ՙԺԱՌԱՆԳՈՒԹՅԱՆ՚ ԱՊՐԻԼՄԵԿՅԱՆ ԿԱՏԱԿԸ

ՙԺԱՌԱՆԳՈՒԹՅԱՆ՚ ԱՊՐԻԼՄԵԿՅԱՆ ԿԱՏԱԿԸ

Ապրիլմեկյան տոնը իր հետեւանքներն ունեցավ պատգամավոր Զարուհի Փոստանջյանի համար: Եթե հայտնի մուլտֆիլմում սուտ ասելու ժամանակ Փինոքիոյի քիթն էր աճում, այս դեպքում, ըստ Զ.Փոստանջյանի, ՙԺառանգություն՚ կուսակցության ներկայացուցիչների թիվը ԱԺ-ում:
Իր խոսքում Զ.Փոստանջյանը նշել է, որ գալիք խորհրդարանում ակնկալում է տեսնել ՙԺառանգություն՚ կուսակցության առնվազն 41 ներկայացուցչի, ինչը, ըստ նրա, արդար ընտրությունների պարագայում հնարավոր է: Քանի որ, նույն կուսակցությանը պատկանող պատգամավոր Լարիսա Ալավերդյանի համար 41 թիվը ճակատագրական է առաջիկա ընտրություններում, փորձեցինք ճշտել, թե արդյոք Զ.Փոստանջյանի նման հայտարարությունը ապրիլմեկյան կատակ չէր: Այս մասին Լ.ԱԼԱՎԵՐԴՅԱՆՆ ասաց. ՙԵս չեմ մեկնաբանում իմ կոլեգաների հարցազրույցները...՚:
Փաստորեն, նույնիսկ պատգամավոր Լարիսա Ալավերդյանը չընկալեց կոլեգայի չստացված կատակը:

ՀՐԱՆՏ ՍԱՐԱՖՅԱՆ

ԵՐԿՈՒ ՄԱՐԶՊԵՏՆԵՐ ԴՈՒՐՍ ԵՆ ԵԿԵԼ ԲՀԿ ՑՈՒՑԱԿԻՑ

Երեկ ԲՀԿ համամասնական ցուցակում ընդգրկված Վայոց ձորի եւ Գեղարքունիքի մարզի մարզպետները ինքնաբացարկ են հայտարարել եւ դուրս եկել ցուցակից, իսկ թե ինչու` դիմեցինք ԲՀԿ նախագահի մամուլի պատասխանատու ԽԱՉԻԿ ԳԱԼՍՏՅԱՆԻՆ. ՙՆրանք ինքնաբացարկ են հայտնել, քանի որ իրականացնում են իրենց գործադիր լիազորությունները, եւ այդ առումով նախընտրական քարոզարշավի մասնակցությունը համամասնական ընտրակարգով կխանգարեր՚: ՙՄի±թե մինչ այդ պարզ չէր, որ համատեղ այդ աշխատանքները կարող էին խանգարել մեկը մյուսին՚,- հարցին Խ. Գալստյանը պատասխանեց. ՙԴուք կարող եք հենց հիմա զանգել նրանց եւ ճշտել նրանց անձնական կարծիքը եւ իրենք իրականացնելու են միայն գործադիր լիազորությունները՚:

Ա. ՀԱԿՈԲՅԱՆ

ՙՊՐԻՍՏԻԺԻ՚ ՀԱՐՑ է

Շրջանառվող լուրերի համաձայն, նախօրեին բավականին թեժ լեզվակռիվ է տեղի ունեցել` լրիվ ջղաձիգ իրավիճակների մեջ ընկած Րաֆֆի Հովհաննիսյանի եւ ամեն տեղ իրեն մեջ ՙգցած՚ Զարուհի Փոստանջյանի միջեւ, ով ամերիկացի Րաֆֆուց ՙատչոտ՚ է ուզել ՙԺառանգության՚ ներկայիս ցուցակաբանության պատկերի հետ կապված: Ըստ նույն լուրերի, Զարուհուն այս ՙխիզախ՚ քայլին ուղղորդել է հինավուրց ՙժառանգականի՚ ստատուս ունեցողներից մեկը, տիկին Փոստանջյանի ականջին շշնջալով, որ պրն Րաֆֆին Արաբկիրի թիվ 4 ընտրատարածքի մայիսի 6-ի արդյունքների մասով արդեն իսկ լուրջ պայմանավորվածություն է ձեռք բերել: Եվ դա է եղել դրդիչ պատճառը, որ Զարուհին որոշել է Րաֆֆու դեմ հակահարձակման անցնել, նախ իրենց ցուցակների դասավորվածության ու իրեն բան չասող անունների հետ կապված, իսկ հետո նոր նա իր ՙդարդն է լացել՚ Րաֆֆուն` ուղիղ տեքստով հայտնելով իր միտքը, թե. ՙԻմ համար մեծամասնականով հաղթելը պրիստիժի հարց է, այլ ոչ թե...՚: Սակայն, ըստ նույն լուրերի, ՙԺառանգության՚ համար պայքարող աննկուն մարտիկ Րաֆֆի Հովհաննիսյանը անտարբերության դաշտ է տեղափոխել Զարուհու ասածները, հավելելով. ՙԱմեն բան անցողիկ է եւ պետք չէ մի փոքր բանից մեծ պատմություն սարքել՚:

ԳԱՅԱՆԵ ԶԱՐԳԱՐՅԱՆ