիր ՙԲարգավաճ Հայաստան՚ կուսակցության առջեւ դրված չէ: Մենք ունենք մի գերնպատակ` ամեն ինչ անել, որ ընտրություններն ընթանան ազատ, արդար, թափանցիկ: Այդ տեսանկյունից ենք մենք ակտիվորեն մասնակցում բոլոր տիպի ձեւաչափերին, որոնք ուղղված են ընտրությունները բարձր մակարդակով անցկացնելու համար:
- Վերահսկման միասնական շտաբի անդամ երեք ընդդիմադիրները դիմել են ՀՀ վարչապետին, ՀՀ ոստիկանապետին, ԿԸՀ նախագահին, Արդարադատության նախարարին, որպեսզի իրենց տրամադրեն երկրից մշտապես բացակա, բայց ընտրացուցակներում ընդգրկված քաղաքացիների լիակատար ցանկը: Ի±նչն է պատճառը, որ ԲՀԿ-ն որոշեց ինքնուրույն իրականացնել ընտրողների ցուցակների վերստուգումը:
- ՙԲարգավաճ Հայաստան՚ կուսակցության տարածքային կառույցներում հանձնարարված է աշխատել ցուցակների ճշգրտությունը պարզելու ուղղությամբ: Մենք սպասում ենք դրանց արդյունքներին: Երբ պատասխանը կլինի, մենք նոր մեր հաջորդ քայլերը կորոշենք:-Վարդան Օսկանյանը քանիցս հայտարարել եւ պնդել է, որ կոալիցիան ձեւական բնույթ է կրում: Դո±ւք էլ եք այդպես կարծում:
- Այդ կապակցությամբ հայտարարություններ արդեն հնչել են...
- ՀՀԿ փոխնախագահ Արմեն Աշոտյանը Վարդան Օսկանյանի այն արտահայտությանը, թե ընտրությունների արդյունքում ոչ միայն խորհրդարան է ձեւավորվելու, այլեւ կառավարություն, արձագանքել է եւ նշել, որ ձգտելու են նրան, որ Վ. Օսկանյանի գաղափարները կրողները կառավարությունում չլինեն: Իսկ ԲՀԿ-ն Վ. Օսկանյանի գաղափարների կրող համարվո±ւմ է:
- Դուք ինչպե±ս եք պատկերացնում, ա±նձն է կուսակցության գաղափարները կրում, թե± կուսակցությունը անձի...
Եվ հաջորդ հարցը այդպես էլ մնաց անպատասխան: Օսկանյանի ՙնավսից՚ այլեւս չհաջողվեց վերականգնել հեռախոսակապը...

ՀՐԱՆՏ ՍԱՐԱՖՅԱՆ